يا شعراء المحاورة جيناكم لا تبخلمن علينا

ياسلام عليك يالافي

صح لسانك ولسان ورقان

وانت ماانتَ غشيّم ولا انت توك وليد = انت شاعر كبير ولك مع الشعار باع
والضيف لا من لفانا نكتفيّ بما يريد = أجل العلم والا ان جاب علمه بساع

صح الله السنتكم

	المشاركة الأصلية كتبت بواسطة ورقان

	وانت ماانتَ غشيّم ولا انت توك وليد = انت شاعر كبير ولك مع الشعار باع والضيف لا من لفانا نكتفيّ بما يريد = أجل العلم والا ان جاب علمه بساع

ورقان الله يعطيك العافية
،
خل الطارة معك
،
قصيدكم هذا ما أعرف قوانينه
،
مير العاني عندك
،

والله أني على بعض القوافي جديد=مير أبنشد عن اللي لبسوه القناع
النخل مات ماباقي لاغير الجريد=والمعوشة مهونة واليتاما جياع

ياسلام ياسلام

صحت السنتكم

وسرى الليل ياشعار

ياخمني انك تلكع واللكاعه تزيد = مير افـ بيت السبع ماتلقا غير السباع
وطلع النخل ذا السنه فاخر وطلعه فريد= والله رب اليتاما لاتخاف الضياع

	المشاركة الأصلية كتبت بواسطة ورقان

	ياخمني انك تلكع واللكاعه تزيد = مير افـ بيت السبع ماتلقا غير السباع وطلع النخل ذا السنه فاخر وطلعه فريد= والله رب اليتاما لاتخاف الضياع

الزرية زرية والزراء ما يفيد=كل أبونا سباع ولا نعرف الضباع
قال منه تمثل يا شقي ما تهيد=كيف تفرح بطلعه وأرضه اليوم قاع

ياعنك الزريه بعيد ولا نذمك اكيد= الارض خضراء واهلها من جناها شباع
واحنا قومٍ نروض كل خشمٍ عنيد=والطيبه من بغاها صدورنا لطيب مرباع

	المشاركة الأصلية كتبت بواسطة ورقان

	ياعنك الزريه بعيد ولا نذمك اكيد= الارض خضراء واهلها من جناها شباع واحنا قومٍ نروض كل خشمٍ عنيد=والطيبه من بغاها صدورنا لطيب مرباع

ياعزاوي صحيبه في النهار الشديد=يالصحيب المباري يالكريم الشجاع
ضلع ورقان نايف لابرك ما يحيد=من رقا ما توقَّع في خفاياه ضاع

صح الله السنتكم وبيض الله وجيهكم