ديوان كسرات الشاعرة شموخ الصبر

الشاعرة فاقدة غالي

تعـبت اتبع دروب الحب = على امل قلب يحييها
حتى الاسئ ينجلي والغلب = والنفس تسعد بأمانيها

شموخ الصبر

ياما سلكنا لهواهم درب = عندي امل في تواليها
لكن خساره ماشفنا قلب = شموع للعمر يضويها

ياما كتبنا وصغنا اشعار= وعشنا احلى ليالينا
بس الزمن فالتوالي جار = خيب املنا وامانينا

مشكور يامن رسمت الحرف = وأبكيت عيني على شانه
أسكنت لك في الحنايا طرف = من الصعب يا ود نسيانه

الشاعر الماااهر البيطار = اللي حروووفي تغنابه
حبه شغف قلبنا وأنهار = ماعاااد نقوى على غيابه

العمر ياصاحبي يجري = والحظ قصرت معانا خطاه
والناس من حولنا تدري = الظلم في دروبكم شفناه

عندي كرامه وراسي فوق = ولاهين نفسي على شانه
لو الموده في عنقي طوق = لابـد ياقلـب نسيـانـه

يا فاقده دمعت المقهور = اللي سكبها على خده
يومه لقي قلبه المغدور = للي غدر ساقه ورده
كيف اتدارا عن الجمهور = وماينكشف للملا سده
ارجوك تخلص لنا فالشور = وللغير نرجوك لاتحده

ياهيه ياللي على بالي = القلب ياصاحبي مشتاق
في بعدكم ياشقى حالي = دموعنا فالخفى تنساق

شفت الأمل واقف فبابي = والسعد ينشر لنا نوره
بالحب ياخوان حيابي = وقال الفرح نبني قصوره

حروف اسمه ثلاث حروف = اللي ملـك كـل وجدانـي
بالعقل والمرجله موصوف = ووروده الحـب اهـدانـي