ديوان الشاعر / تركــي الجـــابري ( أبووافي )

يابحر أحبك وأزيد أهواك = وتستأنس العين وأسماعي
لاجيت يـــمك وهمي جاك = مـــا كنها شــانت أوضاعي

السلام عليكم ورحمة الله وبركاته
يسعدني المشاركه بهذا المشتكى والرد بيني انا والحظ
واتمنى ان تنال استحسانكم

أبو وافي =
ياحظ مـالت معي منحاس =وأنته ولا دقـت أجراسك
كان الأمل والحصيل أفلاس =أرفع دقايق معي راسك
الحظ =
لاباس يامن شكيت الباس =وأعــلنت بـــــعد الأمل ياسك
عيش الأمل بالحياه احساس =وأرفق ولا تطوي أحساسك

ياموج لاتضايق المركب = خله عليل الهوى يشفيه
ولاتسئـله كيـــف لاتعجب = خـــلك فحــالك ولاتشقيه

ياورد ذابل شتـــات أضناك = بعت الـوفا وأنتهى دورك
في ليل شاحب سمعت بكاك = وأقفى زمانك طفى نورك

دكـــاك دك الأمــل دكــه = من بــعد مــاكــان قـدامي
ولا جيت باب اللقاء صكه = لاويـــــن يا مبعد أحلامي

لك الـغلا والـــغلا دارك = يامن تعلــمت كيـف اتكون
ولاقلت افكر جت افكارك = تسبق خيالي لها مضمون

من خــاطري والــمشاعرفيض = ومن قلب فيه الأسى طالي
من ضيق مدري نحيب وغيض = دونتــها والفــــضاء خالي

أخذت لوحه نقشت حروف = مضمونها سيرة الذكرى
وقدمتها مع زهر مقطوف = وأثــره لايـــكتب ولايقرى

السلام عليكم ورحمة الله وبركاته

يسعدني المشاركه بهذه الخاطره المتواضعه

هذي ليــالي مساها غير ------ مادام طيفك قمر فيها

مدري أقولك صباح الخير ----- ولا مسا الخير يكفيها

روح المعاني شعور انسان = مضمونها في خواطر بوح
آهــات فيـــها العنــى كتمان = والجرح في ظلها مسموح