ونــــــة خــــفــــوقٍ ؟................................................. ......

واونتي ونت فقير ومنعاق=جار الزمان ولا لقا من يحوفه
ونة خفوقٍ عانقت صدر مشتاق=شكا الفراق وعاندت له ظروفه
يجرها من قاصي الروح بعماق=تسابقت دمعات عينه ذروفه
كل ماذكر له واحدٍ با الحشاتاق=قال الحياة بدون قربه حسوفه
يشكي فراق اللي له القلب تواق= شخصٍ يعزه مار مابه مروفه
انا شكيت المر وامرار ماتطاق=صكات بقعا ماخذاتني بروفه
لومانت ياللي للهواجيس ترياق=يمدي ذهب عقلي وصرت مخفوفه
لكن وجودك لاحلي مثل براق=صدوق نوه مهملاتٍ طروفه
امطر ونبت العشب مخضر الاوراق=دوب النسيم بلفحته له يلوفه
وانا فؤادي مشرقٍ منك اشراق=غلاك نساني زمان الكلوفه
والله ماحيٍ على خافقي واق=وإني لموت ولاذكر من يشوفه
وثقت لك ودك بقلبي توثاق=نقش على عرش المحبه حروفه