ديوان ألغاز / فايزموسى البشري

لقيت لي بنت ٍ لها قدر ومكان = تاخذ وتعطي والجميع يزورها
سالتها يابنت حقي من زمان = معطيه ابوك ولا نطق حنجورها
كم واحد ٍ جاها وروّح ماستعان = وكم واحد ٍ تعطيه من ميسورها

فايز موسى البشري

لقيت رجل ٍ يقطع الدرب مدفوع = خلفه ثلاث ارجال ويكاونونه
في حكمهم يمشي ولاهو بممنوع = ولا يدل الدرب لو يتركونه

فايزموسى البشري

اربع رجال وكل واحد بديره = والي تنصاء واحد ٍ ماوصله
على ظهر بنت ٍ تحث المسيره = ومكانهم كل الاوادم تدله

فايزموسى البشري

ياويـش بنـت ٍ وقفوهـا علـى حيـد =من دونها الموت الحمر من وراها
مـاظـنــتــي يـجـيـبـهــا كــــــل رعـــديـــد = وكــم واحــد ٍ حــاول بـهـا مـاقـواهـا

فايز موسى البشري

ياويـش رجـال ٍ يذّكـر ولاشـيـف = الاإن فـعـلــه كـلـبـونــا نـشــوفــه
الــي يجيـلـه مـاذكـره للـعـواريـف =لوتساله مارد لـك عـن اضروفـه
دار ٍ نزلها يبتدي وضعها مخيف =ويرحـل وهـو بالـكـل لازال خـوفـه

فايزموسى البشري

رجــــال راســــه تــحــت راعـــــي رقــابـــه =احد ٍ عطاه يسار وحد ٍ عطايمين
يعـطـيـك عـلــم ٍ مـاوجــد بـــه تـشـابـه =الـيــا سـالـتـه جـــاب كــــل المـضـامـيـن
يــبــيّــن لاكـــــــن يـــســــرع الانــقــلابـــه =هــــــذا عــمــلــه يـافـهـمـيــن الـقــوانــيــن

فايزموسى البشري

ياويش بنت ٍ تضر وتنفع وتنتــــــــــــشر = ولا تضرب إلا على هامات قوم ٍ اكبار
احد ٍ اليا من سمعها زاد حشره حشر = وحد ٍ اليا من سمعها زاد عز وقــــــــار
تعيش بين البشر وتموت بين البـــــــشر = من اربع احروف موجود اسمها بختصار

فايز موسى البشري

مـــدري عـنــه ويـمـرنـي ثـــم كـتـمـتـه =وايضا تـراه يمـرّ غيـري مـن النـاس
يصّـدق ويـكـذب بــس لامــن لزمـتـه = لاتلزمـه مـن غيـر تفصيـل وقـيـاس
به ناس تثني له وناس ٍ اشتمته = ياكثر ماقرّب ومابعّد ارماس

فايزموسى البشري

ويش بنت ٍ ياهل المعرفه ترجع ورا = ماتقدم قدم لو كل رجل يهوزها
غاليه بالسوق ماتباع ولاتشترا = لعوزة كم شخص ولشخص تعلن فوزها

فايزموسى البشري

اللغـز عـنـدي وسويـتـه جـديـد = لقيـت لـي رجـال ٍ تجـره مــره
بقيادة اثنين مع فكر ٍ رشيد = تطلـع وتنـزل وفعـل ٍ نشـكـره

فايزموسى البشري