مع التحيه للآخ بخيتان البشري -----------

صحت لسنتكم وبيض الله وجيهكم

لو الهوى ينقده شمتان= ماكان منهو بليبه شاب
ماتشوف حبل الهوى فلتان= ويخف جلبه على الجلاب

صحت لسنتكم وبيض الله وجيهكم

محمد الكنيدري =
بـبــدي لـــك الـعـلـم يابخـيـتـان = من حال سبب لي الآتعاب
لابديت شوفـي علـى الفتـان = مـايـلـحـقــه لــــــوم بــالاســبـــاب
بخـيـتـان البشري =
لاصرت مجبر ياراع الشان = الاولــــه ماعـلـيـهـا عــتـــاب
وله قسـم لاعـذب الشقيـان = في حُسنـه الفاتـن الجـذاب
محمد الكنيدري =
جـمـعـت ورده مـــن الـبـسـتـان = وكيـفـه مـتـمـم مـــن الـصـبـاب
ومن عاش جوه تحت هتان = كــيــف يـتـقـنــع بــعـــد مــانـــاب
بخـيـتـان البشري =
يكفي النسيم العليل وكان = إن مالـقـت صبـتـه شـــراب
لـو يحتجـز راعـي الـدكـان = بضاعته ما انفتح له باب
محمد الكنيدري =
ابعـدت قلـبـي عـنـه شـتـان = وارتد يشكي هوى غـلاب
ظــر الـثــرى بـــذرة الـكـتـان = تبغى جناها من المغراب
بخـيـتـان البشري =
مابالهوى للقلوب إحسان = اليا درت بالنصيب تصـاب
الـمـعـتــدل جـــــوه وريـــــان = كـل مانـضـج فــرّح الـغـرّاب
محمد الكنيدري =
لــــو الــهــوى يـنـقــده شـمــتــان = مـاكــان مـنـهـو بلـيـبـه شـــاب
ماتشوف حبل الهوى فلتان = ويخف جلبه علـى الجـلاب
بخـيـتـان البشري =
( لو ) وين ماجات (فالنسيان ) = ( جوره وّله والغرام إعجاب )
وكل من جلب من وراه احزان = ثقّلت بحبله يد الكسّاب
بحر الهوى خبرة الربان = فاامواجه الهايجات تذاب
ماتنقذه منه بعض احيان = لو للمخاطر عزمّ ماهاب

اخي وشاعرنا القدير ابو ريان تشرفت بهذا اللحن معك شاعر

ونلتقي على الخير دائماً وكل عام وانته بخير وصحة وسلامة

تحيتي لك وتقديري