ديوان الشاعر / فايزموسى البشري

تحاصرني همومي كما حوصرت بغداد = نهار ٍ على روس العرب ماهو بعادي
عليها الرصاص يصب مصدار ٍ وميراد = ونص العرب بالسفح والي له بوادي
وش العذر ياوجيه النشما ويالاجواد = من الي كتب تاريخنا ليلنا بادي
ثلاث ٍ لاراحن لايتفلسف ولا نقاد = ولايقول لي به ضد ويعد الاضدادي
فقدنا العراق الاوله وابتدا الجلاد = يخطط وحنا نقدم الورد والكادي
واذا مصر راحت كان فيها الوضع مافاد = تولم ماهي هرجه ودله وبرادي
بقى الشام كانه صدق ماتجيبه الارصاد = ياراع التكيسي روح لبق وراء العادي
يافاهم ويامفهم ترى الوضع ماهو اعناد = حقايق على وجه البسيطه ماني غادي
تموت الزنود الي تحاشا القدح ازناد = ويموت الغبي بمرقده هامد ٍ هادي
ياهمي تفضل دوم ياصادق الميعاد = وشب اللهب في ماتبقاء من افوادي

فايزموسى البشري

يـاكـثـر الـشـعـر يـاكـثـر الـقـصـايـد = وياقـل اليـوم مـن هـو كـان سايـد
سمـعـنـا مـــن يـقــول إنـــه يـغـنـي = علـى الطـاروق ويجـيـب الجـدايـد
واليـامـنـك سـمـعـت الـلــي يـقـولــه = خــلا مـــن الـــي يـسـمـن الـشـرايـد
اذا مـالـشــعــر قــافــيـــه ومــعــنـــى = والـيـامـنـك سـمـعـتـه قــلــت كــايــد
يـكـون السـبـك هــو الحـبـك فيـهـا = وتــطــلــع مــنــهــا بـــعـــدة فـــوايــــد
لها السامع من اول بيت يصغي = قـصــيــدة كـنــهــا عـــــدة قــصــايــد
واذا مـــرت عـلــى شـاعــر ودقــــق = يـــقـــوده قـــوهـــا لـــوكــــان قـــايــــد
تـــمـــنـــى والــتــمــنـــي مــايــفــيـــده = لــــو إنــــه جـابـهــا يـنـعــد صــايــد
مـــــع الايــــــام تــبــغــاء والــيــالــي = تـــــردد كـنــهــا صـــبـــح الـمـعــايــد
مـــن الـواقــع عـــن الــواقــع تـكـلــم = ماهـي سـرد ٍ مثـل سـرد الجرايـد
علـى طـول الـزمـن والــروح فيـهـا = جــــديــــد ٍلــبــســهــا مــاهــوبــايــد
تـشــابــه لــذهـــب لــــــو ثـمـونــهــا = ومــــن هــــو جـابـهــا يـنـعــد رايــــد
وتـجـي مــن بعـدهـا وحــده ثقيـلـه= ولاتــحـــرك وسـيــعــي ٍ الـبـنــايــد
تــاخــذ مـــــده لــهـــا مـــــده تـــــردد = وتـصــدا مـثــل مـاتـصـدا الـحـدايـد
وبــعــدهـــا جـنــبــوهــا واهـمــلــوهــا = لـهـا بـديــوان فـــي رف ٍ مـحـايـد
جزيلـه بــس فــي وقــت ٍ معـيـن = تــــرّوح مــثــل مــاتــروح الـشـدايــد
وتجـي مـن بعـدهـا وحــده هزيـلـه = لـهــا هـيـكـل لـهــا بــــدي وزوايــــد
ولـــو إنـــك بـغـيــت تــقــول زيــنــه = لحـقـك مــن الـرجـال اكـبــر نـقـايـد
ولاكـــن فـيــه مـــن يـوجــد يـطـبــل = وبــــه نـــــاس ٍ تـعـلـقـهـا قــلايـــد
وبـــه مـــن هـــو يسمـيـهـا فــريــده = وهــي مـاهـي عـلـى نـهـج الـفـرايـد
هــذا المـوجـود يـاسـاده وحـاصــل = بـسـاحـات الـشـعـر يـهــل الـعـوايـد
وانــــا مــازكـــي لـنـفـســي ولاكـــــن = هــذا توضـيـح مــن كـثــر النـكـايـد

فايز موسى البشري

ياصيدلي كثر حبوب البندول = من تالي الايام بالراس صالب
اسمع واشوف وكثرة الهرج معسول = وكم حق راح ولاذكرله مطالب
يمدح بها فاسد ويثنا على اخبول = وعلى الخيال يفصلون القوالب
لناس غايات ومزاجات وعقول = ولالي بمغلوب ٍ ولالي بغالب
كم راس فالضيقات يصير مشلول = عن السنع يضرب طريق المثالب
ماني من الي لابلش قال يحول = لسبع ناب وللجوارح مخالب
ولاجبت لي بيت ٍ بمعناه مفتول = ماورد الموجب على خط سالب
ماني مقاطرها كم دقت اطبول = يالي تشوف الديس شوف المحالب

فايزموسى البشري

صفق لراع الفلاش وقول مات الضمير = ماساد مسلوب اراده لو معه راس مال
منزلك بالارض يالي تي تحاول تطير = جنحان ديك الدجاجه ماعطته المجال
والي بخط القلم يبغاء يكبر صغير = ماتقبل اقلام تاريخ الزمان احتيال
لو عشت بفخم مكان وتحت رجلك حرير = غيّر اماكن ولاكن لاتغير خصال
تسمع اسموع العماء لاكن يبقاء ضرير= تعثر اقدام رجله لانواء الارتحال
لاصار صوت النداء يشبه لصوت الصفير = ومر الجمل قدم عينك مايشيل الثقال
تاكد اجزم بإنك بالزمان الاخير = الي احداثه تراها تمر مثل الخيال
سج القدم دام تقدر في طريقك تسير = لو كان خطوات رجلك فوق روس الجبال
كبر وهلل وصل الفرض وإن زدة خير = وترى صلاة الظهر معروف بعد الزوال
واعرف ترى كل شي ِ يمكن إنه يصير = إلا إنك تعيش وضع ٍ ماعليه احتمال

فايزموسى البشري

يالله يالي جميع الخلق واليها = ياعالم الي بوسط القلب يامعيني
تفرج النفس ٍ هواجسها تجزيها = ماني بسالي لو اجلس وسط ساليني
صلف الهواجس علي الوقت مهديها = وسنيني الي تشيب بالصغيريني
اصغر اهمومي اجبال اطويق تنهيها = واكبر اهمومي بدمي مع شراييني
المر مشروبنا مانذوق حاليها = والحزن معيه على دربي مخاويني
العبرة الي عن العالم مخفيها = اصد عنهم وامش الدمع بيديني
قدامي الطرقة الي شفت تاليها = اجباري ايسار وإلا اجباري ايميني
ماهي بتخمين بينت ٍ شواريها = يدري بها الي يميز بالمضاميني
مشبوبه النار مابه من يطفيها = ومرسومه الخطه الي بين قوسيني
يسوقها الليل والغربي يباريها = اشهور وإلا ليالي يالفهيميني
انفوس عن شفها الاهوب حاديها = تمشي على غير يمه يالفطينيني
ياقربها يوم افكر ياعرب فيها = شده ونزله لقوم ٍ مستشطيني
والي على جنبها والي يباريها = وبه ناس قدامها ايضا مستكنيني
ياسدرة المنتهى يازين طاريها = قدام من هو بغاء عدل الموازيني
ماتثمر الشجرة الي مات مسقيها = ولاترفع الراية الي بين راييني
والنعلة الي تحت رجلين واطيها = مداس لو علقت وسط البساتيني
والليلة الي يجيك القرم ساريها = عبر الفضاء ماركب فوق البعاريني
ماتنوصف والمحلي لو يحليها = يمكن يقولون هاذا رايحن ويني
الناس بفكارها وايضا مخابيها = وافعلها تبين وقت العسر والليني
ابو الحكم بالجهاله رايح ٍ فيها = سبت عناده خسر دنيها والديني
والطرقه الي تتعب رجل ماشيها = الي على غير يمه ماتشقيني
والناس ماحد ٍ بهالدنيا مراضيها =الكل رجال راي وله عناويني

فايزموسى البشري[/poem]

الي يجي ويروح مثل الرقيعي = لانافع ٍ ربعه ولامنه فكه
يومي براسه وإن زهمته يطيعي = واليا نزرته تبتدي فيه لكه
لاراي لاحكمه ولاهو شجيعي = تجيبه الشكه ويقفي بشكه
يضيق لوهو مع طريق ٍ وسيعي = ويضحك المن هو مع احجاجه يصكه
مايصل اللقماة شخص ٍ وضيعي = ولايشيل الحمل من فيه ضكه
الحر حر ودايم ٍ فالطليعي = والبوم بالاشجار في كل سكه
والي على عمياه مع كل ريعي = يومي بشملوله على كل دكه
بعض الاوادم تقل قطعة رجيعي = لو كان ماهو انسان لاقول ذكه
سني ولاكنه تقل طبع شيعي = ابعد عنه لو كان في وسط مكه
خله تحت تدبير رب ٍ وديعي = عده رصيف او تقل قطعة ابلكه

فايزموسى البشري

الله واكبر بعد شبعت رز ومضير = تبي تسوي بها فزعه وراع احسنه
من مد لك راس ماله مادراء إنك حقير = يوم ٍ حاجتك لجل المال متمكنه
اليوم عن كلمة المعروف تي تستدير = تعكس حقايق وقولك كيف ماتثمنه
صحيح فيه ادمي يعيش مثل البعير = يمكن خساره ببعض الناس حتى كفنه
ماسبب الخوف بين الي بهم دوم خير = إلا مثل هالنمونه خسر من يضمنه
احد ٍ بفعله كبر وحد ٍ بفعله صغير = وكم من كبير ٍ فعوله دايم اطمنه
احد ٍ بوزنه ذهب وحد ٍ بحبة شعير = كل ٍ بفعله رجال المعرفه تازنه
والي على السير يدهن له ودايم يسير = لابو وجيه ٍ عليها تخيم المسكنه
الرجل لاصار ماهو مثل سيف ٍ شطير = لاقال له قول لايرجع ولايدفنه
منطق لسان البنادم خير وإلا نذير = وافعاله ترجم اللنياته ومعدنه

فايزموسى البشري

سكر وضغط وكثر هم ٍ وهوجاس = عزي لمن هو في حياته جمعها
لاوافقت فقر وغلاء اسعار وعماس = ووجيه قوم ٍ مايميز ورعها
يآخرزمن يامكثر وجيه الافلاس = الي علينا وجهة وش دفعها
ياكثر من وقف والارياق يباس = يصفق كفوفه في بعض ثم جمعها
جمعة فلس حيره بعد طق الاخماس = وتصلفقت قدمه و ون وجرعها
كم واحد ٍ يمشي وهوفيه وسواس = يسج حتى بركعتين ٍ ركعها
يشرب مرار الفقر كاس ٍ بثر كاس = ويجامل العالم حسب مجتمعها
الفقر له ضرب ٍ مثل ضرب الامواس = لاو الله اقوى كم جموع ٍ مزعها
الارض لله والسماء مالها ساس = من فوق راسي جل من هو رفعها
يا اطهر بقاع الارض ياقبلت الناس = ياديرة ٍ نموت فيها ومعها
يبقاء غلاك بداخل القلب مايداس = الله خلقنا والمحبه زرعها
ياموطني وشلون صرنا بلولاس = فقر وبطاله مالقينا سنعها
انقل ملفاتي تقل وجه عساس = به شخص يرفضها وشخص ٍ نقعها
هذا الصحيح الي ماهو قول هلاس = الي على ماراد غيره شلعها

فايزموسى البشري

بسم الله الرحمن الرحيم

ياونتي ياعذابي زاد غربالي = تجمع اهموم جعل الله يفرجها
ياوقت يالي صفيت الكل دجالي = قلي متى الارض تصفي في مدارجها
ياكثر مايصير مايخطر على البالي = اتفتح انفاق ٍ وتغلق مخارجها
والله مالوم من ذب الخلا الخالي = عن موقف ٍ يكتم انفوس ٍ ويحرجها
ابكي زمان ٍ به الرجال رجالي = وإن كان خربت اخيوله قام يسرجها
ماهو زمان الثعل والبوم متعالي = الي بعمايه في عمايه يدرجها
البر مستاسر ٍ في حرب وقتالي = وحتى البحور اشتكت كثرة بوارجها
الهم له فيه اوجيه الناس منزالي = ونفوس من همها الهاجس يهرجها
لو جيت ابا اقول صارت هرج وجدالي = وبانت وجيه ٍ خفيات ٍ معارجها

فايز موسى البشري

بسم الله الرحمن الرحيم

ياونتي ياعذابي زاد غربالي = تجمع اهموم جعل الله يفرجها
ياوقت يالي صفيت الكل دجالي = قلي متى الارض تصفي في مدارجها
ياكثر مايصير مايخطر على البالي = اتفتح انفاق ٍ وتغلق مخارجها
والله مالوم من ذب الخلا الخالي = عن موقف ٍ يكتم انفوس ٍ ويحرجها
ابكي زمان ٍ به الرجال رجالي = وإن كان خربت اخيوله قام يسرجها
ماهو زمان الثعل والبوم متعالي = الي بعمايه في عمايه يدرجها
البر مستاسر ٍ في حرب وقتالي = وحتى البحور اشتكت كثرة بوارجها
الهم له فيه اوجيه الناس منزالي = ونفوس من همها الهاجس يهرجها
لو جيت ابا اقول صارت هرج وجدالي = وبانت وجيه ٍ خفيات ٍ معارجها

فايز موسى البشري