مجاراتي لشاعر الكبير فهد مطلق السليمي

السلام عليكم ورحمة الله وبركاته يشرفني في مجارات الشاعر الكبير فهد مطلق السليمي عسى تحوز على رضاه و رضاكم
ونترككم مع القصيدة ومجاراتي له

الناس كلٍ حسب عرفه وتفكيره = والي يميز عقول الناس مبداها
أحدن يحدك على شكره وتقديره = وافي و دايم علوم الطيب يهواها
وأحدن يحدك على شطفه وتحقيره = سامج و دايم علوم العز يشناها
وطيب البشر صعبه تحدد معاييره = كلٍ يمينه حسب طيبه سواياها
وإلا الردى بيّن ومعروف تقصيره = راعيه نفسه على الأصحاب بدّاها
ولو قال ما قال ماتمشي دهاويره = تعرف علومه من أولها إلى أتلاهــا
الأدمي يعرف من أخلال تعبيره = ويبين غيب القلوب بواقع أحكاهــا
والعاقل الي كلام الناس مايثيره = وإن جاتله ساقطه ماكنه أوحاها
يسكت وياخذ عن السفّاه تشطيره = والعالم الحاقده يصحى لبلواهــا

مجاراتي >>

تعيش ياشاعـراً جزلـه تعابيـره=الطيبـه والثميـنـه ماتعـداهـا
ماهد ماهد في صلف الهواء طيره=راعي جزاله ماداوى عين وعماها
ياصاحبي وقتنا كثـرة خوابيـره=والناس كثر الحسد والخبث عداها
به من خلط هيله الاصلي بشعيره=اليا كتبها بلـش وشلـون يقراهـا
يفرفرالحصان اليا اندهـن سيـره=المخطيه من ردات الحظ ينصاها
مافيه شيمه ولا حكمـه ولاجيـره=عند المصالح حياض الناس يجفاها
ما ناخذ الشور من مثله ولا نشيره=نفسه زعلها يساوي عندي ارضاها
وبه مثلكم يالسليمي طيب السيـره=نفسه على الطيبـه والعزممشاهـا
مايغيره كثر يالصاحـب دنانيـره=لو يملك سويسرا ويحـل بحماهـا
على الرفاقه ماينفخ يالسهم كيـره=ومن قـدم الطيبـه لابـد يلقاهـا