من هو يطمن فؤادي عن

صدّر قرار الاسى المحزن=ماحسّب حساب شارينه
ولاشك ماللهوى مأمن =الله يامكثر محازينه

	المشاركة الأصلية كتبت بواسطة حرب

	صدّر قرار الاسى المحزن=ماحسّب حساب شارينه ولاشك ماللهوى مأمن =الله يامكثر محازينه

اللي عليه الحكم بالظن =الظن فالحكم مايدينه
وانته بعرف العرب أفطَن = قاريه عارف قوانينه
شفنا بعض ناس ماتذهن =وشفتهم في ميادينه
بيرتاح من كثر ماكفن =وانتا وانا من مهنينه

صحت السنتكم وبيض الله وجيهكم

أحرف رنانة

صحت السنتكم

حرب=
سلام يأهل الوفا والقن = ياهل المثل ياربابينه
من هو يطمن فؤادي عن = واحد من اقرب مودينه
بخيتان =
يامرحبا هيلها والبن = منا لكم ياسلاطينه
طمن فؤاد الوفي عن من = فالقلب له ود كانينه
حرب=
تبقون يامن لكم مسكن = فالقلب من سابق سنينه
سبعين فحسابها تضمن = مع الثلاثة عنواينه
بخيتان =
من ساسكم والبنا متقن = والمجد ياحرب حاوينه
لا شك مقصودكم بينْ = اللي عطيتو مضامينه
حرب=
بعد اتضاح الهـدف طمـن=اللي لهـم وقـت باكينـه
عهدي يوم ان الهوى هيمن=عليه.واخلـف موازيـنـه
بخيتان =
هذا خبر عنهم معلن = حتى نطمن محبينه
بعد الهوى صار متمكن = ارتاح من حي مشقينه
حرب=
صدر قرار الآسى المحزن =ماحسّب حساب شارينه
صحيح ماللهوى مأمن =آلله يامكثر محازينه
بخيتان=
اللي عليه الحكم بالظن =الظن فالحكم مايدينه
وانته بعرف العرب أفطَن = قاريه عارف قوانينه
شفنا بعض ناس ماتذهن =وشفتهم في ميادينه
بيرتاح من كثر ماكفن =وانتا وانا من مهنينه

صحت السنتكم وبيض الله وجيهكم
ابداااااااااع من الطرفين ولا غرابه
الى الامام
لا عدمناكم

صح السانك اخوي أبوعمر

الف شكر لكل من تواجد هنا
وشكر خاص لك ياابو محمد على المراديد الرااااااااائعه
والى لقاء اخر ان شاء الله

صحت السنتكم ..بخيتان &حرب
عملاقا الكسره
امتعتمونا الى مزيد
طبتم وطابت ايامكم
ودي وتقديري

العفو يابو عمر

تشرفت بهذا اللحن الرائع ولنا لقاء قريب ان شاء الله