ديوان -الشاعر محمد الكنيـــــــــــدري

شدو رحلهم فليله سبت = وقفو والاعيان ترعيهم

وعطو مع الليل ذاك الخبت= حتى غنمهم تباريهم

وقفى معهم هذاك النبت= الى سقيته فواديهـــــــــم

يارب مزنه بها لاصبت = وين امرحو غيث تسقيهــم

ياعبيد قفو عن الديره = فى ليل فيه العباد ارقود

ومن بعدهم صرت فى حيره= ودموع عينى عليه اشهود

نسيو لى الحق فالجيره= ماهو فخبري لهم معهـــــــود

لاوين وحنا فطــرد الود = شبنا وشابت مدامعنــــــــــــــا
وشفيه غير الالم والصد = وبخنجر الشوق ذابحنـــــــــا
مثل البحر فيه جزر ومـــــد = يبعد ولااقبل يفرحنـــــــــــــــا
والعمر يمضى بناقص عـــد = وخوف النهايه تفاجئنــــــــا

يرتاح قلبي اذا شفتــــه = واعرف وصوفه من اخوانــــــــه
خمسه سنوات ماعفته = راضى بصده وهجرانــــــــــــــــــه
حتى عيوني مولفتـــــه = مايوم عفلت بنسيانــــــــــــــــــــــه
لو جاني الموت ماخفته= بس ياخذ القلب فأحضانـــــــــــــــه

ليت الهوى ينفتح بابه = وترتاح كل الهواوية
واللى شرب مر باسبابه = ترجع عليه المحنية

ياريم ارفع قــــزاز الجيب = وداري عيونك وخبيها

لو كان فعلى ماشوفه عيب= لاجيك مهما حصل فيها

يازياد والله رفعت الراس = اوعدتنا بالوفاء واوفيت
ياحرب قيمو له الاعراس = مبروك ياحجاب ابن نحيت
مادمت حربي جذور وساس = لنا الشرف وين ماوليت
واللي جنيته لنا نبراس = بيرق بيدكم لنا عليت

تطري عليه مغيب الشمس = ايام ذاك الزمان العـــال
شبه ودلـــــه وبن وحمــس = وتاخذ من الكيف لك فنجال
واقبل علينا زمن باللمــس= مع راحتــه نشكي الاهمــال
وحنا بدو مانحـــب الهمــس = فينا المراجل لهـــا منـــزال

عدي بنا ياهواء عــدي = واعبر بنا بحر اللآمــــك
ماعاد فينا جهد يجــدي = نسهر معك ليل باسقامـك

لاتشن حربك وانا حربي = اناتراني نسل شجعان
ماخوفتي غير من ربي = والآ فى غيره ماخاف انسان