يا الغامدي نسري سوى

كيف ستكون محاورة البدراني و الغامدي
لو استمروا على بحر و وزن الوسيمه؟(بشيء من التصرف):

البدراني:

يالغامدي مغير انا و انته سوا= و الناس في افريقيا متفرّجه
هيا معي نمشي الى عيون الجوا= لد النظر ليّه و مخّك برمجه

الغامدي:

احذر تدوج اليوم في وادي طوى= و الخيل يالبدران ما هي مسرجه
الذيب يالشاعر الى منّه عوى= الزم لك المحراف و احذر تحرجه

البدراني:

الغامدي في حفرته لا من هوى= ربك يعينه، من هو اللي يخرجه؟
الذيب مثلي ما يسلم للطوى= و كل الذيابه من طرفنا مزعجه

الغامدي:

الحربي ف ذا الليل ظني ما قوى= و ان ضاقت السكه بربي يخرجه
الحربي لو يسرح بعنزٍ ما ضوى= رجله ورا ضلعاننا متحلجه

البدراني:

رتبة صبي غامد ترا ما هي لوا= جندي سعودي و العريف يدرّجه
البل معنا يوم هي ما تنقوى=بدياركم، و اضو البقير و سرّجه

الغامدي:

لا يالعريف اللي بعمره ما ارتوى= و الناس حوله كلها متبرّجه
حنا هل الميدان، ممهون الثوى= و انته تجيب من القصايد اسمجه

البدراني:

استسمح الغمّد ترى الظبي انشوى= أنا قنصته يوم خالف منهجه
اليوم يوم اني مسكته و انزوى= ضبٍّ يكوش و كوشته ما تفرجه

الغامدي:

الصقر ما ينصاد و لا له دوا= مير اترك مهايطك و خل العربجه
و ما اخطيت اذا محمد بشعري انكوى= مغير ناسٍ توّها متخرّجه

البدراني:

الصقر شاف عقاب فوقه و انطوى= و انا لعبت اللعبه اللي مدرجه
يسمع عدود اهل الروى و لا ارتوى=و اللي يعاند صار روس مدرحرجه

الغامدي:

عقابك ترا ما دل سكته و غوى= و اظن شعري حاك في الصدر أنسجَه
حتى ثمر واديك توّه ما استوى= شب اللظى بك ثم زاد العجعجه

ارجو ان يتسع صدرا الشاعرين لهذه الدعابه الهادفه

و لكم تحيتي و تقديري

ماقصرت بيض الله وجهك اوفيت وكفيت

بارك الله فيك يالصيفي

والضيف بحكم المضيف