ديوان الشاعر / خالد بن عبيد بن معتوق ألأحمدي

( الهوى مقرف )..مراسله.

خالد بن عبيد بن معتوق ألأحمدي=
لو كان شفـت الهـوى هفهـف=واغـواك فـي تالـي عصـوره
تيـارنـا فـيــه لاتـجــرف=واعرف تـرى السّـن لـه دوره
راع الهـوى بالهـوى اسـرف=شـايـب ويشـتـب بـغـروره
والشّيـب يخفـيـه لايكـشـف=والا خـطـب دس بـاكــوره
العـم /ابـو سـلـم الـرّحـال=
آنا اعـرف ان الهـوى مقـرف=مسـأل عـنـه يــوم واادوره
وتيـاركـم عـنـه مـااعـرف=اجـهـل نظـامـه ودسـتـوره
ومن كان له فـى دروبـه شـف=علـيـه يسـعـى بـمـقـدوره
امّاآنـا مالـى بصفـه صــف=ولاعـاد لـى عـوم فبـحـوره

( اللي بغى يسلم احراجه )..مراسله.

خالد بن عبيد بن معتوق ألأحمـدي=
من شهم يعجبك منهاجه=ردّة وفـا مانوجّلـهـا
ياصاحب ٍ دوم نحتاجـه=وان شاف ميله يعدّلهـا
صاحبك ماضاع مخراجه=فعلوم يعـرف مداخلهـا
والجرح لو حرت فعلاجه=ناس ٍ لها عرف ماجهلها
وان جتني اعلوم هرّاجه=اشطب عليها وكنسلهـا
ولايمكن احكم على حاجه=إلا وعنـدي دلايلـهـا
سرور بن بريك البشري =
من حرّ يمتاز بانتاجـه=حاز المراجل من اولهـا
حيّيت يامن طرب عاجه=وافي عسى الله يجمّلهـا
صاحبك في عالي ابراجه=والناس تعرف منازلهـا
والكابتن اللي فميراجـه=مهمتـه لـو تساهلهـا
ماظنه يعـود لادراجـه=وطيارته نفس هيكلهـا
واللي بغى يسلم احراجه=الناس يحسـن تعاملهـا

( القصد واضح )...بدع...و...ردَّ.
........................

خالد بن عبيد بن معتوق ألأحمدي=
القصد واضح ولايندس=لـو المعانـي بندفنهـا
الورشه اللي بلا مهنّدس=تشكي مجافـا زباينهـا
سرور بن بريك البشري=
يشوقك شعيل لاهنـدس=فـي عمقهـا يامثمنهـا
وإن كنت رغبان بتهندس=خبرتك محـدٍ يخونهـا

( ماشوفهم لو تعدّّوني )...بدع..و..ردّ
..........................

خالد بن عبيد بن معتوق ألأَحمدي =
طبعي كذا مالتفت مااهتمّ=نقايص اللي يحسدونـي
ولو كثّروا من هروج الذّم=ترى ياعمّار مااشقونـي
عمّار بن غازي ألأَحمدي=
شرواك شروى وبحره علم=مايحسده كـود ملعونـي
طبعي مثل طبعك المحكم=ما اشوفهم لـو تعدّوني

( الكلّ فالكلّ )...بدع....و...وردَّ.
.......................

خالد بن عبيد بن معتوق ألأحمدي =
عمده ومعروف يابو صليب=والكـلّ فالكـلَّ فالحـاره
لاكن فتال الليـال تغيـب=والحـيّ ماتاخـذ اخبـاره
سالم بن علي بن سالم البشري=
ياصقر سالم قبل لايجيب=بيسطَّر حروف معذاره
في غيبته والظَّروف تصيب=كم أبعدت حي عن داره

( بعطيك معلومه )...مراسله.
.......................

خالد بن عبيد بن معتوق ألأَحمدي=
اعرف ضنيني على ضنّي=مايختلف ديدن اسلومـه
ان ماارتفع ماهو مدنّـي=لولا هله تهدم احلومـه
من بعـده أونّ وآغنّـي=عاللومه اللومه اللومـه
اقفوا بها ياحسن عنّـي=إلى جهه غير معلومـه
حسن بن علي البشري=
لا باس ؛ ثمّ اِستمع منّي=ياصقر ؛ بأعطيك معلومه
الـودّ راعيـه متعـنّـي=عليه ما أشره ؛ ولا ألومه
كلّ أهله تصيح و تونّـي=وكلّ الأحاسيس مكلومـه
ما تلتقـي فيـه متهنّـي=كلّ العشاشيق مظلومـه

( قلوب القساه )....بدع....و.....ردّ
............................

خالد بن عبيد بن معتوق ألأحمدي =
اصحابنا اللي نجاملهـم=وهم بنا ماهم امحنّيـن
نبغى نفتّـش دفاترهـم=حتّى يبان الخلل من مين
سرور بن بريك البشري=
خبير وانته معاملهم=ماهو من اليوم قبل سنين
ومثلك يراعي مشاعرهم=يمكن قلوب القساه تلين

( مدري متى تحنّ ).......
.................

ياحيف طاوعت بي عذال=من هرجهم صرت متغييّر
طـال العنـا يالمجافـي طـال=مدري متى تحـنّ وتسييـّر

الشّاعر/ خالد بن عبيد بن معتوق ألأحمدي

ربينا على التّهذيب )...
...........................

حنّا ربينـا علـى التّهذيب=ربّي من الشّين خلّصني
والذّيب طالـع لبـوّه الذّيب=ماتروعـه روغـة الحصنـي

الشّاعر/ خالد بن عبيد بن معتوق ألأحمدي

( هرجه من الطّالح )...........
..............................

وش غيّر النّاس ياصالح=اللـي مـن سنـيـن تهـوانـي
بسباب هرجه من الطّالح=فارقـت انـا عــزّ صدقـانـي

الشاعر/ خالد بن عبيد بن معتوق ألأحمدي