ديوان/// الشاعر مسند بن عامرالحويفي

ريحـت نفسـي عــن كثـيـر السوالـيـف=لـقـيــت مــــا بـكـثــر الـــــدوادي فــوايـــد
وابعدت عن طرد الهـوى و المواليـف= والعـشـق هـــو فـــك الـحـبـال الـجـوايـد
ما شفت منهن غير كسر المجاديف= ا لـمـنــكــرات لـــكـــل طـــيـــب وعـــوايــــد
يـامـا رمـنـي فــي بـحــور الـصـواديـف=قــلــيـــل تــلــقـــى الـــنــــادره والــنـــوايـــد
وعـديـت رؤس الطايـلـه والمـشـاريـف=ا خـيــر لـــي لــــو مــــا بــراســه زوايــــد
والـخـط عـنـوانـه بـوســط المـضـاريـف= والـطـيــب مــــا كــلــن يــهــوم الـكـوايــد

ياشيب حالي من المرموق =عزي لمن صار معشوقه
اطرد منايا وانا المسبوق =وياكثر ما لاحت بروقه
من زينها والغنج محروق=بالذوق والحسن منتوقه
ارجوك بالله على برفوق=لاتزود الجرح وفتوقه
ضبي المهاء غايتي والشوق=تشلع ترى القلب وعروقه
إلا وبعد ماتعرف البوق=من شافها قال مرموقه
وعزي لمن هو قدى معزوق=محتار والنفس معزوقه
استاقني للمنايا سوق=واقفى بروحي ومعلوقه
كل الحلا به ترى و الذوق =ياعين من فكو اسبوقه

الله يـغـيــث الارض بـالـديــم والـســيــل=وبـرقـن تـلامــع فـــي سـحـابـة مـزونــه
والارض خضراء تشرح النفس وتهيل=شـوف الخضـار يشـوق اللـي يجـونـه
تـرتـاح فـيــه الـنـفـس يـاعـيـن يالـلـيـل=والـطـيــر بــــه غــــرد وتـسـمــع فـنـونــه
والارض خـضـراء والـبـدو يـمـه تحـيـل=مــن عـقـب مـادريـو وجـــو يسـبـرونـه
بوجيـهـهـم تـاضــح عـلامــات وتـخـيـل=والــكـــل مـبـسـوطــن بـنــظــرة عــيــونــه
واهـل الغنـم والبـل فـي وسطهـا نـزيـل=وقــبــل الــغــروب غـبـارهــا يهـضـلـونـه
يــســر مـنـظـرهــا ويـســعــدك بـالـحـيــل=تـرضـع بهمـهـا شــي وشــي يحلبـونـه
وتسمـع لـهـم شـكـرا وحـمـدن وتهلـيـل=حــتــى الـعـلــف نـسـيــوه مـايـشـتـرونـه
ولاتـواخــذ الاجـــواد بــذنــب المـهـابـيـل=وتغيثـنـا مـــن عـقــب جـــدب ومـعـونـه
وصــــلاة ربــــي عــــد نــــور الـقـنـاديـل=عـلــى الـــذي مـرســل لــلامــه وكــونــه

ياصحبـي وشبـك رفـضـت الموالـيـف=هـم غـيـروك اهــل الحـسـد والوشـايـا
انـشـهـد ان الـنــاس فـيـهـم مـلاقـيـف=وش دخـــل الـعـالـم بـعــض الحـكـايـا
غـزيـتـلـي غــــزوه وعــدنــا مـنـاكـيــف=لاهـــو خـطــاه ولابـعــد هــــو خـطـايــا
كله خطاء الي ينقل الهرج ويضيف=اهــل الـحـسـد هـــم يـكـرهـون الـمـزايـا
وارسلة للمجمول مع نسمـة الطيـف=الله يـفــكــه مــــــن جــمــيــع الــبــلايــا
وانا حفظة السـر فـي داخـل ارشيـف=يمـكـن يـجـي وقـتـن واعـيــد التـحـايـا
وانا الذي لا انـي غريبـن ولا ضيـف=ولاتــامــن الـدنـيــا صــبــاح ومـسـايــا
وهـاذي نهـايـة قصـتـي بالمضـاريـف=والـخــط لــــه عــنــوان قــبــل الـنـهـايـا

يالله ياعالـم خفيـات الاحــوال=يامحمل الانسان حمـل الامانـه
يامفضلن شهرك على شهر شوال=ياخالقن كونك ومحصـي زمانـه
عفوك بحزات المشاكل والاهـوال=يوم الحشر والناس كلـن بشانـه
ومن بعد ذكر الله ابا اجيب مـوال=واجاري الشاعر واغني لحانـه
الشاعر اللـي بالمياديـن يجتـال=يوصي ولده عن الرداء ومشيانه
وانا الذي محتار من كثر الاضوال=أوصيك ياعامر عن اهل الخيانـه
تراء المعزه فوق في رقي الاطوال=ويرديك لاخاويت خطو الهدانـه
راع الرداء لو قال من جملة انذال=قلبـه يبيلـه مدتـن بالصيـانـه
والمجلس اللي يكرهك مالك اقبال=لاتصير حرصن ياولـد بوتيانـه
وقلبك دليلـك مايغـرك ويحتـال=بين على وجـه وهرجـة لسانـه
ياضح عليه من المواري والاشكال=ثنتين تكشف بالرجل هي كيانـه
وقت السفر يظهر وتظهربه رجال=وعند المواقف يتضـح برلمانـه
وتم الكلام اللي قصرته ولاطـال=حسب الشروط وكل شرط وظمانه

هذه قصيده مجاراة بين شاعرين معروفين
القصيده الأولى أتحفظ على اسم الشاعر نزولا ً عند رغبته وهو عزيز علي وصديق حميم
والمجاراه الثانيه وهي لكاتب هذا الموضوع
قصيده من الأرشيف وقديمه

يابنت سوي بالمخاليـق معـروف=
لاتدخليـن السـوق يابنـت كافـي =
اللي يجي للسوق جاهـل وملقـوف=
وأكبر غلط يابنـت مثلـك يشافـي =
لاتدخلين السوق والكـف مكشـوف=
لاتذبحين أهـل القلـوب الخفافـي =
يابنـت عنـي لاتقوليـن ملقـوف=
زول ً مثل زولك زهتـه القوافـي =
فيها يابو عامر على غيرها نـوف=
تفرق على كـل البنـات النحافـي =
سبحان من صور لها صدر وردوف=
زين ً نشوفه وأكثر الزيـن خافـي =
لولا الحيا والدين والعرف والخوف=
من ضرب راسي بالسهام الرهافـي =
لا اشيلها لو كان من دونها صفوف=
حييـت ياقلـب ً قسـى مايخافـي =
وهذا رد ي برق الحياء =======
ماألوم راع الحب والقلب مشغـوف=
خطر ً علـى قلبـه يجيـه انتلافـي=
والحب مايرحم هل الـود ويـروف=
مجنـون ليلـى وإدفنتـه السوافـي =
من حب ليلى عشقهم ماله وصـوف=
أما النحر والجيد والشعـر ضافـي =
لايغرك اللي شيف لو قلت مكسـوف=
من مر قامـت لـه تهـز الكتافـي =
وأنا ترى شفتـه وصديـت بنكـوف=
وأنا تركت الحب مـن عهـد لافـي =
بالحب ياما صرت غارق ومعطوف=
مع الذي له بلسـم ً صـار شافـي=
لا ياعميلـي لاتـورط ومكـتـوف=
وتعيش عقب العـز عيشـة كفافـي =
وإلا ترى بأخبره وتصير معسـوف=
وتحضر إجباري وفيـه إنصرافـي =
وإلا أنت عزمك يودع الحيد منصوف=
شيخ ً ولا هـزك كثيـر الرجافـي =

ياما سهرت الليل من دون داعي=واكبر غلط سهرن على غير مصلوح
وجزت عيوني عن منامه واعي=اقلب الماضي وذكراه وانوح
ضايق ومن ضيقي يزود اندفاعي=ودي اسج الرجل لضقت واروح
اطلع واسج الرجل وارجع بساعي=مابه رفيقن عنده ارتاح وابوح
نويت اشيل العفش بدفعن رباعي=يطوي فيايف الارض مع كل سافوح
ارضن خلقها الله وفيها اتساعي=مابين ضلع وادي (ن) مفترش دوح
طيوره تغرد زغردت في سماعي=لاهرج لانمه به البال مشروح
وش لي بناس هي عقارب وافاعي=في نابها الزرنيخ يقتل وذابوح

قول الحقيقه يعجبن لو ترى مر=قول الحقيقه من تجاهله غلطان
والله عليم بخافي القول والسر=الله عليم وربنا عالي الشان
ويازين فعل الخير يافاعل البر=لو تفعله بيت بشر كان ما كان
برد الشتاء مايشابه الصيف والحر=والفرق ياضح بالطبائع والانسان
كل الاوادم به من الخير والشر=وكم واحدن ضايق وبالكون طفشان
وابعد عن المجدور ياصاحبي فر=احذر ترى المجدور يعدي ومرضان
وايت دسم ياتي على فوقه الذر=والبعض يتبع لدسم ثم ينهان
والحرب مايخلاء من الفر والكر=والناس هي تعرف وتنظر بالاعيان
وتميز اهل المدن وما كان بالبر=لاتهزك هروج العرب وانت بطران

ضاعت حياتي كلها احزان واوهام=لقلت زان الوقت عود ومالي
واقفت سنين العمر عامن وراء عام=عجزت لا احقق كثير الامالي
واصبحت خايف عقب ماني بجزام =سود الليالي سمت اليوم حالي
ياللي تعذلوني ترى اليوم ما لاام =لاوهني اللي بدنياه سالي
ماقيل يسهر من همومه ولانام=كنه على الريموت نومه خيالي
حاولت ابي مثله ولكن بالاحلام=ترفض رموش العين واعزتالي
واصبحت من زود السهر جلد وعظام=شكوى للوالي عزيز الجلالي
من عقب فرقى اللي عزيزين وحشام=قفى وهو غالي على القلب غالي
من عقب ما جته المنايا لي اعوام=عايش بوسط الناس وعدي لحالي
حرن فقدته يشبه الطير عزام=وامر الولي مابه نقاش وجدالي
ياما لبس بالطيب من تاج وسام=وفرقاه مثل الجمر بجوفي اصالي

لاتحسـب سكـوتـي وصمـتـي مغـفـل=
وتــقــول مـشـيـتـه ولاهــــو ابـــــداري =
عايش بـلا احساسـن ومخـك مقفـل =
لامـشـغـلـك هــمــن ولابــــك طــــواري =
تـسـرح وتـمـرح فــي حيـاتـك مـكـفـل =
مالك وجودن مثـل بعـض الخكـاري =
اصبح حضـورك مـع غيابـك مهفـل =
ولا متعب اقدامك امشي الصحاري =
ولا اغنـاك مالـك كــل يـومـن تطـفـل=
وش عـاد لـو ابــوك وانـتـه تـجـاري =
مـاهـمـنــي مـثــلــك ومـثــلــك تــثــفــل =
اهتـم لشيخـن بــه ضــلال ومــذاري =
قـارون وش سـوابـه الـمـال واسـفـل =
بـالـنــار مـسـكـانـه ومـثـلــه بــنـــاري =
مـالـن وراءه الـمـر يـشــرب ويـتـفـل=
لابـارك الله بــه مــن السـتـر عــاري =
حـالـتــك يـرثـالــه وشـكــلــك مـعــفــل =
تشبه لمن يشحذ قروش ومصـاري =
مــن حالـتـك كـلـن تـوحـش ويـجـفـل=
لو عيشتي مثلك لا اموت انتحاري=