هذي حلاة الهوى قرب وابعاد

ياللي تقول اجيك مافات ميعاد=فات الوعد ياصاحبي ما وفيته
يمكن تقول اجيك والنيه اسعاد=و اذا فات ميعادك تعذر نسيته
انا معك ايامي وامالها اجداد=لفات موعد موعد جديدٍ لقيته
تكفيني النظره اذا جيت رداد=وبسمه يداوي عذبها ما عنيته
تدري حلاتك مع الطيبه اعناد=وزود غلاتك قلبي اللي خذيته
انت تنام الليل و الليل ماعاد= ماعاد ليلي بعد هجرك غفيته
ارعا نجوم الليل واعاني اسهاد= واكتب قصيدي وامسحه ماقريته
هذي حلاة الهوى قرب وبعاد = والبعد مايرخص حبيبٍ هويته
لوكل من امل تحقق له امراد= عمري بليا أمال انقضى مادريته