ديوان الشاعر... فواز الزويهري

السلام عليكم ورحمة الله وبركاته
أسعد الله أوقاتكم بالنور و السرور و
هذه الأبيات وجهتها إلى أخي وزميلي الأستاذ الشاعر ناصر أبو جدعة السهلي
من سكان الرويضة بمحافظة القويعية ( وهي من المراسلات الغزلية )
أرجو أن تنال رضاكم واستحسانكم

ثم أسأله عن =قلب فالود صاما

سر يانديبي ورد مني سلاما=لناصر اللي حبل وده بريمي
ثم أسأله عن قلب فالود صاما=حتى متى صومه وإلاما مقيمي
ياهل ترى صومه كتاب ولزاما= أو ندب في شرع الموده عظيمي
أمسيت ذيب الليل والطرف شاما=ياشام ياللي فيك مربى لريمي
جرح الحشا حرم عليه المناما=وأنا بعيد الدار والبعد ضيمي
صادقت نجم سهيل نجم الهياما=ياكم عاشق تحت ضوه سقيمي
وأنا ترجى عام من بعد عاما=طفل المها يمسي ويصبح نديمي
القلب للأريام فيفى الخزاما =والطرف ياناصر سحاب (ن) كريمي
سر ياديبي ورد مني سلاما=لناصر اللي حبل وده بريمي

رد الشاعر :ناصر أبو جدعة السهلي

حي القصيد وحي جزل الكلاما=وحييت ياللي فالمثايل غريمي
حييت يافواز نس لالكراما=من بحر جده لين شاطي البريمي
ومن ضلع حايل لين قمة تهاما=ترحيب (ن) أ.كى من هبوب النسيمي
خطك وصلني يارفيع المقاما=وهيض جروح (ن) فالحشا والصميمي
كانك شكيت الود ياما وياما=قبلك من العشاق راحوا حطيمي
مير اعتصم بالله وشد الحزاما=رب (ن) على كل الخلايق رحيمي
شامت خطانا عن دروب الغراما =وبجاه من يحيي العظام الرميمي
وباللي بسط سبع (ن) وسبع (ن) تماما=إن الهوى ياصاح ليل (ن) عتيمي

والسلام ختام

السلام عليكم ورحمة الله وبركاته
مساااااااااااكم الله بالخير والسرور
داااااااااااائما القهوة تحرك الأشجاااااااان
وهذه إحدا الأفكار التي بلورها فوح الهيل ...
الجزء الأول من القصيدة سؤال كالغز أما الجزء الثاني فهو
الجواب...
أرجو أن تنال رضاكم...

ويش حيلة اللي =فتلوله المعاقيل

الله على دله تباها بها الهيل= في جوفها خالط ثلاثين مسمار
تنقض عقود النوم في تالي الليل= يصلفلها اللي ساهر الليل بفكار
يا زياد اببدع كامن الجاش تمثيل= خابرك ياذيب المواقيف كالنار
ويش حيلة اللي فتلوله المعاقيل= يبغى السلامه وضاقت بروج الأقدار
والسم منه وفيه من غير تحليل= وراس البلا حوله غياهيب الأخطار
ضاقتبه البيدا وعلياه بسهيل= الصدر قطميره وجسمه بقنطار
جاوب زياد الحيله فاللي به الحيل= يمشي على امر الله في سر وجهار
إن الفتن تعقل قلوب الرياجيل= والسم فامر النفس لن طعت فاضرار
ومن حوله اصحابه شرار الجهاهيل= واللي يصاحب راعي الطيب بيطار
من أعرض يصيبه من الضنك تنكيل =يضيق صدره مثل ضيقات الاجحار
هذي تماثيلي وللقول تعليل= وذكر الله ابصدري بساتين الأزهار

والسلام ختام

بسم الله الرحمن الرحيم


سبحان من حاز الثنا

[/size][/color]

سبحان من حاز الثنا = رب السماء ربنا
جعل الخطوب ذات باب = وكل باب ذا فنا
أخو السعادة من ملك = مفتاح باب للهنا
ذكر الإله فسحة = للقلب قصد حياتنا
قل ربي أنت الملجأ = ياربي إني من أنا
لاحول لي إلا بك = أنت المتين إلاهنا
ياربي فرج كل كرب = ياربي يسر عسرنا

ودمتم سالمين

أحبائي الكرام كان لي
الشرف ا بأن أواجه وأقابل الشاعر العلم
(قميش القريقري ) حفظه الله ومتعه بالصحة والعافية
وهو رمز من رموز
الكسرة غني عن التعريف
في استراحة الشاعر صلاح المطرفي بالجعرانه وجرى بيني وبينه لحن
سريع جميل أحببت أن أتحفكم به
أرجو أن يحوز على استحسانكم
وكان من بدأ اللحن أنا ( فواز بن محسن الزويهري)
البدع ( فواز بن محسن الزويهري )

ياليت ياصحابنا توفون=وأشكي عليكم بمكنوني
الخوف ياصحابنا تبكون =ويضيع الحزن مضموني

الرد : العلم ( قميش القريقري)

امشي لهم زي مايمشون=لاتسير في اهموم واغبوني
وإن كان في حبهم مفتون=داري معانيك بالهوني

الرد:( فواز بن محسن الزويهري)

القلب من ريمهم مطعون=وون والناس يوحوني
داريت داريت حتى النون=من نونهم منسكب نوني

الرد : ( قفلة ) العلم ( قميش القريقري)

اللي بلمح النظر مسجون=ويقاسي اهموم واشجوني
فالريم سم الأسى مدفون=ويخلي الزول مجنوني

والسلام ختام


ولكم خاااااااااالص التقدير

الحمد لله الذي جعل القناعة كنز والرضى جنة فله الحمد والمنة
والصلاة والسلام على سيد السعداء الهداية المهداة
نبيا محمد وعلى آله وصحبه أجمعين
يوجد في واقعنا من لديهم مقومات السعادة المادية ولكنهم
فقراء من الناحية الروحيه فهم تعساء أشقياء
ويوجد من هم فقراء ماديا ولكنهم أغنياء روحيا
فهم راضون سعداء
والذي حاز الكمال البشري من كان غني الروح والمادة معا ...
هذه الخاطرة المتواضعة في هذا المعنى النبيل
أرجو أن تنال استحسانكم

إن الرضا عيش الهنا=والسخط مفتاح الفنـا
إن حلت الأقدار قـل=لك ربنا كـل الثنـا
تكـن سعيـدا دائمـا=وبالقناعـة ذا غـنـا
وكل مـا إصلاحـه=بالمال أمـرا ذا دنـا
إن اللبيـب العـاقـل=من صد بالمال القنـا
المـال يفنـى ففنـه=في درء مفسدة العنـا
والحمد حمدا و افـرا=لله قـل يـا ربـنـا

أقبل في ما أقول النقد والتوجيه
ولكم خاااااااالص التقدير

مقتبس من مشاركة ( الزويهري )


دار هذا اللحن بيني و بين اخونا الغالي .. فواز الزويهري

بعيدا ً عن أجواء الملتقى

تحت القمر ... و على شاطى البحر ... و برفقة برّاد الشاهي

مع نسيم الليل ... فقال .. عندك و الا عندي ..

فكان حديثه هي نقطة البداية في هذا اللحن .

البدع مني ... و الرد من فواز

هات القلم بكتب الكسرات = بريّح النفس و أرضيها
يا علّها تخفف اللوعات = و ألقى مداوي يداويها

هاك القلم و اشرح الحالات = و احروفك احذر تغبيها
أنا طبيبك على الهقوات = و النفس نعرف مناويها

في النفس غاية عن الغايات = يا بُعدها يوم تطريها
قدّام عيني بُعد خطوات = و رسم المسافات يشقيها

احذر تمهّل من الصبوات = الروح بالروح ترشيها
ادفع مقدّم مع البسمات= بُعد المسافات تطويها

لا وين وأنا مع الأهات = أبدي و أخفّي شكاويها
الليل يمضي و أنا ما أبات = كِلّي تفاكير أعانيها

شوف البحر تاخذ العبرات = و الروح بالموج وازيها
هذا الهوى عقّب الويلات = كالموج روحك عثا فيها

ما بين الأمواج و الأصوات = و ما بين روحي و معانيها
جيتك أنا طالب الفزعات = انصف و داوي مأسيها

للقلب من جرحكم ونّات = ونّات قلبك أقاسيها
لذلك أوصف لك الوصفات = وصفات يا ليت توفيها

هيّا معي ارفع الرايات = هات النتايج و بدّيها
ارسم و بيّن لنا اللوحات = اللي على الدرب نوحيها

يا صاحبي صاحب الهمّات = الروح واجب تراعيها
بالوصل داوم على الجرعات = اصبر و ربك يسويها

ودمتم سالمين

السلام عليكم ورحمة الله وبركاته

أجواء هذه الأيام لاتعوض في الصباح الباكر بعد صلاة الصبح

وجلسة مع شرواكم عند البل بالدنيا تنشري ....


هذا المبنى في ذلك المعتى

أرجو أن تحوز على رضاكم

ياماحلا غدوه...برفقة مسافير=أهل العلوم الغانمة والملاحه
في هجعة النومان راع المخاسير =اللي صلاته بعد ولاً صباحه
في بيدة (ن) شادت كفوف الغنادير=بيض النواظر واااالفات السماحه
فيها تبختر غاليات المغاتير=أمثال فلك (ن) ماهره بالملاحه
كوم الخواصر يقطر الشمل تقطير=ابشهد ريح العشب فيه استباحه
حالي من الخلفات كسب المناعير=اللي بها النوماس وللبال راحه
في جو يعجز عنه جزل التعابير=فيه السما بالمزن لابس وشاحه
هب النسيم يزيد روحي من الخير=برد وسلام ابصبح محلا رباحه
ياماحلا غدوه...برفقة مسافير=أهل العلوم الغانمة والملاحه

ملاحظة :

الملاحه .... حسن

الملاحه .... بكسر الميم فن الإبحار

ومتم سالمين

	المشاركة الأصلية كتبت بواسطة فواز الزويهري

	مساااااااااااكم الله بالخير يا جاهل بالود من كاسهم ذوق رساااالة موجهة إلى العذااااااااااال أرجو أن تنال رضاكم و استحسانكم يا جاهل بالود من كاسهم ذوق لاتعذلون اللي شكى الود محروق =محروق قلبه يوم جافوه الأريام يا جاهل بالود من كاسهم ذوق =من بعدها تصبح بالاشواق هيَام كاس المحبه ياعذيلي من عذوق= من ذاقه اقسم تالي الليل مانام يجر ونات الأسى حرة الشوق =من ذكرهم يبكي ولوكان ضرغام ولد الهوى مثل الخلوج الشفوق =يموت من كثر التوجد والأسقام ياجاهل بالود...بالك... تجي.. السوق =الا معك قلب يجمل ليا سام سوم الأصايل دايم الدوم مطبوق =واللي يريد الزين بالسعر روَام ياجاهل بالود ذا الود مرفوق= بالشهد والعلقم به العدل وضيام لاتتهم سيد المزايين بالبوق= ما مرك وده يوم شوقك به ازيام عندي دواك إن كان ما للهوى طوق=خذها من اللي يفصح القول باحكام غض البصر تسلم من الود بصدوق =لجل اول التهيام نظرات فرسام لو يذكر المزيون ماحرك اخفوق= لكن شوفه يكوي القلب باجرام هذا كلام الصدق بالقلب مطروق= عاقل مجرب كيف لذات الأيام والسلام ياكرام

........................

	المشاركة الأصلية كتبت بواسطة فواز الزويهري

	السلام عليكم ورحمة الله وبركاته مساااااكم الله بالخير والسرور أبنشد أهل الود كيف الموده أبنشد أهل الود كيف الموده= وامر الجفا سايد على الود مفروض حبل الوفى عجزت يديني تمده =واللي وصل حبله من الود محضوض وانا عطيب الجرح والمر بده= لولا الدوا يالمر لمسيت مرفوض مثل الذي ظامي وعد يحده= لكن فالعد الوبا للفنى قروض ولا كما طير(ن) بعيد مخده =عند الرحيل احدى الجناحين منقوض ولا كما طفل(ن) يتيم(ن) ووجده= شوفت حنون(ن) بين الاحاد محفوض لاباس يا قلب(ن) على الوصل وده= ود الرضيع الديد والنبت للنوض لاقيت من سيد المزايين جهده =مثل الجمال الهيم لموارد الحوض سر ياديبي ووصل الطيب حده= حد الذي من زينه الزين مغضوض ثم بلغه علمي وسلامي ترده =حتى على الجيران بالود معروض والسلام ياكرام

................

	المشاركة الأصلية كتبت بواسطة فواز الزويهري

	السلام عليكم ورحمة الله وبركاته أحببت أن أشارك اليوم بهذه الوصية و النصحية التي خاطبت بها أخي وشقيقي الغالي نواف بن محسن الزويهري وهي خاصة في خطابها عامة في معناها أرجو بها الفائدة لي ولمن خاطبته وللجميع والحكمة ضالت المؤمن أرجو أن تنال رضاكم واستحسانكم جريت صوت تالي الليل معناه= من جوف قلبي للفطين الفهيمي أخوك يا نواف يوصيك بوصاه= أحذر تبات ألا بالاسم الكريمي وأحذر تقول أبوي والطيب يبراه= وأنته كثير النوم عظمك هشيمي لكنَ خلك ذيب يشقى لمبداه= جمع العدا ولاَ على أهلك رحيمي وافخر بطيَب فعلك الطيب منقاه=وأحذر تجاهر بالزلل يالقريمي في وقتنا للشين ياخوي مزهاه=أحذر يغرك ليلٍ أسود بهيمي وأنته سلالة حيد بالعز مرساه= كم واحد فالحيد هذا مقيمي جدك ربا بونا وحنا على ارباه= رباه ماريكن لزين الحطيمي صقر( ن ) على الماجوب للوقت جافاه= وقلبه بعذب العفو دايم سليمي ياخوي منهو يتبع الشين يلقاه=ومن رام صيد الريم يظفر بريمي وخالف هواك إن كان ماطاب مجراه =واجعل لنفسك من هواها خصيمي واتبع نبيك واجعل اخطاك بخطاه=ايسرك اكتاب (ن) بفعلك رقيمي وختامها صلي على اللي رضيناه= على أحمد الهادي الشفيع الحليمي والسلام ختام

...........................