ديوان الشاعر//غالي ربيعان الحربي

البدع مني

الحمـد لله والشكـر والثنـاء لـه=افرح بها صحابي وزعل بها عـداي
علمن وكـاد ونافـي(ن) للجهالـه=ابشـرك بالطيـب يافالـح الـراي
قريت مضمون وحـروف الرسالـه=واستبشر الخاطر وضحكة لها شفاي
طيب الفتى لاشك من طيـب خالـه=لن كان بقبالن ولـن كـان بقفـاي
عدالوفاء للرجـل هـوراس مالـه=وانا بعده ديـن يبقـى بـد نيـاي
والرجل ما تلحـق يمينـه شمالـه=وانته عزيز وعارفن كـل مغـزاي
الشعر لـه حـزه ولاجـا مجالـه=ممشاك يعجبني ويعجبـك ممشـاي
دنيا العنـا فـي حلتـن وارتحالـه=فيها اغنم الفرصه ولاترقب الجـاي
والرزق ماضنـه يجـي بالسهالـه=والله قسم رزقي وجاني على رضاي
والا مكانك فـي ضميـري لحالـه=متربع(ن) بالقلب يا غايـت منـاي

الرد من الشاعرعبدالله بن عتيق

نثني على الخـلاق جـلا جلالـه=له الثناء والشكر مبـداك مبـداي
والغالي اللي ننشده كيـف حالـه=وان طاب حال القرم شفي ومشهاي
ونواصل الواصل بوصـل اتصالـه=وما للمقفي عندنـا غيـر بيبـاي
انته من اهل الطيب واهل الشكالـه=وانا بعـد هـذا مقـري وملفـاي
وراع الوفا والطيب من طيب فالـه=عسا السعد والطيب سعيك ومسعاي
عضدك وزندك والجزالـه جزالـه=حروت هدف معناك دققت مرمـاي
وقاف القصيد اجاوبك مـن خلالـه=ورضا مثل شرواك قصدي ومعناي
والأدمي يطـرد معوشـت عيالـه=الرزق مشقي كل خلق الله اشقـاي
كلن يجي رزقه ولـو مـا عنالـه=رزقه يجيله غصب لوهو بمخبـاي
واللي يـروح يعـوض الله بدالـه=وبا الله رجا شروا جنابك وشرواي
ودوام حال المرء شـي استحالـه=والدهر له سطوه ومخلاب وهـواي
والطيب يبقـى والوفـا والجمالـه=ودامك بخير افلحة يا فالح الـراي
والله يديـم العـز لهـل العدالـه=وعزيز قدرك والوفا غايت امنـاي

دايم بذكرالله رطب لساني=فيه ابتدي قولي وفيه اتمه
لاشك بأن العبد عمره فاني=وان مات ما تعرف فصيلة دمه
نادو ولد عبدالله البدراني= محمد اللي كل همي همه
مكانته عندي مكان اخواني= انا أشهد ان الطيب كله لمه
شفقن على شوفي وانا شفقاني= في خاطري قدرومقامه قمه
عداً عذي يروي الضمياني= عذباً زلال مرتهي فالجمه
بشكي عليه صويحباً شقاني= والزين كله في عيوني خمه
ماله حلي في عيوني ثاني= لاشافني رحب ولو مع عمه
وانا ليا شفته نسيت احزاني=من الفرح في داخلي با ضمه
فيه الجمال اليوسفي رباني =ورث الحلا والزين من يم امه
بسباب ريحة عطره الروحاني=يغمى علي وافوق يوم اشمه
وشلال شعره كاسي الامتاني=ليا انتثر ياصل نهاية كمه
وجهه وخشمه والعيون تعاني=من الثام اللي تحته مطمه
له مبسمن مثل الجمر فتاني=والنهد دوبه بادياً بالزمه
والخصر كنه خاتم سليماني= واللي بقى ياصاحبي ما ذمه
تكفى يابن عبدالله البدراني=ياكيف ابصله والعرب ملتمه
شورك ورايك لاوصل كفاني=شوراً يكفي عن جميع الامه
ودايم بذكرالله رطب لساني=فيه ابتدي قولي وفيه اتمه

الرد من الشاعرمحمد البدراني

بسـم الألـه الواحـد الرحمـانـي=ابـدى بذكـر الله كــل مهـمـه
والعمـر فانـي لكـن البرهـانـي=توخـذ فصيلـة دم حتـى الرمـه
ولبى المنـادى يـوم هـو نادانـي=لو كان زيـن القـاف كلـه طمـه
مثل الجمل واحصان وابن حصانـي=اسمه ووصفه دون كسـر وظمـه
غالي وغالـي هـز لـي وجدانـي=يصـوغ قافـه والامـام اي إمـه
لـو يستمـع قافـه امـام ايرانـي=غنـى بيوتـه ثـم طـش العمـه
ثم جر صوتـه باعـذب الالحانـي=حيثـه يوّصـف لأمهـات ازمــه
وعن هالهدف لو حط لي نيشانـي=عيـبٍ عليـه فكرتـي ماتـزمـه
لكّـن عـن نيـة صحيبـي مانـي=متعـذرٍ عـنّـه ولا لــي يـمـه
معه معه لـو كـان يامـا كانـي=وقـتٍ مضالـي حالتـي منسمـه
اشعلت قلبي شوق ليـن اشجانـي=وقلب المشقى عايـشٍ فـي غمـه
واليوم عنه انحيت وهـو خلانـي=ماعـاد هـو يمـي ولانـي يمـه
درب الهـوى ياصاحبـي عنانـي=وشوري عليك البير غيـر اتدمـه
والطف ليا وصفّت غصـن البانـي=مـن شـان ترحـم عالـمٍ مأتمـه
فيـك انـت يـا مبـدع ويافنانـي=لامن وصفت اللـي تنـادي ممـه
من زين وصفك تذهـل الشيبانـي=وتفتن بهـا اللـي لابـسٍ معمـه
وكانك ملّزم غيـر اسـوق العانـي=واقـول دن الجيـب لـي وحمـه
وتاصل ال شفك غصب والا احساني=بس انت سم صويحبك لـي سمـه

مدري صباح الخير والا مسا الخير=بس الوكاد الخير كله حضورك
قدرومقامك يالغلا عندنا غير= اما تجي والا لزومن نزورك
ان جيتني بفز لك فزة الطير= بحساس وشعوراً يلامس شعورك
ون جيت لك يالترف في حزة عصير= انا بدوري وانت طبعاً بدورك
اطو المسافه بيننا طويت السير= عل الجمال اللي مسبب غرورك
يبري جروح مثبتتها التقاريرر=حيث ان سروري من دواعي سرورك
ونفسر الاحلام يالزين تفسير=واطيع شوري ثم انا اطيع شورك
من بعدها بقول تمسي على خير= اخف الجمال اللي مسبب غرورك

ياللي تقول انه كسا راسك الشيب =وعندك سؤال ما احتوته الاجابه
عن د وحتن بالقيظ وقت الملاهيب = كلاً قلط في ضلها والتجابه
يوم السنين الممحله والمجاديب =يوم ان حر القيظ يطرد سرابه
كم واحدن دارة عليه الدواليب =اقفى وبه جرحاً عميق صوابه
مزارق رماح وسيوف ومشاهيب = وماكل فارس مقتدي يقتدابه
لاجاء نهاراً فيه جرد المحاديب = الا شجاع جوده من نصابه
شمس النهار اليا شرقت لازم تغيب = واليا غربت كلن دبشه او زهابه
مابه امان بليلة يقنب الذيب = ان لم تكن ذيب كلتك الذيابه
احدن محله في علو المراقيب = واحدن تسهل في مفيض الشعابه
وحنا تخيرنا خيار المكاسيب = حيث ان لنا قدر و مقام و مهابه
نحسب ليا من جاك وقت المحاسيب =وكلن تعزوا نعتزي من شبابه
من خلقت الدنيا وحنا معازيب = لا السلم سلم وللحرابه حرابه
تاريخنا ما فيه شك ولا ريب = وكلن مدون ما مضا في كتابه
ناخذ ونعطي مع هل الطيب بالطيب =وراع الردا يبقى الردا دون بابه
كم غايب يحسب وكم حاظر يغيب= وان غاب محدن ناشدن عن غيابه
الموت حق ولوعن الموت تجنيب = تجنبو عنه النبي والصحابه
جاك الجواب اللي يلب المطاليب = من واحدن لا من بغا علم جابه
من دون ربعه يرخص الروح والجيب=اللابه اللي تنحسب خير لابه

شـفـت الـثــلاث الـلــي تـعــدن ورانـــا=المـتـرفـات الـلــي عـلـيـهـن بـنـاطـيـل
الـلــي يـابــو نـايــف حـلاهــن كـوانــا=بـرمـوشـهــن الـفـاتـنــات الـمـظـالـيــل
عـفــنــا بـسـبـتـهـن نـكــمــل عــشــانــا=كنـا يابـو نـايـف ســوات المساطـيـل
من يوم ما وصلن وجن فـي حمانـا=اسدل ستاره واستحا من هـن الليـل
ودك خـطـاهـن مـــا تـفــارق خـطـانـا=نمشي سوا يمكن نجيب المحاصيل
ون مـا تناسـب مــع هـواهـن هـوانـا=مـــا ينـمـحـي كـــل الـلـيـال المقـابـيـل
احـسـن عـزاهـن يـحـسـن الله عـزانــا=ويبقـى لهـن ذكـرا لجيـل بـأثـر جـيـل