ديوان الشاعر... فواز الزويهري

السلام عليكم ورحمة الله وبركاته
هذه زومالة شعراء ملتقى قبيلة حرب الرسمي
نظم / فواز بن محسن الزويهري
في ضيافة غازي السريحي مساء الخميس3/ 5 / 1429هـ

سلام حلو الشهد طعمه من صفانا إلكم غبوقه=يوم الوفا والطيب فوق اصحابنا تلمع بروقه
حنا رفعنا السعر يوم المشترى يغري فسوقه=يامكسب الربحان يارجال النقا يالغانمين
ياصحابنا دار الفلك حتى انشغل كل فسوقه=والكل في نفسه لهى والكل قطع في عروقه
وعيال عم اتجانبت والرحم هونا حقوقه=ولابد نلقى حل نرضي فيه رب العالمين

الرد من الشاعر / حمدان الحمراني (( خيال الشمال )) ... والشاعر/ الشاكر أبو سامي

يامرحبا ترحيب مايخلف عن المنهج طروقه=لهل الوفا والطيب واجبنا مع الدله يشوقه
ياللي رفعت السعر حنا نرفعه ونزيد فوقه=والمكسب اللي له تجاره في رياض الصالحين
دار الفلك واليوم يامقرب غروبه من شروقه=والنفس تامر بالخطا والرجل له حكمه فذوقه
ومواصل الأرحام واجب ماعن الواجب دروقه=والحل فالقرآن والسنه عساكم سالمين

بسم الله الرحمن الرحيم
الأحبة الكرام
أهدي هذه القصيدة إلى جميع الزملاء والأصحاب بمركز حلبان بمحافظة القويعية
وذلك إثر نقلي في حركة النقل الخارجي للمعلمين لهذا العام
إلى محافظة مهد الذهب
أرجوا أن تحوز رضى الجميع
وإليكم ياكرام
( مجالسية
)

يامل قلب ما تهيض بلانشاد=في وقت بدل بعده اليوم ببعاد
لابد ضيف الدار يرحل يالاجواد=والطيب يبقى للمناعير عنوان
هيض عليه تالي الليل هاجوس=من حالي اللي بين صحوات وعموس
والقلب ياصحابي من الوقت محموس=بين الرجا والياس جريت الألحان
ضيف(ن) معازيبه مناعير ورجال=في دار ابن مشيب على الطيب نزال
تعجز توفيهم طواريق الأمثال=وامثالهم مكسب وأنا اليوم كسبان
ياصحابنا الوافين معذار معذار=إن زلت الأقدام والرب غفار
والصفح يرجى من كريمين وخيار=عسا تدوم أيامكم خير واحسان
والوقت ياصحابي به الحلو والمر=أخالطه في بعض وامشي على بر
وأمشي على الساير ولا غب في بحر=ومحال يبقى حال في حل مابان
واليوم خلت البرق جوف الخيالي =وانحى ورا مزن (ن) غزير الثعالي
المهد مقصدنا ووجهة رحالي =ومنهو موكل ربه اليوم ما هان
يهل احلبان القلب باقي معاكم =بالطيب نذكركم ونكرم لحاكم
لاشك نوصلكم ونحفظ وفاكم =عهد (ن) عليه ياطويلين الأيمان
يقولها الحربي ابن محسن الباز=من بعد ما تمم معانيه بايجاز
وختامها يثني على الرب فواز=والحوت في بحره تغنى بسبحان

الأخوة الكرام الفضلاء النبلاء
هذه القصيدة أتت عندما أطلقت القريحة في فضاء الخيال والتأمل
وحلقت به من غير قيود كعادة الشعراء
فأتت هذه المجالسية التي يطرب لها كل من يتغنى بها
وإليكم ياكرام

واقلبي اللي بين عوج الضلوعي =قلب على الخلان دايم جزوعي
تبكي عيوني سابلات الدموعي =من هجر خلي باح ما كان مكنون
اصبر وانا داوي جروح قديمه= والصبر منا وذا جفاكم ظليمه
أوفوا وفاكم وادعي الله بديمه =تروي ضمى من هام بالقد والنون
بلوى بلتني بالعيون الكحيله= ترمي سهام الود مكر وحيله
صادفتلي ضبيا تمايل جميله= والزين فاتن بالضبا صرت مفتون
القلب ونَ وكنَ مابه تحاشي = من ضحكة الغشاش وخبلان واشي
حاله سقيم وتوَ فالمهد ناشي =ناشي صويب القلب وبالظهر مطعون
نادوا طبيب الود يحضر علاجي =يالله يا معبود انا جيت راجي
حلوا المراوي من بعدهم هماجي= ما عاد ابشرب غير من ريق مزيون
واونتي ونة صويب على الساق= ونيتها من جوف قلبي والاعماق
من واحد مشيه على هون ورفاق= يمشي ويكسر ماشي الهون بالهون
أشبهه بالبدر جوف السحايب= سد العبا يالله تبعث هبايب
وزيح غيم الصيف والجو طايب= لاطاب جوي صار للزين قانون
سهران طول الليل للعاشق امراس =جبت الدلال الصفر للبن حماس
اراعي النجم اليماني على الباس= خمسة دلال انهيت وحرقت كانون
لاواهني اللي بنومه تهنا =قلبه خلا من هم منهو تعنا
درب الموده نار ماهو بجنا= والود قاسي كنه السيف مدهون
ماحيلة الشاعر من الود حيله= الا التغني والوصوف الجميله
يارب تجمعنا براع الجديله =راع الجديله شاكي منه بلحون

ولكم خالص التقدير

هذه الحداية تغنى بها الشاعر / قابل البشري
في اللقاء الأسبوعي يوم الخميس الموافق 10/5/1429هـ
وكان الثمن من الشاعر / فواز بن محسن الزويهري
بحضور كوكبة متألقة من السادة الشعراء
( بيان الصمت . ماهر أبو خالد . أبو فياض النويمي.سالم البشري
أبو فرح . خالد البحار . صقر المقرح . عبد العزيز الزويهري )
وإليكم ياكرام

سلام سنة دين لهل الطيب وردوده فريضه=رده على وضح النقا من دون شرح ولا عريضه
مثل المزون المستهله يوم ماطرها تفيضه=تغشى الديار العامره بالطيب والعلم الجميل
بعض البشر ياربعنا ممشاه دايم بالبغيضه=يبحث وراها مايخلي فالطويله والعريضه
وأهل العقول النيره ماتتبع عقول مريضه=والطيب لهله مايتبدل والأصيله للأصيل

الرد / فواز الزويهري

يامرحبا ترحيبة باللي طربنا من قريضه=راعي وفا طيب نبا يهدي لنا من زين بيضه
ياصحابنا هذا زمان الوقت ضيقنا كضيضه=واللي تفرغ للمراجل يبشر بزين الحصيل
اللي زرع يحصد جناه وفتله اليوم بنقيضه=ولاهاج ابن شقران جماله على النقوة يريضه
والطيب اللي لا لفاه الشين مايجزي عويضه=الطيب دايم مرسمه والشين ماهو له وكيل

لكم خااالص التقدير

الأخوة الكرام الأعزاء


هذه الزومالة ( الحداية ) تغنى بها الشاعر الأستاذ / سلطان بن نامي السلمي


عند زيارته لي في منزلي وهو جار لي في الطابق العلوي من المبنى


وكان الثمن من الشاعر / فواز بن محسن الزويهري الحربي


وكان ذلك يوم الأحد الموافق 20 / 5 / 1429هـ


وإليكم ياكرام

سلام رديه على أهل الحله =الصاحب اللي ماشي(ن) بالمله
إن كان مايطلعلنا ننزله=واجب على الصاحب يزور الصاحب

ياحرب جتنا من جهتكم زله=علـــم قديم وتونـــــا نفطنــله
شيخ العرب يفخر بفعل يذله=يقول صدرت الهنوف الراحب

....................................
الرد من الشاعر الأستاذ / فواز الزويهري

يامرحب ترحيب نجر ودلـــه=فــيه الوفـــا وسـمية (ن) منهلَه
أنتم حداده ومن قبـــل نقبله =والمقتفي يشوف الدرب راحب

ياسليم هذي في جسدكم عله=ناقتكم اللي قدمنا منحله
والسوم قده شيخنا ويضله=ياراعي الوسمه لويت الجانب

وسلامتكم

السلام عليكم ورحمة الله وبركاته
الأخوة الكرام الأفاضل النبلاء
هذا المشتكى يعتبر ضمن فن المراسلة بين الشعراء
وقد وجهت هذه القصيدة
( فواز الزويهري ) إلى أخي الغالي ( الشاعر / قابل البشري )
وكان منهو هذا الرد الجميل
وإليكم القصيدة وردها
أرجو أن تنال استحسانكم ورضاكم

سلام طيب صافي النبع جياش=من هاجس (ن) يحكم معانيه ماضي
فيه الوفى مزن (ن)من الجود رشاش=سيله سقا الوادي وروَى الحياضي
يامل قلب (ن) هاجر الود ... لاعاش=من كان وده بحره اليوم غاضي
عقب الفرح عامر وزين اللقا باش=ونبت الخزاما في جميع الرياضي
والقلب مربع وأخضر العود عراش=فيه الثمر مايل له القلب هاضي
حروة جناه أقبل من الناس غشاش=قطع عروقه وتل غصن (ن) غضاضي
من بعدها قلبي من الطيب ما ناش=عذبه من الحنضل وزاده شياضي
حتى تساوى كامل الزين بالاش=ومحال يلقى فالوليف اعتياضي
اسمه على قلبي تباديع نقاش=ماظن يصبح وده اليوم ماضي
ابعث لك المرسول ولفصلك اعطاش=وأنت لنا فالود يالشهم قاضي

.................................................. .
الرد من الشاعر قابل البشري

يامرحبا بالشاعر اللي لنا جاش=عداد براقٍ على المزن ناضي
صبت هماليله مطر ماهو رشاش=أسقى الديار بوابله يوم فاضي
جتنا مناديبك واخذ سلمنا كاش=ياللي شكيت طوالها والعراضي
تحالفوا ضدك زمانك والاوباش=ومن جورهم ضاقت عليك الأراضي
إن كان ترجي للأمل طب وانعاش=يلبس سواد الحزن نوروبياضي
عيد النظر لعل تحيا وتعتاش=ويسري دواها فالعروق المراضي
وان كان راح الود عساه (ماقاش)=محسوب غلق عمره الافتراضي
ومن لايودك عن صواديفه انحاش=وارضى سعد من بالمقاسيم راضي
لاترتجي ودٍ كما طاش ماطاش=انساه لايشقيك مليان فاضي
ريّح ضميرك لو رست بك على ماش=في وصل ولاّصد خلك رياضي

ولكم خااالص التقدير

	المشاركة الأصلية كتبت بواسطة لافي

	السلام عليكم ورحمة الله ، كتبت الأربعة الأبيات الأول ، وتم إكمال باقي الأبيات من الأستاذ الشاعر ، ( فواز الزويهري فله مني جزيل الشكر والعرفان ) ، يقـول مـن يومـه تقـارب مغيبـه=وجنه سهومٍ في الحشـا واستقـرت الحـب للإنسـان مـاهـو معيـبـة=وطابت قلـوبٍ بالمحبـة أستمـرت الا الغريـبـة لابغـيـت الغريـبـة=ثلـة قلـوبٍ بالمحبـة استـعـرت وياهاجسـي خبـر فلـول الكتيبـة=اللي على بعـض المعانـي تجـرت اللـي لهـم فالـود منظـور ريبـه=لجل المـوده مـن شرفهـم تبـرت الود حسـب الشـرع فـواح طيبـه=ياكم نفسٍ من صفاه استسـرت يامـل قـلـب ماتـذكـر حبيـبـه=داعـج كعوبـي والملاحـة تـذرت ثوبه زهر وخمـار يضـرب بجيبـه=وكفوفـه اللـي بالنديـا تـضـرت ماناشها العسـاس والمسـك طيبـه=شمس الضحى في نور حسنه تورت من لامنـي فالـود روحـه عطيبـه=وتموت روحٍ بالرزايـا تـمـرت الحـب للإنسـان مـاهـو معيـبـة=وطابت قلـوبٍ بالمحبـة أستمـرت

..........................

	المشاركة الأصلية كتبت بواسطة فواز الزويهري

	" " " " " " " " " يابنت ياللي رجالك ِ صابهم هين=عينك عليهم وزفري اليوم ونه يابنت مالك بين ألأموات تمكين=أبكي .. ونوحي .. وحني للعز حنه في ما مضى كني عروس السراحين=واليوم شن الثعلب ... الذل شنه أحسن أسد فينا شجب فالدواوين=و أرسل أطبا والمعونات منه والبعض منا عقرب وله راسين=خايف يدوسه ثعلب الغرب ( ظنه) يابنت نوحي واسبلي الدمع دمعين=مالك جدا فاللي يحرَق في بنه يابنت ياللي لقبوك بفلسطين=صبرك على اللي سيف عزك يسنه بامر الذي دكدك عروش السلاطين=يخسى اليهودي ونار حقده يكنه أنت عزيزه عزك بعزة الدين=ويصحى عشيقك لك وتهوج جنه عاشق يرد المجد في يوم حطين=يرقص على صوت الكلاشي ودنه دمه مهركِ واعرفي له خيارين=نصر (ن) عزيز أو فوز بنهار جنه

....................

قيلت هذه الحداية ( الزومالة ) في حفل زفاف أبناء طيب العميري الهذلي
يوم الأربعاء ليلة الخميس في قصر الرشيد بالمعيصم
نظم الشاعر فواز بن محسن بن لاحق الزويهري الحربي

سلام تسليم الرضى من هاجس بالطيب جاشي=من لابة تاريخها معروف مايقبل نقاشي
تنصى عوانينا على سبل الوفا والمد كاشي=مد الصداقه ما يقدر بالذهب ياهل النجيبه
والثانيه ويش فكركم في سوق ماهو تو ناشي=ياكم ربح فيه الذي فالفقر طول العمر عاشي
فيه الربا حلال تحليل القراح من الرشاشي=هذا عجب والسوق مابه شك ولاب السوق ريبه
والثاله الدنيا حقيره مثل جنحان الفراشي=والجار ننظرله بعين صافيه والقلب شاشي
ساس الصداقه بيننا ثابت ولا نبني الهشاشي=وحنا لفينا ياعوانينا على وزعه وطيبه

ردمن بني عمير و الشاعر الكبير خلف الحساني

يامرحبا ترحيبة الصدقان مافيها غشاشي =ياهل الوفا ياللي منازلكم رفيعه ماتناشي
ترحيب نو دن رعده واستهل من المناشي =نقولها ونطولها وقت الحضور و فالمغيبه
والثانية ياللي تقول السوق هذا السوق ماشي=سوق مع على الله ماتسلم عملته مرشي وراشي
ماهو بسوق البورصه فيها القيادي والخشاشي =فيها الريال يجيب سبع اميه وغيره مايجيبه
الثالته دنيا البشر فيها لهم زاد ومعاشي=مدبره رب الملا والطيبه ما هي بلاشي
نبني بيوت العز فوق الصخر ما نبني العشاشي=وانتم لفيتوا والعلوم الطيبه ماهي غريبه

رســــــــــــــــــــــــــــــــــالة من الغربة

يامل قلب عند الأجناب وني=يذكر ديار عامره بالولايف
لانسنس الغربي دموعي أغرقني=ولاهمني عاذل على القلب حايف
ياطير ياللي بالرسايل تغني=في ديرة اللي حاز حسن الوصايف
أقرا عليه اللي فقلبي أحرقني=من دونكم ياهل الحرم في عجايف
أشرب من العلقم وطعمه غبني=لجل أرتقي عن كل نذل وهايف
ونجم السعد مايرتقى بالتبني=واللي بلا مجهود يرقى الحسايف
جاهدت فالدنيا وكليت متني =والصقر وكره في عسير ونايف
وصاحبت من نجره بطيبه يدني=وآخر كما الثعلب كثير النكايف
مديت الأول فوق زود التمني=والثاني بمكره من الشر عايف
وماني كما عود كثير التثني =وماني من المجهول حذر وخايف
مجهول علمه في غموض أستكني=كيف أحذر المجهول والساس زايف
وليا عطيت العلم مااعطيه ظني=أعطيه متحقق وبالطيب كايف
ياطير عجل خل عنك التوني =وقله ترا عيوني مزون ذرايف