الناقد الرساوي تعال

ابو ناصر شرفتنا يالذيب بمتابعتك لنا

صح بدنك ياورقان وشرفتنا في تواجدك

أحمد الطريسي

الرساوي العوفي

صحت ألسنتكم وبيض الله وجيهكم

بواردي حرب صح بدنك و شرفتنا بمرورك

الليل سرا يالرساوي

تصبحون على خييييييييييييييييييييييييير

نادوا الرساوي اللي جاينا يبغى الطلايب=مير مادون الحلوق الا اليدين الطايلاتي
كم فتلنا كم نقضنا كم تحدينا الصعايب=واخر الايام ياغسان لابسلك عباتي
والله إنا مابغينا نقول عنك اليوم خايب= لاتسلم لاترحب لعنبوها من صفاتي
تفتلون وتنقضون ونعم حاضركم وغايب= مير يارجال اشوف الوقت فيه مجاملاتي
يرحم الله واحد بالقبر من تحت النصايب=مير غيره ليتهن ماعقبن الا بناتي
انت راع الحكمه اللي مابدت من راس شايب=ماتريح لين حبك ينطحن وسط الرحاتي
يرحم الله شيخنا اللي مات حلال الصعايب= شيخنا اللي لاوقف جلس جميع الواقفاتي
ابك انا ربعي قبيلة عوف متعبت الركايب=لاتجي في دربنا يا(طريس)وتعود شتاتي
نعم بالعوفان واللي كان حلال النشايب=وانت لاتجلس وعينك عن لزومك لاتباتي
انت وينك يوم دقلات البيارق والكتايب=كنت رساوي وهالحينه تسمى بالثقاتي
ماعليكم زود وانا عن قبيلة عوف نايب=لاتوصيني وانا من يمكم مابغى وصاتي
كنت قايد للسريه يوم حزات الحرايب=وانت باخر صف ماتقدر تشوف الاولاتي
والله اني خاطري من ماضي الايام طايب=بعد ماشفت اللباس معلقن وسط القناتي
هرجتك تضحك ولاكن ياعجايب ياعجايب=يالله انك لاتعرضنا المصايب والشماتي
جدي جاب العز والنوماس وجدك ويش جايب=انشد الاتراك عنا وقول يالله الثباتي
ياجماعة خير قولوا للطريسي ياغرايب=كيف بقرونه يناطح للجبال الراسياتي
نعم في جدك وجدي مامشى بالدرب هايب=ليه ننشد نعرفك من بعد صليت الصلاتي
يجماعة خير جنبه جاد من كثر الضرايب=كسرت اقرونه بعد مامر من قدم الرماتي

	صحت السنتكم وبيض الله وجيهكم والله يـعـطـيـكم الـعـافيـــــــــــة

شكرا على المرور بواردي حرب وجساس وحميدان وورقان وامير الحرف
والحب الباقي والجميع على متابعتنا
احمد كان بودي تستمر المحاورة لكن عطل فني حصل ولنا لقاء يالغالي وتشرفت باللعب معك انا خرجت قبل لاترد والمراقب لدية خبر
تقبل تحياتي وسامحنا

اخوي العوفي تشرفت باللعب معك وسامحنا على القصور ومثلك عارف المحاوره ماتخلو من الاخطاء العفويه
واشكر جميع من تابعنا بدون تخصيص اسماء

وشكر خاص للمراقب المبدع صاحب البصمات المشرفه في ملتقى المحاوره والملتقيات الثانيه

اخي الحب الباقي على تنسيق المحاوره وتشجيعه لجميع الشعراء لايسعني الا ان اقول بيض الله وجهك يالحب الباقي وتقبل شكري واحترامي