سلام الله على الجميع

	المشاركة الأصلية كتبت بواسطة محمد عبدالله البدراني

	الله الله اكبرررررررر عزالله فتل ونقض صح صح متابعين لاعدمناكم تحيتي وتقديري

حياك ولاهنت يابو عبدالله

لاعدمنا طلتك وهذا من ذوقك الراقي

	المشاركة الأصلية كتبت بواسطة عبدالله سنيدالحربي

	اجل يابادع الطاروق ردد قافك وغنه=احد يجلس على الكرسي واحد يجلس على الماسه نشف من كثرة الوراد والا واهج الكنه=ونقل لك علمه الوراد والا جيته اعساسه

لقيت بكار وصط الدار معفيه ومستنه =طلبت العقل مار العقل تبغى عقل وسياسه
يجنه من يمين ومن يسار وتفل ينحنه=وانا خايف يروح الذود ويرجع يعلن فلاسه

صحت السنتكم وبيض الله وجيهكم ولاهنتم

	المشاركة الأصلية كتبت بواسطة مضحي بن جمران

	صحت السنتكم وبيض الله وجيهكم ولاهنتم

ياهلا يا الطيب حضورك شرف واشادتك وسام لاهنت

الله الله

صحت الالسن


متابعين للمبدعين



تحيتي وتقديري

	المشاركة الأصلية كتبت بواسطة ابوخالد الفريدي

	لقيت بكار وصط الدار معفيه ومستنه =طلبت العقل مار العقل تبغى عقل وسياسه يجنه من يمين ومن يسار وتفل ينحنه=وانا خايف يروح الذود ويرجع يعلن فلاسه

بكارن يتبعن لجرة القلو ويبارنه=وحطه كاسبه حارس وشغله ماهو احراسه
لكن العد الاقصى ردهن لاعاد يردنه=وذاك القلو يافريدي تراني عندي اركاسه

الشعار المكرمين
ابن جمران ومحمد عبدالله البدراني
صحت ا بدنكم وبيض الله وجيهكم ولاهنتم على تواجدكم ومتابعتكم مطلب الجميع

ياسلام ياسلام


محاوره هادفه وبعيدة المددددى


لاعدمناك


تحيتي وتقديري

	المشاركة الأصلية كتبت بواسطة عبدالله سنيدالحربي

	بكارن يتبعن لجرة القلو ويبارنه=وحطه كاسبه حارس وشغله ماهو احراسه لكن العد الاقصى ردهن لاعاد يردنه=وذاك القلو يافريدي تراني عندي اركاسه

لعل القوم تاخذهن نقلناهن على دنه =ولكن ضيقن بالي وراسي عاده وناسه
بعضهن جرب مكروهات والمرتاح يبلنه=ابا اجمعهن وابا طلاهن ولكن ضاعت الطاسه

	المشاركة الأصلية كتبت بواسطة ابوخالد الفريدي

	لعل القوم تاخذهن نقلناهن على دنه =ولكن ضيقن بالي وراسي عاده وناسه بعضهن جرب مكروهات والمرتاح يبلنه=ابا اجمهن وابا طلاهن ولكن ضاعت الطاسه

تعدني مع الخط السريع اسمع لهن حنه=وراعيهن يباريهن حزين وزاد وسواسه
انا في عرفتي ياصاحبي وافق طبق شنه=واناوانته ندبس فمّه وفمها بدباسه