ديوان الشاعر الاستاذ ( صالح الحربي )

من واحة احزان ماضينا = فموجة الظلم والاهات
لو واقع الحال مرضينا = ياود ماقلت الراحات

النفس عافت كثير علوم = يالود عزيتها مختار
تعبت اساير رفيق اللوم = واعاتب اللي علينا جار

ماكان ودي تفارقني = قدام تظهرلي اسبابه
الدمع فالعين حارقني = والضيم شرعلنا بابه

الفكـر لاخالـف المعـقـول = إحسـاس بالوهـم متـاثـر
ابعد خيالك عن المجهول = مــن يتبـعـه دوم متعـثـر

بالـغ اثرهـا طعـون البـعـد = بالجوف رزت لهـا تذكـار
عايش اماني فظل الوعد = يعود ويرجع عمـار الـدار

الود ساعات الهوى تمضي = بين الحبايب دقايقها
لو ما ظروف الامل تقضي = الآمه نخفي حقايقها

قيلك يخاطب قلوب الناس = ارفع فقدره ياشاعرنا
جملة معاني من الإحساس = فيها نترجم مشاعرنا

سنين الاحباب ناطرهم = الصبر مايرحم المشتاق
حسايف البعد تامرهم = سلطانه مايحفظ الميثاق

خلك بعزك رفيع الراس = لاتقرب الشك والحيرة
ثوب الجميلة عليك لباس = راعي وفا طيب السيرة

مـن ساحـة الـود والآهـات = واقـع مجـرب غزيـر همـوم
اصعب اسا يجلب الونات = فاللـي تـوده يجـيـك الـلـوم