مات الامير اللي يحبونه الناس

السلام عليكم ورحمة الله وبركاته
وبعد..
اعَزُي نفسي وأعزي قبيلة حرب بالشيخ رباح بن طعيميس
شيخ الكرم وشيخ الجاه والوجاه

وهاضت قريحتي بهذه الابيات الذي اعتبرها تعبير فقط عن المواقف مع ان الشيخ رباح لايعوض به القصيد سوا قل او كثر

راح الامير اللي يحبونه الناس=شيخِ مقدر عند كل القبايل
رباح ومن غيره والارياق يباس=مرحوم ياذخر الشيوخ الاوائل
والله ونعم الشيخه اللي على ساس=شيخه شمل ماهي بشيخه حمايل
يشهد لها الشلفا ويشهد لها الطاس=ماهي بشيخه من يضيع القوايل
مجمعين المال بكبار الاكياس=ومجمعين المهزله والفشايل
ولا راع العرفا ليا داسها داس=يدحم بجنبِ يرتكي للثقايل
يدفع من المخبأ ويقدح من الراس=وينزل النعرات من كل عايل
هذا وانا ماقلتها معلن الياس=ذخر الصقور صقور والشك زايل