ديوان الشاعر الاستاذ ( صالح الحربي )

	الوافي مايخالف اطباعه ؛؛ ولايقابل الناس بالشرهات وان صافي الوقت ماطاعه ؛؛ دون الوفا يغفر الزلات

	رب البشر كلهم واحد ؛؛ والدنيا تجمع شقي ومرتاح كاس الهنا يسربه واجد ؛؛ ومره يعذب قلوب صحاح

	متوالف امر الهوى وطبعه ؛؛ ماهي غريبه عليه يختال الضيم مهما اختلف نبعه ؛؛ مايورد إلا مرار الحال

	إرقى بفكرك مع اهل الذوق ؛؛ تبني بارض العطا تذكار تصعد لمجد المعالي فوق ؛؛ ترمي علوم الجهل فالنار

	كلفت على حالك المايل ؛؛ واجبرت نفسك على ماتريد لاتظن عرش الهوى زايل ؛؛ ولا حسايف فوادي تزيد

	ارض الموده قليلة ري ؛؛ والقلب يحصد متاعيبه الغدر ظله وسمه في ؛؛ وغرامي الحال راضيبه

	يانجم عالي وكيف ارقاك ؛؛ وديار خلي قريبه منك قله صويب الهوى يرجاك ؛؛ يهلك ولا احد يرده عنك

	ياآسر القلب حلفتك ؛؛ حبل الموه معاي تشد ظلمت روحي وانصفتك ؛؛ حتى بمنامي عليك انشد

	قدمت قلبي هديه لك ؛؛ خاطر عيونك عليه يآمر حرصك تخونه ترا يهلك ؛؛ معروف غدر الهوى كاسر

	برسل عتابي مع التقدير ؛؛ عذاب قلبي قريت وعده عطني إفاده عن التقصير ؛؛ غصن الموده ذبل ورده