قصيده ومجاراتها مع الشاعر محمد الغيداني

صح لسانك ولسانه قصــايد جزله سجل حضوري هنا

صح لسانك ولسان من جاريته
قصايد جزله وموفقين خير

صح السان ابومشعل وابوموسى

مسألت ان المرجله تشيب الرجال نعم اتشيبه لانها ماتجي بارده امبرده

وفيه فرق بين شيب المصايب واالشيب الي يجي من طرد المرااجل

	المشاركة الأصلية كتبت بواسطة خالد الحصني

	السلام عليكم ورحمة الله وبركاته لتحميل صوتيه الشاعر الكبير محمد بن سماح الغيداني اهدا علي نسخه من قصيده له غزليه وعرض عليه مجاراتها والحقيقه انني اعتز بهذه الثقه من ابو مشعل وهو شاعر صاحب خبره كبيره مع الشعر يقول الشاعر محمد بن سماح الغيداني في قصيدته ياطبيب القلب قلبي روحت به=جادل ما عقبت للقلب تالي والجهاز اللي زرعتوه لعبت به=مابقى كود السحر بالصدر خالي كل ما قلت ارحمي قلبي طوت به=وضحكت في حاجب(ن) مثل الهلالي العيون تخجّل اللي طالعت به=اختلط فيها الكمال مع الجمالي اعرضت لي باللباس اللي زهت به=واندهشت وقلت:ألا وابري حالي فوق عرش الزين قفّت واقبلت به=والنحر مثل القمر نوره يلالي ما ذبحني مثل رمش(ن) سلهمت به=صرت افكر فيه من حالي بحالي الكلام لياهرجت به وضحكت به=كن طعمه درّ خلفات(ن) متالي لو تطاوعني على امري ما عصت به=كان ارددها على روحي تعالي لين ترتاح العيون اللي شقت به=واهتني في شوفته دايم قبالي الله اعلم وين قلبي وجهت به=حوّلت به للوطا من راس عالي شالت القلب المولع وانتحت به=مابقى له لا دقاق ولا جلالي اتنشد عنه من يوم اختفت به=ما ذكرلي لا جنوب ولا شمالي ياوجودي وجد منهو لولحت به=وانطلق من فوق مومية الحبالي طاح قدام السيوف اللي سطت به=الصوايب غامقه والدم سالي في نهار(ن) كم شجيع(ن) يشتمت به=غابت الاذهان من شد القتالي طاح بين الخيل ماحد يلتفت به=لو يردد وين حامين التوالي شاف عجلات المنايا نوخت به=والفرس راحت مع الوضح الغوالي مثل قلبي والهنوف اللي غدت به=واخرتها لا جواب ولا سوالي تل قلبي كل ما راحت وجت به=تل غرب فوق درّاج ومحالي تلته حمر شناح وصدّرت به=يصتفق برشاه من جال(ن) بجالي آه ياممشى الطريق اللي مشت به=ليتني معها ولد عم(ن) موالي ودي آقف وسط سوق(ن) وقفت به=لو مالي بالتجارة راس مالي لو حصل لي شوف وجه(ن) فرّعت به=ما غبط عنتر وابوزيد الهلالي عقبها لو ابعدت به وقربت به=المهم يبين عقلي من هبالي صح السان الشاعر محمد الغيداني والحقيقه انها قصيده جزله من شاعر جزل اما المجاراه قلب ابو كسار وضحا شلعت به = جادل في قد قوله ما تبالي والجهاز الي مركب به عثت به = احدثة به في مفاتنها خمالي اندهش من لبسها يوم عرضت به = وصار عنده من تهملعها اختلالي اضحكة في هرجها ما قصرت به = نسته عمره ونسي ام العيالي ما تحمل رمشها يوم طرقت به= صاب قلبه من تسلهمها جفالي ويتمناها لوانها خيرت به = ايتهنا بشوفها حل وحلالي ويوم من راس الطويله حولت به =قال لاح جروح روحي قلت غالي مار قلبك يا محمد وش لقت به = يا طبيب القلب قلب العود بالي المراجل قبلها كد شيبت به = متعبه من قبلها مسرى الليالي اثر عودك عود والبنت جهلت به=ايتوجد وجد فرسان النزالي في نهار من تهقواه قعدت به= ولحقو الفرسان مروية السلالي احتمى فيه المنازل وانتخت به = عزوة ماهي على الجال الهيالي غيروا مجرى القتال وسجلت به = عام جا باالشمس من عقب الظلالي وجد ابو مشعل مثل من طوحت به = شاف دمه عقب ما وخذ الحلالي اشهد ان الحب ناس هبلت به= من طحاطيح الرجال من الجمالي ما درت با عمارها يوم وقعت به = حين ذكرها لياليها الخوالي كم شقين يوم بانت جنحت به = والوضيحي للمثال اكبر مثالي وحال ابو كسار حال دونت به = مار جعله عقبها يمشي عدالي العصا يمشي وهي ما عتبت به= والعلاج الي معه يملا شوالي بعد حاله ما قرت به وكتبت به= وراح قلبه مع طريق الزين جالي العوض با العافيه يوم عرجت به= والمجال ان ما حصل فيه المنالي ايتعبر با الحياه وما وصلت به= وبعد عرضتها يجي شايب مثالي وكانها مرت عليه ولا اثرت به = هم لالي هم لالي هم لالي

صح الله لسان الشاعر الجزل محمد الغيداني وقصيده من عيون الوجدانيات تجبر المتلقي على تكراراها
ولايمل منها لكثر ماتحمل من جماليات التصوير والتشبيه والمعاني الساميه وصح لسانك ياشاعرنا الجزل خالد الحصني مجاراه رائعه ولاهي غريبه على ابو موسي
اسجل اعجابي بكل الطرفين صاحب الوسيمه وصاحب الرد واقول بيض الله وجيهكم

الاخ خالد الحصني صح لسانك وصح لسان الشاعر محمد الغيداني
قصيده جزله ومجاراه جزله الله بيض وجيهكم

استاذي القديروالشاعر الرائع

خالد الحصني

صح لسانك وصح لسان الشاعر محمد الغيداني

صوت وصدى رائعين ولا يستغرب الابداع من شعار بحجمكم

قصائد جزله وممتعه الله بيض وجيهكم على هذا الابداع

اخي تقبل تقديري واحترامي

صح السانك يابو موسى

وبيض الله وجهك

شاعر بمعنى الكلمه شاعر علم

ولا ننساء بو مشعل

شاعر متمكن

صح لسان محمد الغيداني

وصح لسانك ياخالد الحصني

قصائد في قمة الابداع


تقبل مروري يابو موسى