اقرب للهدف حتى البليد يقول عارفها

تركد ياخوي الجنب وارقد ما عليك اخـلاف= ترى بعض السوالف لـو تهقواهـا تخالفهـا
سوالف والسوالف هيـن ياقالهـا السـولاف= ولكن العلـوم الصاملـه يصعـب مسولفهـا
نهرت امن الهجوس الي ليامنه وقف با القاف=ضرب عرض البحر حتى السمينه لي يغرفها
وانا ماني مخففهـا ولانـي دونهـا خـواف=اقرب للهدف حتـى البليد ايقـول عارفهـا
ابرسمها على راس اطويل ابقمـة المشـراف=عسى بعض العقول الوارمه تعقـل طوارفهـا
وريث امجادها ماهو مخليهـا لكـم تنشـاف=تموت امن القهر حتى بعينـك منـت شايفهـا
انا مندونها محتـاج لا فزعـه ولا احـلاف=ولاني منشي حلـف وانـا مالـي مطارفهـا
يلومون الزمن دايم يقولـون الزمـن ينعـاف=قصير الباع ياقـف دونهـا ويقـول عايفهـا
ويقولون العذر دايم يصير لصاحبـه مهيـاف=ليامنه عجز عنهـا علـى الاعـذار هيفهـا
مثل حذف المقفي ما يجيب الخير للحذاف= وحصات الي حذف له ضلع عادت يم حاذفها
لفانا من لفانا والعقـول الـي لفتنـا اخفـاف=اثرهـا كـل مـا تكبـر تبشرنـا بخفايفهـا
وترى الي يصنع السيف المهند سمي السيـاف=ولكـن مارفـع سيفـه ليـا ثـارت قذايفهـا
سوالف والسوالف مع رجال العرف يا عراف=تفيـد وتستفيـد احيـان واحيانـا تلاطفـهـا
وترى بعض الرجال ونعم لكن بعضهم انصاف=يهس اشوي عن درب الرجالـه مـا يوالفهـا
وترى بعض الغرور يلبس الرجال ثوب انكاف=عنه ينكف رجال العرف شوفه مـا يشرفهـا
عساني مالمست امن الطوارف شي يا طواف=انـا ماحـب لا العـن جدفهـا ولا طوايفهـا
عسا الله يسعد ايام الخـوي الـي نعـده واف=ولا نجحد حقوق الناس لاوالله ننصفها