ديوان الشاعر محمد بن خيرالله الردادي

الظلم ماينفعك ياظالم الناس=الظلم ربك حرمه في كتابه
ويلك من الله يوم قرعات الاجراس=لحظة يلاقي كل مخطي عذابه
الله جعل لدين عدلا ومقياس=وانت تخالف امر من يلتجابه
خاف الله اللى ممشياً فيك الانفاس=وتبع طريق المصطفى والصحابه
دين الله المعبود خله لك الساس=وذكر عقابه يوم تالقاء عقابه
ماتنفعك مدحت حسوداً ودساس=يضحك معك ويحلي الضحك نابه
لايغرك اللى يصتفق مثل مرواس=هو يبتسم والنفس فيها كابه
يقول لك يفلان انا انسان حساس=وانت وانا يفلان حنى قرابه
يزينلك الشيطان وبليس وسواس=يسعى يبى المسلم يضيع صوابه
وفهم ترى المظلوم دعواه لاباس=تطلع وعند الله لها استجابه
وحذرك عن درب تمشيه الانجاس=درباً خطيراً مانفع من مشابه
خلك حكيماً دايماً رافع الراس=ودرب العدل عزاً لمن اقتدابه

مع تحيات
محمد بن خيرالله الردادي[/align]

الاخوان الاكارم
السلام عليكم ورحمة الله وبركاته
الاخ ابن عقيل احد الاخوان الشعار في احد المنتديات كتب قصيده هذا مطلعها

متميزه طريقة اللبس محبـوك=والا الغطأكل البنات بغطـاوي
لاشفتهاعقلك تخليـه مربـوك=يهتز فيك مخيخ وزن الخطاوي

وقمت بالرد عليه بشكره على هذه القصيده الرائعه
وقام بدوره وكتب لي الشكر على مروري على هذه الابيات
واضاف مازحاً هذا السطر
لاضبط جو الرايس جنبكم علمني باخذلي لفه خميس وجمعة على البحر .هههههه
وعند ماشاهدة ماكتب جادة قريحتي بهذا الرد على هذا السطر وليس على القصيده
علماً انني كتبتها على نفس الوزن
ارجوا ان يحوز على رضاكم واستحسانكم

يابن عقيل اهل البحر هم ينـادوك=الرايس وينبـع وذيـك القـراوي
ان جيتهم ياضيف ياضيف حيـوك=خلوك باليومين تجلـس وتـاوي
تاخذ بدل يوميـن ايـام ياخـوك=تانس وتستانس وتنسـى بـلاوي
الناس فيهم طيب والطيب مبـروك=والطيب مع طيب يزيـن ويـداوي
هذي طبايع نـاس بالعـز ياتـوك=عالي وتصبح عندهـم بالعـلاوي
هذا الكرم والطيب مافيه مشكـوك=موجود بديار العـرب بالتسـاوي
وايضاً ابشركم ترى الخط مسلوك=ان جيت في مرسدس ولا عـراوي
خطا سريعا تـو ماصـر مدكـوك=ماله ابـد شهريـن ولا حـراوي
الله يجزي كل مـن خـط بالبـوك=رسمة مساره لين اصبح هـواوي
والجو هاليومين والطقس مربـوك=ساعة مزون وساعة الجو خـاوي
وخل المراصد عنك هم لايـردوك=وعطني خبر لاصرت للخط نـاوي
واعطيك انا الاخبار ماهوكما املّوك=واضبط لك البراد اخضر حسـاوي
وناخذ لنا لفات في وسط سنبـوك=اذا البحر ماكـان وقتـه شـراوي
وتشوف اسماك البحر حية اتـدوك=والصيد حسب اللي كتبه العطاوي
الواحد المالـك لمالـك ومملـوك=معبود كل الخلق غير اللي غـاوي
وسلم وسلملي على مـن يلاقـوك=سلام يأصل لـو يطـرى طـراوي

وسلامتكم
وتحياتي للجميع

الاخوان والاخوات
السلام عليكم ورحمة الله وبركاته
اهديكم محاولتي المتواضعه امل ان تحوز على اعجابكم

لا واحسافه بعض الاصحاب يغرك=ياسرع بيعـة صحبتـه لا نواهـا
تغتر في طبعـه وهرجـه يسـرك=يعطيك هرجه ماوصـل مستواهـا
اليا سمعته قلـت بالطيـب بـرك=غلطان منهو صحبتـه ماشراهـا
يمشـي معـك وتـقـول لله درك=صحبتك انا ماظن القـاء سواهـا
واليا حصل موقف بسرعه يفـرك=ينسى علوم امجاده اللـي ادعاهـا
ويصيرخصمك ثـم يبـدا يضـرك=ويسعى بفضح اسرارك اللي لقاها
تقول مايعرف أبـد عـن مقـرك=وتقول واحيفـاه صدقـه قضاهـا
بعض الصداقه للمخاطـر تجـرك=والبعض تسحب لك بلاوي وراهـا
والبعض ماتميز لبـردك وحـرك=تمشي ولو هي ماشيه في عماهـا
والبعض منها مثـل ألـه تحـرك=تعطي فوايدها لمـن هـو قناهـا
والبعض منها كافي اكفيني شـرك=صحبتك يالماخـوذ يلعـن ثواهـا
والبعض منها يحتفظ لـك بقـدرك=والكل حاجه عارف(ن) ويش دواها
واغلب صداقات البشر حذر حذرك=لايغرك المظهـر علـى ماخفاهـا
ترى الصداقه شي ضروري لأمرك=اختارهـا بحـكـام والا بـلاهـا

مع تحيات
محمد بن خيرالله الردادي

الصيف قرب والشتاء تو ماراح=باقي عليـــــه ايام يالله تعينه
مضت ليالي كلها فل ومـــــراح=فيها البراد وبابنا مغلـقينـــه
نخاف نسناس الهواء لو مالاح=نحسب له الحسبان ونوضع كمينه
والصيف باقي له ليالي وينباح=ونرمي ثياباً كانت اول متينــــــه
ونشوف بالاسواق خوخاً وتفاح=ماكانت اول في ربوع المدينــــــه
ونشوف حفلاتاً تسمى بالافراح=وسط القصور وكرتهم طابعينــــه
توجيه للدعوى لها الكل يرتاح=من شان فيها شخص كمل لدينــــــه
والصيف فصلاً دايماً فيه الاصلاح=اشجار تثمر وتنبت اشجار زينـــــه
ماهو مثل فصل الشتاء برد وكفاح=ومغطي الانسان راسه ويدينـــــــــه

مع تحيات
محمد خيرالله الردادي[/align]

الأخوه والأخوات

جديدي امل ان يحوز على اعجابكم

من بعد ماقلبي توجه لك وجاك =ويش الذي غيرك من بعد الأمل
انا أعتبرت اني ملكتك ياملاك =وشتقت اكلمكم ورجعني الخجل
فتره وجيزه وانتظر لحظة لقاك =وانت قطعت انشاء جسر(ن) مكتمل
كنت امنيه وطمح احقق لك مناك =واليوم مستوعبت ويش اللي حصل
والي حصل مدري خطايه او خطاك=غلطتك مدري غلطتي ماتحتمل
فكر وخذ رايك عسى ربي يهداك=هات النتيجه دلنا ويش العمل
انا وقفت ووقفتي فيها ارتباك =مثل ارتباك النحل في جمع العسل
ماني بعارف ويش طبعك او هواك=واحترت والحيره مثل اكل البصل
وماني بداري ليش بعت اللي شراك=وبدلت افراح الجميع اليا زعل
ياأدمي فكر واعطي من عطاك=قلبه وابذل مثل ماقلبه بذل
لايصير تفكيرك مطوق في شباك=وليكون ردك له حدود وفي جمل
انتا عزيز وعالياً في مستواك=وعزتك عندي لاتزال ولاتزل
وكيد عني حاسداً جاك ونهاك=سبب لك الربكه وسبب لي خلل
ويازين بالله قول ويش اللي دهاك=كلمتك خلتني بعد صاحي خبل
وانا أنجرحت وجرحي يحتاج لدواك =وما تداوي الجرح او زيد العلل
فكر وشاور خذ بتفكيرك مداك=وانا ترى لازال باقي لي أمــل

تحياتي للجميع
محمد خيرالله الردادي

السلام عليكم ورحمة الله وبركاته
اليكم محاوله امل ان تحوز على اعجابكم
وهي تعبر عن نفسها

لا تعاتب وأنت ماشي بالخطاء=ما يعاتب غير منهو في صواب
ما يفيد أعتاب من مثلك وطـاء=بالخطاء يحتاج مثلك للعتاب
أنت يا مسكين تحتـاج الغطـاء=والنصيحه منك تشبه للسراب
أنت ما ني قابـل(ن) منك عطـاء=والعطى من حضرتك منه نهاب
أنت واللي مثل حضرتكم سطاء =لو نصح تحتاج نفسه للعقاب
خاف ربك كم واحـد ورطـاء =شكلك المرموق وأنت في خراب
عز نفسك ورتفع عـن هالوطاء=يمكن اخذ منك كلمة من كتاب
من دروبه واضحه عز امتطـاء=ومن دروبه خافيه يلقاء نشاب

مع تحيات
محمد خيرالله الردادي

الأخوه الأفاضل والأخوات
السلام عليكم ورحمة الله وبركاته
الطفل
شي جميل
وجادة قريحتي بهذه الأبيات المتواضعه
امل ان تلاقي شي من الأستحسان والقبول مع تمنياتي
ان يرزق الله الجميع بالذريه الصالحه
وإليكم احبائي

يازين بيت (ن) فيه للطفل صيحـة=يازينها لو كان منها يجـي إزعـاج
يازيـن قوماتـه وياشيـن طيحـه=ويازين شكلـه دام لـلأب محتـاج
ويازيـن نظراتـه لدنيـا فسيحـه=لحظة يناظر بالنظر كـل مـن داج
مستغرب(ن)كيف الخلايـق مليحـه=متعجب(ن) فيهم وعقله بهم سـاج
وليا سمع صوت(ن)حنين مطيحـه=يضحك من الأعماق والوجه بهـاج
امالصوت العكـس عينـه مشيحـه=كنه يعرف الجوى لاصابه اعجـاج
وهذي قليلاً(ن)من وصايف مريحـه=تعطي سعاده زود عن فرحة ازواج
والله يسهـل للقلـوب الجريـحـه=اللي يدورون الدواء ابكل الاخـلاج
الله يرزقهم بنفـس (ن) صريحـه=ويحفظ جميع الناس عن جر الامواج

مع تحيات
محمد بن خيرالله الردادي

السلام عليكم ورحمة الله وبركاته
الأخوه والأخوات
اقدم لكم احد محاولاتي السابقه امل ان تحوز على اعجابكم

لو سمحتي عرفي حالك عشاني=لا تخليني أقول الحب ورطه
وحدك اللي عارفه وضعي ومكاني =دام فالموضوع تحقيق(ن)وشرطه
لا تخليني على همي أعاني=وآنت سرك تفرطه للناس فرطه
اكتمي الأسرار قولي كيف كاني=خلي وضعك مثل شاعر وسط قلطه
قدم الطيب وقولي اللي رماني=حبك اللي رابط(ن) قلبي بربطه
لا تخلي الناس في هذا الزماني=تحسب الموضوع جاني تم ضبطه
قول وحسم وآنت ما ظنك أناني=ومن شمت فينا عساه اتجيه جلطه
أو بلاش ادعي على إنسان ثاني=وعتبر أن الشتيمة منه غلطه
لا تأخرني أنا اعـد الثــواني=ونبض قلبي اسمعه وعد نبطه
قول يا محبوب لو قالو جناني=الهوى معروف للعشاق خبطه

مع تحيات
محمد خيرالله الردادي

من كتاباتي يالغالين
اتمنى ان تنال اعجابكم

غلطان اعاتب مثل حضرتك غلطان =غلطان اصادق مثل حضرة جنابك
كنت احسب اني معك بالحيل كسبان =كنت احسبك بالعقل كامل نصابك
ماكنت افكر فيك بالعقل نقصان =ولاكنت عارف فيك طيشت شبابك
مافيه داعي اخفي السر يافلان =يكفي لهذا الحد خاب الرجاء بك
غرتني الدنيا وغريت من كان =مغشوش في وصفك وزاده عذابك
حسايف الأيام مرة ولا حان =وقت(ن) عرفتك فيه قبل اللقاء بك
كنت احسبك قمه وغالي بالأثمان =زين(ن) وعقل(ن) فيك يرفع حسابك
ضنيتك اللولوا وفضه ومرجان = ولا ذهب والماس صف(ن) تشابك
لكن كشفت اللي حدث لي عمى الوان =اخفى الحقيقه لين دقيت بابك

مع تحيات
محمد خيرالله الردادي

ياماكثر الأصحاب في وقت السعه

يامكثـر الأصحـاب فــي وقــت السـعـه=اعـدادهـم دايــم وهــي فيـهـا ازديـــاد
صاحـب قديـم يجـيـب صـاحـب يتبـعـه=وكـلاً(ن) يقـول ان الصـداقـه اجتـهـاد
تحـتـار مــن تخـتـار او مــن تسمـعـه=والـوقـت مايعـطـي لـلازمــك الـمــراد
واليـا حصـل لازمـك وجـات الموجعـه=الـكـل مايـسـمـع تـقــول انـــه جـمــاد
واذا بـغـيـت الـلـعـب قــالــوا اربــعــه=تشوف صـن وحكـم وتقلـب لـك مـزاد
وان جـيـت تطـلـب لازمـــك للمنـفـعـه=الــكــل يـتـوخــر ولا فــيــه اعـتـمــاد
يصفـى مـن الألفيـن رقــم(ن) تطبـعـه=وصفـاره الـلـي تتبـعـه صـفـراً وكــاد
تــروح مـثـل الـمـاء بمنـخـل تجـمـعـه=او مثل قمح(ن) يابس(ن) بعد الحصاد
لـكــن قـولــي ذا خـــذه ثـــم رجــعــه=بعض العـرب واحـد كفـو فيـه السـداد
تلـقـاه فــي وقــت الـشـدايـد مطـمـعـه=دايــم بجنـبـك ينفـعـك فــي كــل مـــاد
والصـاحـب الـلــي مايـفـيـدك امـنـعـه=مــادام مايـاقـف فــي وقــت الأرتــداد
لـكـن صديـقـك افحـصـه ثـــم ودعـــه=ان كـان ماينفـعـك فــي وقــت المـفـاد
ماتـنـفـع الـصـحـبـه وهــــي مـلـمـعـه=ولاتدفـي الـبـردان فــي وقــت الـبـراد
ودايــــم قــــرارك بـخـتـيـار طـلــعــه=خـلـك حكـيـم(ن) دايـمـاً وركــد ركــاد
ترى الصداقه ماهـي ضحـك وطرطعـه=ولا هي بكثر(ن) يشبـه اعـداد الجـراد
هــذي نصيـحـة قــاف وانـــا ابـدعــه=وانـت بكيـفـك وتـبـع ادروب الـرشـاد