. . . ( اللي سواتك لاسمـع بـه ولاشيـف= ولا ضيّـق العـالـم ولافكـروبـه) ..!!

مساءكم سكر :
.
.
.
قصيدة يشرفني حقيقة أن أنشرها هنا .. !!

الله مـن قلـب بلـوه المزاهـيـف= بلـوه وإن طـال الجـدال ابتلوبـه
ليا جاء لصعبات المواقيف توقيـف= والله ليمشـي منهـج ٍ مامشـوبـه
من هاجس ٍ مايتبع الزور والزيـف= اللـي ضعيفيـن العقـول ارتعوبـه
يالله دخيلك من زمـان الصواديـف= كيف اختلط شرق البلد مع غروبـه
ماعاد سـوق المعرفـة للعواريـف= اليوم كل ٍ يحسـب العـرف دوبـه
وياللي تشوف أنك بالامثال حريـف= وإنـك ليـا جـاء للمعانـد عقوبـه
في نفسك مورا وساري بك الطيـف= لانوبـة ٍ وحـده ولا ألفيـن نوبـه
اللي سواتك لاسمـع بـه ولاشيـف= ولا ضيـق العـالـم ولافكـروبـه
ينقد وهـو راس المناقيـد ياحيـف= لبس الردى والمهزلـة لبـس ثوبـه
اللـي سواليفـه حلـوم وتخاريـف= تكشف عن ابشع مااختفى من عيوبه
جمَع خثاريق ٍ على ربع ونصيـف= ومع ضعفهن يزمر وينفـخ ذروبـه
لاعرف لاميزة وعقله على جريـف= ينهـار لاهـب النسيـم بهبـوبـه
اللي يطاول شامخ الحيـد ومنيـف= وينه ووين طويـق ماهـو بصوبـه
لو يدري أنه تافه القـدر وضعيـف= ومن اضحكوا له بالصحيح أضحكوبه
ماصار إشـارة للرمـاه النواتيـف= سهومهـم راحـت تمـزع جنوبـه