ديوان الشاعر(بخيتان البشري)

جزل الهناديب=
كنت انتظر ترجع الميدان=والله عطاني على النيـه
ومادام شرّفت يابخيتان=القـاف مافيـه ماويـه
بخيتان البشري=
الله يزيدك على ماكان =وديار الأجواد منصيه
والظفر يلقى مع العربان =ترحيب ظُفران به زيه
جزل الهناديب=
جاك استلم مطلع القيفان=مثل الصواريـخ ناريـه
سؤال وجّه لكم بالحـان=ومطلوب جابتك فوريـه
بخيتان البشري=
عجل وهات السؤال الآن=وأعطيك إجابـات منقيـه
وقواتنا فاللـزوم تبـان=بحري وأرضي وجويـه
جزل الهناديب=
صح الهوى وسوسة شيطان=وراعيه مخدوع فـي غيّـه
مثل الـذي مبتلـي بدمـان=مايحسب احسـاب لسيّـه
بخيتان البشري=
صح الهوى أفنان يافنان=وفنه معك ماتضح ليه
حضْرت وصفه من الأفنان= نحتاج تحديد نوعيه
جزل الهناديب=
معناك راقي وشي اجنان=ولك جابة ٍ دوبلوماسيه
والنوع مايجهله ولهان=وكم جربوه الهواويـه
بخيتان البشري=
مادام خط القلم لي بان =حروف الأجواد مقريه
نرسم على شوكة الميزان = وخالد معانيه مبنيه
اليا رمى جابها بإتقان = يطّوع الحرف جبريه
الود في ذا الهوى فتّان = وياكم يشكون من كيه

بخيتان =
بالله يامراقـب الكسـرة=احرص على حرفها راقي
خلك معه صادق النظـرة=حتى يناسـب للأذواقـي
ناصر الحجوري=
كل شي تسعه على عشره=وواحد من الميه الباقـي
لو لاح في موجز النشره=ماله عن العين مدراقـي
السينات=
نجم اعتلا وارتفع ذكره=بامثالكـم منبعـه نـاقـي
تعانق الحرف والفكـره=وصار المثل فيه برَّاقي

ماكل مايكتـب الشاعـر=إحساس يحكي عن الواقع
أحيـان إبـداع متناثـر=تصوير خيالـه الواسـع

بخيتان البشري=
يوم الزمن اختلف واخلف =إنسان ماضيه والحاضر
فكر ومن فكره استكشف = إن الزمن بالعمر جاير
علي عيد=
إحنا معك حالنا يصلف = القلب والفكر والخاطر
لكن ذا الأمر وش مكلف = لكان في نهايته خاسر
بخيتان البشري=
جوره معي للعمر كلف = حزن وآسى مالها آخر
تضامنوا صرت متغلف = بوجودهم وين ماناظر
علي عيد=
ارفق على حالكم والطف =خلك معي واتبع الساير
عن جور الأيام لاتكلف = غير الصبر حل للصابر
بخيتان البشري=
بأصبر لو إن الصبر مُتلْف=في داخلي باقـي الظاهـر
والظاهر اللي بقى بأ احلف=ما أسمح له يروح ويغادر

تسعى حروف المثل وتطوف=في هاجسي لابدت فكره
وتمر بي هزلها واطوف = ابحث عن الجزل وابتكره

سرورالبشري=
بعض العرب لأهبد صدره = وقــــال فـالـنـائـبـات يــســـد
وش موقفك لأ نكسرجدره =لأ شفـت ذاك البـنـا ينـهـد
بخيتان البشر ي=
إن كــان مـاعـذره عُــذره = باحـط بينـي وبينـه حــد
لاشك عنـدي نـزل قـدره = ولاعاد في مثل ذاك الد
سرورالبشري=
كل طلعه أقبالها حدره = ولاشك للبحر جزر ومد
ماله عذر وأنت لك نظره = لا صار فالقرب وش له مد
بخيتان البشري=
الجزل نقيت لك دُره = ولمآ سألته جوابي سد
لاتعيد فالعلم وترده=الأولة ماتعاوز رد

أمير الحرف=
يا صاحبي خاطري مكسور=ليتك تجي تجبـر الخاطـر
أمشي وداري خفى المستور=والناس تحكم على الظاهر
بــخــيـــتـــان =
لأباس يالخاطر المجبـور=إكشف خفى كنت له ساتـر
مايصرف علاجك الدكتـور=وعلتك ماهو بهـا خابـر
امــيــر الــحــرف =
ظالم ظلم في بـلاد النـور=ودمعي من اللي جرى كاير
ياكيف تنقذ اسيـر الجـور=من سيد دايـم لنـا جايـر
بــخــيـــتـــان =
لازم معك بينـة وحضـور=تثبت لنـا ظلمـه الآسـر
حتى لاشرنا يفيـد الشُـور=وينقذ لنا الصاحب الصابر
أمير الحرف=
مافاد للمسألـة جمهـور=وببدي لكم علمنا النايـر
امخالف القن والدستـور=والعرف بين العرب ساير
بخيتان البشري=
زيده وفا وارفع المعمور=وإن كان فيهم رجا ثابر
وإن شفت فالقن ماله دور=معـذور لاتتبـع البايـر

وليف الشوق =
قد مت معروض لاكنه=لليوم ماجا جواب ورد
القلب يشكي جفا منه=اللي عطيته غرام ود
بخيتان البشري=
يمكن له ظروف حدنـه=صعبة ومن صُعبها منحد
لكن جيب الخبـر عنـه=حتى معك فالأمور نجـد
وليف الشوق =
كل ماتنامـا ورق فنـه=تعبث بخضرالاماني يد
كيف اتقي من اسى ظنه=بعدالظما طال بي وشتد
بخيتان البشري=
يمكن سواقيكم اظمنه=ونبع العواذل لريه سد
ابحث لما عنكم يكنه=واروه ثقة قبل لاينشد
وليف الشوق =
مع قننا ماتفق قنه =دايم مخالف لنا فالمد
نعطي ولانلحقه منّه=ولما صنعنا معه يجحد
بخيتان البشري=
في رأيي أفكار لزمنه = حتى التغلي تعدى الحد
او صابه غرور وليا انه =شاف التواضع خصيم وند

صقر المراقيب=
الود موقع دعانا فيـه=اللي لنا بالهوى مرجع
ولمّا لقينا حلو صافيه=دخل هكر خرّب الموقع
بخيتان البشري=
مرجعك داعيك وملبيه =اللي لكم بالهوى يُتبع
ولا انته ولا هو قدر يحميه=اقنعع ومرجعك له قنع

البيرق المنصور=
سـلام فيـه الوفـا مقـرون=لا تصك من دونه اسموعـك
وان عشت عمرك بدون سنون=ما اضنك تموت من جوعـك
بخيتان البشري=
ترحيب واجب لكم موزون=أهل الوفا بـه يمدونـك
إن مت باقي عليك ديون=ما أظن تحيـا لمديونـك
البيرق المنصور=
تبقى والاوزان مايقرون=والقافيه ترتجي طوعك
ولياك فحروفنا مديـون=وتحسب الناس بطبوعك
بخيتان البشري=
الحرف بوجودها مرهـون=وبدونها يضيع مطبوعـك
طبعي وفا و أوفي الماعون=للناس واللي كما نوعـك