ديوان الشاعر قابل البشري

حــــــرب=
بعد مشينا سـوى فالـدرب = ونـص المسافـه قطعناهـا
فجاءه نحا شرق مدري غرب = واهدافـنـا ماوصلـنـاهـا
الــجــــــمـــــــــل=
مادام مبعد ولا له قـرب = ولاعنه الاخبار جبناهـا
ماهو عدل نظلمه ياحرب = وحكايتـه ماسمعنـاهـا

سجل التاريخ في تسع وعشر =من شهر شوال زاد العيدعيد
ليلةِ ماتنسي طول العمر=باقيه في صفحة العمر المديد
عطرها مقطوف من طيب وزهر=ونورها من فرحة الليل السعيد
بالفرح غنت لسلطان وبدر=وبالسعادة رددت عذب النشيد
مرحبا فيها تراحيب المطر=باعذب الابيات وحروف القصيد
سقتها عني وعن ربعي بشر=وشيخنا فواز بن عبدالمجيد
الكريم ابن الكرام المعتبر=الحكيم اللي على الرأي السديد
وعن أخوه الفارس الحر الظفر=مشعل الميقاف والساس الجويد
بالرجال اللي لهم عزوقدر= مع مرور الوقت ماينقص يزيد
تمت الفرحة مثل وجه القمر=يوم شرفها القريب والبعيد
ومن مشى درب الموافى ماقصر=والوفا فاهل الوفا ماهوجديد
مرحبا وان ماوفت حروف الشعر =الوفا فقلوبنا علمه اكيد

في ليلة الاربعاء الموافق 16/11/1430
وعلى شرف الشيخ مشعل بن عبدالمجيد بن حمادي 00وأخيه ماجد والشيخ صالح بن شلاح
الهنيدسي 00وفي استراحة الاخ وليف الشوق بمكة المكرمة 00
تشرفت أنا واخواني والاخوة ابووائل وابومنى وابواحمد وابوالبخت وابوخالد00بزيارة الاخوة الاعزاء
أحمد العامودي وماجد ابومديدة وفريدابومديدة00وعبد العزيزبنية العروي وسامي الصبحي وجميل الصبحي وفايزبن قويفان البلادي
واحمد الصبحي 00وجمع من الاخوة شعراء واعضاء الملتقى يتقدمهم الشاعر الكبير خيال الشمال (حمدان الحمراني) والشاعر مسعود المعبدي والمشرف العام الاخ ابوفياض النويمي
وهمس القوافي 00وابوفرح وعدد كبير من الاخوة الذين لايتسع المجال لذكرهم 000
الليلة رغم قصرها الا انها كانت مميزة وحافلة بالشعر 000اليكم مادار فيها
[font="comic sans ms"][size="6"][color="red"]1-
============================
2-

محاورة في على طرق المقوصر مع ماجد ابومديدة لم تخل من الملح الشعري كعادة ابوعبدالله00

ماجدابومديدة=
ياسلامي للرفاقة =والحضور الصيرفية
للوفا حمّاي ساقه=للدروب اللي نقيه
قابل البشري=
مرحبا مع ورد باقه=بالرجال اللي وفيه
بيننا طيب وصداقه=بالوفا جزله قويه
ماجدابومديدة=
ليت قابل في سياقه =يوم جات الشاذليه
للهوى يجعل دراقه=بعد مانسنس عليه
قابل البشري=
كب عنك الانطلاقه= خفّف السرعة شويه
انت من فكيت طاقه=لاتحط اللوم فيّه
ماجدابومديدة=
مالنا فالصد فاقة=ةالقلوب اللي خليّه
خلنا داخل رواقه=مالنا ومال الاذيّه
قابل البشري=
مادخلنا في سباقه=لاتبلانا بليّه
شيل حمله والوساقه=والجروح اللي خفيّه

==================================

لحن على طرق المروبع مع الشاعر القدير أحمد العامودي

00

العامودي=
سلام والمعنى نعلي مبانيه=والطيب مايصعب علينا طروقه
حسب الذي مابين الاصحاب نمشيه=ومن له علينا حق نوفي حقوقه
قابل البشري=
ترحيب بأهل الطيب تكمل معانيه= منّا على جزل القوافي نسوقه
والطيب باقي حاضره مثل ماضيه= ومن شاقنا حنا ترانا نشوقه
العامودي=
عسى البقا والطيب معروف راعيه= وانتم وحنا كلنا وسط سوقه
واللي يدارينا ترانا نداريه=والفن تبدا قوته من عروقه
قابل البشري=
الطيب فاهل الطيب تظهر مواريه=مثل السحاب اللي تلامع بروقه
واللي مشى بالطيب كلن يماشيه=والفوز دايم للجياد السبوقه
العامودي=
صادق وقلبي طرف عيني معنيه=واصبح يون ويشتكي من حروقه
كل مارضي دكتوره اللي يداويه=يتعرّضه في سكته مايعوقه
قابل البشري=
راع الهوى دايم طويله لياليه= محروم من حلو الكرى مايذوقه
دكتورقلبك لوتعكّس بياتيه= والحظ يعلن في صباحك شروقه

===============

الجمل=
سلام جينا من الكسرات نحسب ضيوف = ياربعـةِ ضيفهـا بالطيـب تستقبلـه
واجب عليكم بعد جيناتقوم الصفـوف = والشاعر اللـي يقابلنـا نبـا نقبلـه
ورقان=
يامرحبا وياهلا لضيف نذبـح خـروف = ويش عاد لو ضيفنا هو قايـد القافلـه
ماقدمك الا جبل والدرب قدمك حيوف = اسباع راس الجبل حتى الجمل تاكلـه
الجمل=
عسى البقاوالجمل وش حاجته للكهوف =وشعيل معروف دربه ياصله ياصلـه
القول هذا نقوله وانت واقف تشـوف = واللي تحت خفهـا مايلحـق الشاكلـة
ورقان=
ياقو باس الجمل اليا حدته الظروف = والمعركه بينه وبيـن السبـع حاصلـه
اسباع ما تنهش الا بالنحر والكتوف = حتى خفـاف الجمـل ماعـاد متواصلـه
الجمل=
ماقول فالسبع ميرشعيل ماله وصوف = لاهاج وقت الملاقا ضربتـه قاتلـه
والكايفة ماتجي الا بنقش الحـروف = وورقان يقرا معانيها لياجات له
ورقان=
ياشعيل ياللي سنامك زم فوق الردوف= السبع ماتطرحـه بمهابـد الجافلـه
للكايفه كايفة ماشلت هـم و كلـوف = اقرا ما بين المعاني نقطة او فاصلـه
الجمل=
العلم واضح وباين والخلايق وقـوف = واللي تفـرج بعينـه شكتـه زايلـه
يامدور الصيد ياللي في بحرها تطوف = خلك على الحوت لاتقرب من الناقلـة
ورقان=
العلم واضح وباين وانت رجل معروف = اتصلي الفرض ونوب تصلي النافلـه
ومن وين ماجاتنا الصيده عليها نحوف = نحوفها لين تطـرح راسهـا وناكلـه
الجمل=
انابشربك زمزم وانت تبغى الهفـوف = واللي يـودي فروضـه ربنـا قابلـه
واللي قصيره يدينه كيف يصل الرفوف = العادلـة عادلـة والمايـلـة مايـلـة
ورقان=
رحت للماء ونسيت اظن تسعى وتطوف = والناس ادت فروض الحج مـن قايلـه
واللي قصيره يدينه يأكل من الضعوف =وانا يدين طوال ..أمع العـرب طايلـه

"
"
"
"
"
"
"
"
"
"
"
استاذنا القدير مسعود المعبدي 00من ابرز شعراء الكسرة الذين تحاورت معهم 00وقد استفدت
كثيرا من خبرته الكبيرة 00من خلال محاوراتي الكثيرة معه والتي لا تخلو من الملح الشعري00
وربما ذكرني المطر اليوم بهذه الكسرة وردها 00إليكم

مسعود المعبدي=
ياليت رب السحاب يجود = وتسقي مزونه ربوع الخيف
لعل قابل عليه يعود= ونسهر معه في ليال الصيف
قابل البشري=
يسمع لك الرازق المعبود= وتشرب ديار الوفا والكيف
ونفرح ليا جيت يامسعود=صاحب00وجار00ورفيق00وضيف

000000000

	المشاركة الأصلية كتبت بواسطة ماهر ابو خالد

	قابل البشري= سلام للمجتمـع ينمـد = في عدلته ماتجي ميلـه والشاعر اللي يجيد الرد =يقوم واقف على حيلـه ماهر ابو خالد= ترحيب وافي لكم ينعد = يآقف على بابكم ليلـه فالقيل عندي حزام وسد =تعريف يابادع الشيلـه قابل البشري= وافي ودايم على الموعـد = شرواك كيل الوفـا كيلـه لابرق سحاب الحيا وارعد = اخذ المحاذير مـن سيلـه ماهر ابو خالد= مخيالنا يرصد المشهد = والغارق انجيه ونشيله عادات واحنا بها نسعد = من بعد تصدح مواويله قابل البشري= من قام فالعلـم مايقعـد = حتى يصل به مواصيله فالقول خلك معي وارصد = وعطني نتايج تحاليلـه ماهر ابو خالد = التاجر يجول ما يركـد = وما يعطي السوق تمهيله امرتها العين ما ترقـد = ليـن الموفـي نوفيلـه قابل البشري= كيف البصر في عميل الود = يقسى علينا ونـاوي لـه واليا طلبنا وصالـه صـد = واحتال له للجفـا حيلـه ماهر ابو خالد= ابحث وتلقى السبب لابد = من حرفه يبان تأويله ماكل زله عليه تعد = بسياس تلقى محاصيله

ابدااااااع ابداااااااع
وللابدع بقيه ياكباتنه
الله يعطيكم العافيه

"
"
"
"
"
"
"
"
هذه محاورة جمعتني مع الاخ الشاعر فلاح الزهراني 00بمنتدى الفطاحلة
ارجو ان تنال اعجابكم 00

قابل البشري=
ياسلامي على اهل المنتدى بالعموم=ردةٍ تجمع الشامي على المغربـي
من يحب الجزيله للجزيلـة يقـوم=مانفرق يجينا عود 00ولّا صبـي
فلاح منشار=
مرحبا هيل ياقابل عـداد النجـوم=وعد ماسار بالصحراء غزال وضبي
كل غواص في بحر الجزائل يعـوم=يعرف المقديه واهل البلد واجنبـي
قابل البشري=
البقا ياخويي وانت راع اللـزوم=لو طلبت الصعيبة ماترد طلبـي
البلد وحدة وان كان تبغى القسوم=عد دارك وانا داري بلاد النبي
فلاح=
العوارف تجيب الطيب من العلـوم=والبلاد الشريفـه عزهـا مطلبـي
جدي الازد زهراني يرد الخصـوم=حول مكه من الصافي يجي مشربي
قابل=
قلت وانعم وانا حربي قوي العزوم=اسأل الارض والتاريخ عن منسبي
هيه يانجم ياللي في سماها تحـوم=لوتمنيت ماجاتـك علـى ماتبـي
فلاح=
الشبابي نعرّفه دوم يملى الهـدوم=فوق الارياع ماهو باللقاء يختبـي
ونعّم بك وربعك قوم من صلب قوم=وانتبه لالفيتـك فاتلـن لاشنبـي
قابل=
يافلاح الشجاعة والكرم للقـروم=والظفر نحتمي له والشرود يهبي
وانت عمك جمل فالرايحة والقدوم=لاتعنيت دايـم مايضيـع تعبـي
فلاح=
امسك الدرب والطرقه عليها رقوم=فوق ظهر الجمل وغواربه حدبي
انت شاعر محنك بين شم الخشوم=والمواقف تبين حالـة اليعربـي
قابل=
اعرف الدرب عشت الوقت يوم ٍ بيوم=كل رجال له كسبه ولي مكسبي
حاسبٍ للدفاع وحاسبٍ للهجوم=قبل لااشب نيراني حطبت حطبي
فلاح=
دام تعرف طريقك لاتمر الجمـوم=خل مشيك مع الخط السريع اقربي
كل مخلوق رزقه بالحياه امقسوم=واحدن عجل والثاني يجيك ايحبي
قابل=
لاوصلت السراة ولاوصلت التهوم =عشت في ارض جداني وفي دار ابي
ولايدل الدليلة والطريق معلوم = بيّن اهل الكوافي وبيّن اهل العبي
فلاح=
انت ضيف الفطاحل مير بي لاتزوم=خل رميك ثبات ولاتجي المعجبـي
فرق بين الحقيقه ياخوي والحلوم=ولاتطاوع جهاز الحاسب المكتبـي
قابل=
ماتعديت وانته والمحل محشوم=لا الخطا من صفاتي ولا مذهبي
والحقيقة جليه ماعليهـا غيـوم=واضحة للفهيم وواضحة للغبـي
فلاح=

قلي على من بس اشكيك= حتى لعدلك يوصلّنا
احترت كيف البصيرة فيك= لاجيت منا تجي منا

آنا اعرف أن الجفا مكتوب = وادري ظروف الزمن تحكم
لكن قلبي عليل يذوب =افهمه 00بس مايفهم

بعض العرب تحسبه رجال = عليه فاللازمه تحسب
وهو فالحقيقة صفر وشمال= لاهو خسارة ولا مكسب