ديوان الهيثم

شجرة وفاء من بذور الحب=من ودنا جات شتلتها
شربت زلال المطر من سحب=وعروقها افطيب خصبتها
ترعرعت بين بعد وقرب=ثم اشمخت في علاوتها
في ضلها كم لعبنا لعب=وأجوا ءنا في هداوتها
تدرق لنا الشمس شرق وغرب=وتلمنا تحت ضلتها
حتى ورقها علاج وطب=وعطور ياطيب ريحتها
ياللأسف كيف جالك قلب=تنسى لها كل وقفتها
تقصها بالحديد الصلب=وتهدها بعد شمختها

ذكراك ولله تسليني=وأطلالكم عبرت تعبير
شيصير لو شافتك عيني=تطلع جناحين لي اطير

أضرب مثل وأتغنا به=وأسلي القلب واداويه
وأقطف من الورد وأنصابه=كل الذي شاركوني فيه

الهيثم=
الف فالملتقى وأشوف=من بعد ماغبتلي مده
الكل يشكي عنا وصلوف=من حبهم يشكي الشده
العطيب=
طبع المحبين والمالوف=كلٍ دموعه على خده
لكن وش جاك يالملقوف=تبحث وراى من خفى سده؟
الهيثم=
مدام رجعت على المكشوف=تتعب ولايمكم لده
شايب وعقلك طلع مخفوف=جيت البحر مامعك عده
العطيب=
من مثلكم ما ضربنا خوف=وجزل المثل عندنا مده
نصرف لك جنيهنا المصروف=وانتم عليكم لنا عده
الهيثم=
من مثلنا وجهكم ملفوف=وان شفتني جاتكم رعده
وقتن مضى ياعليه احسوف=ايام نربطك فالصده

الهيثم=
سلام ينصى عطيب الود=مدري عطيب المواقيفي
أما طلع فا اللزوم أسد=ولا أحذفه فالمحاذيفي
العطيب=
ترحيب ما له حدود وحد= باللي لفا عندنا ضيفي
عطيب بالزمات اسد = ولا ينحني بالقا سيفي
الهيثم=
عسى البقى ياعريب الجد=راع المثل والتصانيفي
شط البحر أحذره لامد=ان كان مالك مجاديفي
الطيب=
سلمت والطيبه تنعد=من قسمنا بالتواصيفي
ولوكان مد البحر يشتد=تلعب بموجه عواصيفي
الهيثم=
انا انبسط لالقيت الرد=اللي يجيني على كيفي
معادعندك براد وبرد=راح الشتا وأقبل الصيفي

الهيثم=
ســلام فــي بدايـتـه تـعـويـذ=مـن كــل شيـطـان متـمـرد
ومن بعدها نسأل التلميذ=فـن الهـواء لـمـن متعـهـد
تلميذ الكسره=
يا مرحبا نبتدي ونعيذ =من كان فالحسن متفرّد
والله ما عنـــدنا تنفيذ =ولا شفت مكتوف ويحرّد

كـلـفــك فـيـهــم ولـــــي ألأمـــــر=ومن دونهم إنت وش تسوا
مـاهـو كــذا يـاطـيـول ألـعـمـر=أتـعــامــل ألـــنـــاس بـألـقــســوا

قاطع أمالي بكلمةلا=ولانعم مالنا فيها
مدري متى ودنا يعلا=ونعيش فاحلا لياليها

احبهم حب لو وزع=على البشر كان يكفيهم
بس البلا حقدهم مروع=لو انتشر سم ينهيهم

جرحي من الود مايبريه=غير المواصل ومحرمني
باموت وأنا رجايه فيه=مكتوب يارب ترحمني