ديوان الشاعر(تركي عبد الله البشري)

شوهت صورة رجل فاضل..

شوهت صورة رجل فاضل= وأنا على الله ما زكيـه
ما نجتمع عاقل و جاهـل= لكل منـا هـدف يعنيـه

سموم القيض=
اللي ذبحني وزاد الشوق= انه بحبي انا يدري
ماشفت مثله ابد مخلوق= الوقت والله معه يجري
تركي البشري=
إبداع من شخصك المرموق=بأخطلك حرف من حبري
لاصار عاشق مع المعشوق=وقت الهنا ينتهـي بـدري

سموم القيض=
يابن بزيع الهوا ذباح= من حال والله انا شفته
الليل كله سهر مرتاح=والقلب صابر وعذبته
تركي=
قبلك لبست الهموم وشاح = وما دامك الود عايشته
مهما تحملت من أجراح = بتقول لا كون أحرجته

الشخص لاجاك متجاهل = يربط معك علم مايحماه
إن عدتها فأنت تستاهل = لا تشتكي من غلط سواه

أتلف لي القلب وعيوني = من سبته ماتنام اليل
زاد الحمل وأتعب متوني = للآن عايش معه في ويل

هذي وارد الحج =
أحرمت يوم أحرم الحجاج=واليوم نفرت حجيج البيت
لا كنك أحرمتني محتاج= لا طفت محرم ولا لبيت

منتوج طيبك مع أخلاقـك=لأضفت معها الوفاء يا حر
تكسب بها رجال فسياقـك=تبقى سند فالزمان المـر

إشتقـت يادافـي الأنفـاس=ودي أعطـر بـك أنفاسـي
نوصل سوى ذروة الإحساس=وأقتص من وقتي القاسـي

حوادث الوقت ماترحـم=تقسى وفي لينها قسوات
واللي على الطيبه يرسم=يلقى فرج حزة الضيقات

أول تجربه لي مع الشاعر
بخيتان البشري(ابو محمد)
والتي أتشرف بها

تركي البشري=
كل ماقرب جونا يصفى=ويزيد في معانقه وازيد
قمه من الانس والألفى=لحظات من بعدها تنكيد
بخيتان البشري=
يامن لكم قدر مايخفى=إيش بدد لأنس لك تبديد
بين لنا كامل الوصفى=حتى نلاقي علاج يفيد
تركي البشري=
لأمثالكم نقترب زلفى=لأجلك تصيب الهدف تسديد
في وصفها يعجز الحرفى=مجمل حروف الهجاء ماتفيد
دايم معي صادق الوقفى=ولموقفي دايم التأييد
صغير ما يلحق السقفى=ويخشى عيون البشر ياسيد
بخيتان البشري=
ليل السعد ودنا يضفى=دايم على مثلكم ويسيد
الكيل ماهو كما الغرفى=الكيل فيه الشهد مايبيد
زيده وفى طالما أوفى=ولاتقيده فالهوى تقييد
صغير وإخفض له الطرفى=حتى معك يقبل التجديد

نور البدر قـدم الأعـذار= كله خجـل مـن محياكـم
والشمس من حزة الأسحار= متـرددة كيـف تلقـاكـم