ديوان -الشاعر محمد الكنيـــــــــــدري

حامد شريقي على ماكان= استاذ حتى بعد موته
وبعد ارتحل وادرج الاكفان= ماغاب عنا صدى صوته

كـــــان الــهـــوى وانـتــهــى شــانـــه=يالله تـــغــــفــــر لـــــنــــــا الـــــــــــزلات
بـــعـــد الــعــمــر مـــالـــت اوزانــــــه=وشاب البطل كاسب الجولات
ووضـح النـقـاء شــاف عميـانـه=وتــذرف عـيـونـه مـــن الـعـبـرات
وكــــلـــــن مـــحـــاســــب بــتــبــيــانــه=فــــي يـــــوم مـاتـنـفــع الـحــســرات

مـــن خـصـنـا بـالـوفــاء نـوفـيــه=ومـــــــن عــافـــنـــا مـاحـسـبـنــالــه
ومـن غاثـنـا بالحـمـى نحمـيـه=ونــــعـــــادي الــــلـــــي تـــعـــدوالــــه
وفى الحق منهو طلب نبريه=ونــــرجــــح بــكــيــلــه ومـــعـــدالـــه
ونبـذل لـه الشـان فــي شانـيـه=ونــخــفـــفـــه كـــــثـــــرة احـــمــــالــــه
ولاحـان واجـب وجـب نسريـه=مــاهـــمـــنـــا لـــــيــــــل واهــــــوالــــــه
حــروب حــال الـنـداء نـوحـيـه=ولانخـص لــه جـانـب اهمـالـه

بــعــد الـصـنـاعـات يـابــانــي=ماشي صناعات مضمونه
ومن سمن بـري لصنعانـي=وبـعـد الـدسـم حـلـت الـتـونـه
وايـــامـــنــــا زيــــــــــن ربـــــانـــــي=واصبـح بصبغـات مدهونـه
ويـــــن الـمــوافــى والاقــنــانــي=وكـــل الـعـلاقــات مـشـحـونـه

مر الهوى واعتبرته طيف=نــزوه مــن الـشـوق وتـعـدي
اثـره فـى قلبـي لقيلـه كيـف=واستوطـنـه لآخـــر الـحــدي

كــم انتظـرتـه بصـافـي جــو=ويـوفــي بــوعــده ويـصـفـالـي
ولالاح ليه بصيص الضو=فــي مـوعـده وانشـغـل بـالـي
وصــرت اتنـجـم بعـيـد الـنـو=مــن حــال هـمـي وغربـالـي
ولـيــل ســـرى مـابـقـالـي تــــو=وملايمه صار فى محالـي

صـــك المـشـاريـب ياقـلـبـي=مـلـيـتـنــي فــــــل بـــالآجـــراح
ارجوك يكفي سبب غلبي=ماعـاد ليـه نصيـب افـراح

يـاحـمـيــد امـــــلاء جــالـــون الــقـــاز=وعـــطـــنــــي بــقــرشـــيـــن طــحــنـــيـــه
فـــــايـــــز بـــــعـــــداد واحـــــــــــد فـــــــــــاز=مـــيــــر الـــبــــلاء فــــــــى الــدخــولــيــه
ورحت اشرح الحال فى المركاز=فــــــى مــقــصــدي قـــــــرض نــقــديـــه
وقـامـو فــى دونــي رجـــال اركـــاز=واقـــضــــو لــــــــي الــــحــــال فــــوريــــه
ولاعـــــــاد لــــيــــه عــلـــيـــك اعــــتــــاز=يــــــامـــــــن مــــنــــعـــــت الــجــمـــولـــيـــه
وتــضــحـــك الــــنــــاس بـالـمــطــنــاز=وتـــــزيـــــدنـــــي حـــــــــــــــال مـــــابـــــيـــــه

يامـن فـى عمـره وصـل ستيـن=وش عــاد بـاقــي كـثــر مـــاراح
لاتـحـســب انــــك مــــع الـتـالـيـن=بـتـعـيــشــهــا نــــشـــــوة الآفــــــــــراح
جــــهـــــال ذولــــــــــي ومــتــســلــيــ=نســـبـــابـــة الــــنـــــوح والآجــــــــــراح
اصـــغـــار الآعـــمـــار مـفـتـلــيــن=مايـسـمـعـونـه مـصــيــح صـــــاح
ولاضـــن يـعـقـب قـسـاهــم لــيــن=وتسـتـطـعـمـه نــاضـــج الــتــفــاح
ولازم بـعــد حـيــن يـأتــي حـيــن=يـسـقـون بـالـمــر فــــى الاقــــداح
فالـخـيـر خـلــك عـويــن وعــيــن=ضـب الهـوى واكـسـر المفـتـاح
وارضى نصيبك مع الراضين=وكتبـأ كتـب لـك علـى الآلـواح
واحسـب حسـابـك لـيـوم الـديـن=ومـــســــألــــة قــــــابــــــض الآرواح
مـن خـوف تقفـي مـع المقفـيـن=ولالــك حصـيـلـه مـــن الآربـــاح

نافض كفوفي من الآصحاب=الـــــلـــــي تـــعـــلــــت مــنــاصــبــهـــا
بعد اتضح لـي مـن الآسبـاب=مـانــي فـــى حــاجــة مكـاسـبـهـا