يالشلياني هلا مرحبابك بعد جيت

	المشاركة الأصلية كتبت بواسطة الشلياني

	الغااالي مضحي بن جمران الليل سرا وانا اخوك وانا عندي ادوام بدري شرفني اللعب معك الله لايهينك وشاعر مافيك قصور لكن أستاذنك الآن ولي انشاء الله عوده بطاروق جديد عن قريب أستودعكم الذي لا تضيع ودائعه

لاهنت لاهنت لاهنت يالشلياني وانا سهرتك لكن ملزوم البيت الاخير ترسل رده متي ماجيت على الجهاز صح لسانك مليون واسمح لي انا خابرك ماتجي الا مع مساري الذيابه هذا اللي خلاني اجلس معك لهذا الوقت وتصبح على خير وان شاء الله ماتنام عن الدوام وتصبح ياعزيزي همام وكلش تمام مع السلامه

صحت ألسنتكم
وبيض الله وجيهكم

صحت ألسنتكم ،،

طاروق رائع ،،

و شعار ما عليهم كلام ،،

صحت السنتكم وعافاكم الله

	المشاركة الأصلية كتبت بواسطة مضحي بن جمران

	صح لسانك واستلم والنهايه عندك لاهنت يالشلياني علامك سريت بدون ليت= فوقك ددسنك القصيده تجر الحونها يقتعد راسك ليا كمل اللي فالبكيت=لاعرفت الدرب جب ماحوا طبلونها

احمد الله عن عيون الفريده ماسهيت=والفريده قالو الناس يعرف نونها
ياولد حرب العريبه ماتنفعنا ياليت=مير قلنا ليت ليلى تجي مضنونها

	المشاركة الأصلية كتبت بواسطة مضحي بن جمران

	لاهنت لاهنت لاهنت يالشلياني وانا سهرتك لكن ملزوم البيت الاخير ترسل رده متي ماجيت على الجهاز صح لسانك مليون واسمح لي انا خابرك ماتجي الا مع مساري الذيابه هذا اللي خلاني اجلس معك لهذا الوقت وتصبح على خير وان شاء الله ماتنام عن الدوام وتصبح ياعزيزي همام وكلش تمام مع السلامه

ولاتهون ولاتهون ولاتهون يامضحي انت سهرتنا ومتعتنا الله يبيض وجهك ويسلم راسك والبيت ردينا عليه واشهد انك كفوو انت واابوعبدالعزيز (ورقااان) مع أنكم كثرتووو المجاملات الله يجزاكم خير ههههه و لكن اشكركم ، اما من جهت دخولي على النت فهي حسب الفرصه يابو جمران وانشاء الله اني بدخل يوم بدري والقاك واتشرف باالعب معك مره ثانيه ،،

(( أخيراً اشكرك على كل ماقلت ونظمت والمعذره على القصور ))

الحميدي المخلفي ؛ سمو المشاعر ؛ ابــ حرب ــو


صحت أبدانـــكم

وشاكرين لكم مروركم ومتابعتكم

	المشاركة الأصلية كتبت بواسطة الحميدي المخلفي

	صحت ألسنتكم وبيض الله وجيهكم

صح بدنك يامشرفنا الغالي وجهك ابيض ولك جزيل الشكر على هذا التواجد النير لاعدمناه ياعزيزي الحميدي المخلفي ولا تغيب إلا عن الشر انت وجميع اعضاء هذا الملتقى الجزل وسلمت ودمت والله يحفظك

	المشاركة الأصلية كتبت بواسطة ابـ حرب ــو

	صحت السنتكم وعافاكم الله

صح بدنك والله يعافيك والشر مايجيك يابو حرب لاهنت على المرور

	مضحي ابن جمران الشلياني صحت السنتكم محاورة من الوزن الثقيل ولاهي غريبه يعطيكم العافيه