شد حزامك يامضحي

شجرةٍ فالجود ماقلص عطاها=ظلها فارق وتفرق في رطبها
والنجوم اللي تلالا في سماها=تعجز الحساب لو قام وحسبها

	المشاركة الأصلية كتبت بواسطة ابومشاري

	الشاعرين مرسي الثقل ومضحي بن جمران بيض الله وجيهكم علا الابداع ومثل ماقال الملك فيصل بن عبدالعزيز رحمه الله واسكنه فسيح جناته ترانا ياجماعه ما نحب الفقش بالرمان ** نبي رمان صم وكل حبه بذرها فيها

وجهك ابيض ياشاعرنا الجزل والمبدع ابو مشاري
ولا عليك زود لاهنت اسعدنا هذا المرور النير لشخصك الكريم

ابو مشاري مشكور على المتابعه ويامرحبا وابشر بصفى ماهو رمان لكن مافاهم الا انت واحنا ودنا كل من مر يفهم ولو بعض الشي

ياصدوق النو والمزنه وماها = لانشيتي وجهي عالي هضبها
الجمال اللي عرفنا وش مناها= فالوسوم الطيبه مثنى رقبها

الجميع يا شعراءنا الكرام ما قصرتم بدع ورد في غاية الجمال والجوده
بيض الله وجيهكم وصحت اللسنتكم ونبغى مثل هذه المحاورات المحكمه
مدفونة المعنى جميلة المغنى سليمة الهدف والغايه بين عمالقة المحاوره
مرسى الثقال ومضحي بن جمران
الله يعطيكم العافيه
لكم كل التقدير والاحترام

اولا" اخي العزيز الشاعر ابو عادل يامرحبا وياهلا والله وشرفنا مرورك .. ثانيا" اشكرك جزيل الشكر على كلامك الاكثر من حلو والله يعطيك العافيه ..ثالثا" شهاده نعتز فيها ونعتبرها وسام على صدورنا تحياتنا لك ...

جعل نار العز وهاجٍ سناها=في ديار اهل المكارم من عربها
والبيوت بساسها يصمد بناها=مايغر اهل النظر زخرف عتبها

	المشاركة الأصلية كتبت بواسطة ابو عادل

	الجميع يا شعراءنا الكرام ما قصرتم بدع ورد في غاية الجمال والجوده بيض الله وجيهكم وصحت اللسنتكم ونبغى مثل هذه المحاورات المحكمه مدفونة المعنى جميلة المغنى سليمة الهدف والغايه بين عمالقة المحاوره مرسى الثقال ومضحي بن جمران الله يعطيكم العافيه لكم كل التقدير والاحترام

الشاعر الجزل والمبدع ابو عادل لاهنت ولاعليك زود
وجهك ابيض واسعدنا تواجدك وتشرفنا بهذا المرور النير
لشخصك العزيز وشهادتك تاج على رؤسنا وفخر لنا ونوماس
طال عمرك على الطاعه وتقبل منا صادق الموده والتقدير والاحترام

ان تنخوو والمسو يمنى لحاها = مرويت حِدب رهافا في نصبها
شب ناره مير في رجله وطاها = يوم يوحي فالتنخوي من غضبها

منتهى الهرجه وزبدة منتهاها=ضمها صندوق كتابٍ كتبها
ونية المخلوق لامنه نواها=شبهوها فالمطيه لاشعبها