قررب مضحي ابن جمران

	المشاركة الأصلية كتبت بواسطة تركي الشيخ

	صحت السنتكم طاروق ممتع وشعراء مبدعين

بيض الله وجهك يالشيخ

صح بدنك والمبدع تواجدك

ويشرفنا حضورك

عساها لامطرت والسيل منها جاك دفاقي=على هاك الديار ودارجه يروي مفاليها
صحيبي من لقيته للجزيله رجال عشاقي=وفداه اللي تصد وتعطي الوافي علابيها

ياسلاااام ياسلاااام

هلابك يامضحي ومساك الله بالخير يالغالي

جايك الرد بس خلني ابي ارجع لاجواء المحاوره

	المشاركة الأصلية كتبت بواسطة رفيع المقام

	صح السنتكم بارك الله فيكم

صح بدنك يارفيع المقام وبارك الله فالجميع

	المشاركة الأصلية كتبت بواسطة تركي الشيخ

	صحت السنتكم طاروق ممتع وشعراء مبدعين

صح بدنك ياشاعرنا الجزل تركي الشيخ
ولا عليك زود حياك الله وابقاك يابو عبدالعزيز

	المشاركة الأصلية كتبت بواسطة ورقان

	طامي مضحي بن جمران صح الله السنتكم وبيض الله وجيهكم

صح بدنك ياشاعرنا الجزل ابو عبدالعزيز
وجهك ابيض بكل المواقف وحياك الله وابقاك

فدااك اهل الردى اللي مااش لاذمه ولااخلاقي=على ماقيل من يجهل حرار الحوم يشويها
وش اللي بااقيً والخير بصدور العرب باقي=وانا اللي من البطى اخوااني عجزت اصل حراويها

ليا خيرت والا انت المسير خوذ مالاقي=ودروبٍ خالفت وجهتك عينك لاتراعيها
تراء من خلقت الدنيا بها صايد وحداقي=لكن الذيب يعرف للذيابه من يخاويها

هلابك يا مضحي
<<< بلـش

اجل خوذ القضية وخوذ معدالي وميثاااقي=تراي اعرف اكويننا لاجات تمس رجليها
ابي منك الخبر عبر البريد او كيف مارااقي=تعرف الملعبه واسلوبها من كل نواحيها

والنهايه عندك يامضحي
عزالله انك شاعر جزل والحق يقال والله يزيدك

ياطامي والهدف ماهو بمرمى كل تفاقي=ولاكل الرماة نقول صابت في مراميها
يجيك العلم ياللي للمواصل صرت سباقي=حبال الوصل مانقطع معا مثلك عراويها

صح لسانك ياشاعرنا الجزل طامي وانا الكسبان الاول من مجاراتك لاهنت ياشوق البنت والمعذره منك عن اي زله يابن العم الكريم