كنت احسـْـبه حر واخطيت القرار - واحسب انه ذيب لاشك بقــــــــــــ)

	المشاركة الأصلية كتبت بواسطة سيف الهويملي

	هب عينه كنها تقـدح شـرار لاهجدني ثـوّر الارض غبـره : . من الجميل بكل صراحه عندما تكون القصيده واضحة بجميع مفرداتها ، ولكن المعنى لايدركه إلا من يتذوق الشعر الحقيقي ، وإن لم يصل إلى المعنى الصحيح للقصيده ، فإنه يوجه القصيده نحو المعنى الصحيح حتى لو لم يصله وانا من عشاق القصيده السهله في التلقي ، الصعبه في التحليل . ولا يستغرب الابداع من اهل االابداع فـ شاعرنا القدير بدر يتميز بإنتقاء المفرده وصياغة المعنى وتركيبة الابيات فصح لسآنك بحجم شعرك مبدع دوماً وابداً

شاعرنا العذب سيف الهويملي ..
هلابك ويامرحبا بحضورك المشرف المخجل ..
فكلماتك كبيره جدا وتنم عن حس نقدي عالي تجعلني اقف
حائرا كيف الرد عليها بما يليق بها ..
صح بدنك والف شكر على حضورك الرائع العذب
كشعرك الرائع دوما ..

	المشاركة الأصلية كتبت بواسطة بدرالهبيري

	صاحبي له عام ليله والنهار=يشتكيلي ضيق صدره وعـْبَـرَه لاغفت شمس النهار يجيه زار=تقل بينه صار والموت شْـعـَـرَه هب عينه كنها تقدح شرار=لاهجدني ثوّر الارض غبره قلت اظن اسباب همه والدمار=ضاق من حاله ويبغاله مره واثره المبدول فتـّـاق الـصـّـرار=شاعب ركابه على ضوح كـْدره مودعن نفسه على جرفن هيار=وان تكلم مابهرجته ثمره لاتعافا من بلاويه استدار=لين يرجع للمضرات جهره كنت احسـْـبه حر واخطيت القرار=واحسب انه ذيب لاشك بقره لـ اونس الصحّـه مع الغرّه يغار=كبْـرت جنوبه وجانا بهدَره والنهيق يلازمه مثل الحمار=ماتقل ماضيه شهقه وزفره وان بداله من شقا الدنيا سمار=لينة الهرجه ردفها بجعرَه عايش الدنيا على نفس المسار =ولايزين الا ليا جته سدَره ليت ماينساه قصـّـاف العمار=بالخطوط السايره حدر كــْــفَـرَه أو مع المفرق على خط المطار=صادمن عمود اناره وشجرَه

هذا صاحب سؤ ههههههههههه لكن الحل عندي
طال عمرك كلبشه قبل تغيب الشمس

وصك عليه بسجن انفرادي

عندي صاحب مشابهه لاعادة من صحبة


صح السانك حتى ترضى يا بن العم
والله يعدلها

وسع صدرك يا جبل

صح لسانك شاعرنا مبدع الله لايهينك....

بدرالهبيري
صح لسانك ودام ابداعك
مبدع بكل ماتكتب
لاهنت وعسى عمرك طويل

	المشاركة الأصلية كتبت بواسطة العطيب

	هذا صاحب سؤ ههههههههههه لكن الحل عندي طال عمرك كلبشه قبل تغيب الشمس وصك عليه بسجن انفرادي عندي صاحب مشابهه لاعادة من صحبة صح السانك حتى ترضى يا بن العم والله يعدلها وسع صدرك يا جبل

هلابك يالعطيب ولاهنت على حضورك يالغالي ..
هههههه دائما ردودك تضيف للقصيده نوع خاص لاتزين
الا بها والله يالعطيب تحليل رائع جدا والله يجعل هالنوعيه
بعيدين عنا وعنكم ويقلع ديارهم ..
صح بدنك ولاهنت على حضورك الرائع ..

	المشاركة الأصلية كتبت بواسطة شموخ الاصيله

	صح لسانك شاعرنا مبدع الله لايهينك....

هلابك شاعرتنا شموخ والله يسلمك على حضورك الجميل ..

	المشاركة الأصلية كتبت بواسطة تركي العماني

	بدرالهبيري صح لسانك ودام ابداعك مبدع بكل ماتكتب لاهنت وعسى عمرك طويل

صح بدنك ياولد العم وحياك الله ..
الابداع تواجدك يالغالي وتواجد مثلك وشرواك ..

صح لسااااانك مليووون وبيض الله وجهك

قصيده جزله في غاية الروعه والجمال والابداااااع

الله يعطيك العااااافيه دمتم ودام ابداااااااااعك

ودي واحتراااااااامي