ديوان الغاز (مرزوق بن ضافي الحصني) العضيد رحمة الله

انشدك عن بنت لها ثلاث اضلاع = من يوم خلقت مالها ضلع رابع
من السوق مشريه وبالسوق تنباع = فيها الحلا والريح طيب وذايع

محلول حبة الهيل=من عبدالله الفريدي

يالي تحل المعاني دوك حلحلها =ويش حيتن ماتموت وذكرها عاده
متزوجه بالحرام ومن يحللها= حره وتملك لها زوجين وزياده

حله سامي الفكرقضية فلسطين

ياويش بنتن وضوفها هل الصنف=حطولها ميقاف لو هي ضعيفه
ان رشحوها ردت الذود بالعنف=وان اتركوها ماترد النصيفه

حله مهجرس الحرف: تسعة الحكم

انا بنشدك يارجال عن رجا ل من رجال= اذكرالله ورسول الله وكل الناس تدريبه
رجال في حال ولا حال يارجال ماله فال = اليامنه تمكن بالرجل كثرة عذا ريبه

رجل الحياء حله عشير النشاما

وش بنتن عصما ماتجي دون راعي=لو المطر يمطر عليها قتلها
لها خبيرا لدلايل دايم يراعي=ومن الجهل تسند على غيراهلها

حله الجر من سعود الحل

وش ثلاث يالبيب العقل قلي=الثقال الي لهن رجل ن كفل
لا يـكـل ولا يــزل ولا يمـلـي=كافل ن غيره وحمّل وحتمل

لم يتم حله

انشد عن رجل عمل خير حده=على العمل للغير من قو باسه
درب مشابه راعي العرف عده=خبير والخبره خذاها فراسه
من قو باسه مانكشف سرسده =وليا انكشف سده ترى الكل داسه

الكحيله حلته سد ذوالقرنين

صار النهار وشفت انا بوله بنت=بنت ن وراها القلب قلبي وراها
البنت تشهد با لفـلا لا تمعنـت=تنشا ف لا جفت مضاهر ثراها

محلول صلاة الاستسقاء من ابو مشاري

انشدك عن عدة ارجال ن صواميت= تخضع لروس ن ربها ما كفلها
من شان بنت طقت الطنب بالبيت= والبنت معروفه ولحد جهلها

محلول اسرائل طقت الطنب ابفلسطين من وجودك يكفي

انشدك عن رجل غلب كل رجال=شجيعهم وضعيف القوم جابه
وحتى النساء اللي كيدهن يفني الاجيال=مافيهن اللي قاومت لا نوابه

محلول النوم من غدير الوهبي