سلام الله سلامٍ يفرق العادي من المنتاز

نعرف انك هنا وهناك يافايز ويافواز=واعرف ان الحيا في ديرته ماعنه نشادي
ياراع الددسن اللي مجهرك بالدرب ليت الغاز=علامك كل مايكشح عليك تصيح وتنادي

درينا انك تسويها وتنقز نقزة النقاز=ولاكن ما انت عادي مثل عدي الاشهب العادي
غصون الدوحه الخضراء تحت ان هزها هزاز=ولاكن لاتحاول هزها لو حدك الحادي

ركبت الازرق اللي كل مامر المواتر ناز=آلا وش رايك انك للقعود تحط عدادي
اعشق اثمارها وغصونها ماني لها حزاز=وانا لشفت غادي مامشيت بسكة الغادي

بعد هاذي ترانا ياولد جمران نار وقاز=تعلم كيف تمزح لابغيت اتمازح اشدادي
تغاضينا عن الددسن وجتنا لمزة اللماز=تركنا الاوله وارها علينا قرم الاولادي

علامك تحسب ان الملعبه عصير ابو مزاز=تحيزم والمعارك مابها دله وبرادي
لابالله شبها وبيوتنا ماهي من القزاز=تحدي خذ تحدي بس ماني موس ردادي

مضحي بن جمران

سلام الله سلامٍ يفرق العادي من المنتـاز=سلام من بعده يبيـن المنتـاز والعـادي
وانا ودي اهوز مهجرس اللي قبل ماينهاز=عسانا ناجده ياصحابنا في حلبة المـادي

مهجرس الحرف

هلا يامرحبـا ياللـي تسلـم واركـز المركـاز=على وضح النقاء وان كان خربت مضحي البادي
انا خابرك عاقـل تـدري ان الضلـع ماينـراز=لو انك راس حربـه لاتحسبـه كـورة النـادي

مضحي بن جمران

يدوم ابك البقاء لكنها هوشه بلا حجاز=واظن الجو به غيمه لها بارق ورعادي
وانا مادور الا مثلكم بالطيبـه يمتـاز=ويحسب عن سريه كامله عتاد وافرادي

مهجرس الحرف

ليا دورتنـا مانتقـي دام الحجـاز حجـاز=نبا نقعد معك ونقوم حسب اسلوم الاجوادي
ترانا ياولد جمران نمزح والنفوس اعـزاز=لو ان المزح بعضه شبهوه بشوك الاكبادي

مضحي بن جمران

نعرف انك هنـا وهنـاك يافايـز ويافـواز=واعرف ان الحيا في ديرته ماعنـه نشـادي
ياراع الددسن اللي مجهرك بالدرب ليت الغاز=علامك كل مايكشح عليك تصيـح وتنـادي

مهجرس الحرف

درينا انـك تسويهـا وتنقـز نقـزة النقـاز=ولاكن ما انت عادي مثل عدي الاشهب العادي
غصون الدوحه الخضراء تحت ان هزها هزاز=ولاكن لاتحاول هزهـا لـو حـدك الحـادي

مضحي بن جمران

ركبت الازرق اللي كل مامر المواتر ناز=آلا وش رايك انك للقعود تحط عـدادي
اعشق اثمارها وغصونها ماني لها حزاز=وانا لشفت غادي مامشيت بسكة الغادي

مهجرس الحرف

بعد هاذي ترانا ياولد جمران نار وقاز=تعلم كيف تمزح لابغيت اتمازح اشدادي
تغاضينا عن الددسن وجتنا لمزة اللماز=تركنا الاوله وارها علينا قرم الاولادي

مضحي بن جمران

علامك تحسب ان الملعبه عصير ابو مزاز=تحيزم والمعارك مابها دله وبرادي
لابالله شبها وبيوتنا ماهي من القزاز=تحدي خذ تحدي بس ماني موس ردادي

صحت السنتكم

هذي المحاورة تسجل من ذهب
والله محاورة ممتازة الله يطول عماركم والله رايعين
وان هالمحاورة اجمل ماشهدت وانها تستحق الاشادة
ماقول غير ماشالله تبارك الله انتم تشرفون القبيله كلها
فعلن انتم شعار كبار وانا من هالحين من جمهوركم
ومتابعكم في اي مكان تروحون له الحقيقه من شدت اعجابي
في هالشعر الجميل ماعاد ادري ويش اقول
ولكن الف الف مليار مبروك لكم التميز
تقبلم خالص احترامي لكم وتقديري واعجابي

انا ماني عنيدٍ يطمر الجرفان والاقواز=اليا قالو تحدي شاف نفسه ماله ملادي
امشيها حسب عرفي واسد السمع عن ماجاز= واقدر واتحاشا صحبة اللي يحدر الوادي

صحيح ان المثل يقول سيب الخبز للخباز=ولو هو شاركك في نصف خبزك بعد ماجادي
وعن حزب الفضيله ياجمل ماودنا تنحاز=ودرب الغانمين ايمين وش بك عنه متحادي

ابو فارس ابصم لك بالعشره على الابداع والتميز واللعب معك مايمل يامهجرس الحرف وانا الكسبان الاول والاخير مع الاحتكاك مع شاعر متمكن مثل شخصك الراقي واشكرك جزيل الشكر واستبيحك العذر عن اي زلل كبير او صغير والطاروق شاب يابو شنب والرد الختامي عندك ولنا ان شاء الله لقاء اجزل واثمن والله يحفظك ويرعاك

	المشاركة الأصلية كتبت بواسطة منصور الغيداني

	صحت السنتكم هذي المحاورة تسجل من ذهب والله محاورة ممتازة الله يطول عماركم والله رايعين وان هالمحاورة اجمل ماشهدت وانها تستحق الاشادة ماقول غير ماشالله تبارك الله انتم تشرفون القبيله كلها فعلن انتم شعار كبار وانا من هالحين من جمهوركم ومتابعكم في اي مكان تروحون له الحقيقه من شدت اعجابي في هالشعر الجميل ماعاد ادري ويش اقول ولكن الف الف مليار مبروك لكم التميز تقبلم خالص احترامي لكم وتقديري واعجابي

لاهنت يامنصور الغيداني والذهب معدنك الثمين
اشكرك جزيل الشكر والاشاده منك وسام على صدورنا نفخر ونعتز به
ولاعليك زود يالوافي بيض الله وجهك تشرفنا بهذا المرور النير والمتابعه
الرائعه من شخصك العزيز لاعدمناك سلمت ودمت فالوجود سالم وغانم يابن العم الكريم