ساري الغدرا سمي الذيب سرحان

يامن يسلم لي على الطير حوران =حر(ن) على المشراف دايم مطله
ساري سمي الذيب والذيب سرحان=يسلم عليه اللي يشوفه ويقله
تراك غالي يابن الاجواد لو كان =وتبقى عزيز ومنزلك فوق تله
واللي مضى بالحق عز(ن) وبرهان=ماشابها بعض العلوم المخله
ماقولها من شان حاجه ومن شان =لكن طريق الطيب نعرف ندله
وان كان يابن العم لازلت شرهان=تسمح رفيقك كان بالعلم زله
وسالم البشري ذهب ماله اثمان=اللي بدا بالطيب والطيب دله
ترى العلم ياربعي وفا بغير نقصان =يارجال حرب اهل السيوف المسله
من اكبر انسان يلين اصغر انسان =كلن سلامي ياصله في محله
اقولها وربعي هل الطيب عوفان =قوم(ن) تفوح قلوبهم فوح دله
رجالهم للخصم خصم (ن) وبركان =وان جيت له بالطيب بيجيك كله
وصقور حرب بين حر(ن) وشيهان=افعالهم مثل الجبال المطله

وسلامتكم
والمعذره من القصور كتبتها والله على عجل
اخوكم ابو عبد العزيز العوفي