ديوان الشاعر(بخيتان البشري)

شموخ الحربي=
ملـيـت و الله تـــرى مـلـيـت=مـو منـك مـن كثـر ميلاتـك
تحلف لي تصدق ورب البيت=و تبحـر علـى مـوج زلاّتــك
بخيتان البشري=
مــا ظـــنتي بعــد ذا خـليت=يــا مشتكي سقــم حـالاتك
إن كـــان بـــالود لـه وفيَت=لا تبـــدي اليــاس فـآهاتك

لأجل الغلا محتوي ذاتي = واشواقهم ماعرفنا كيف
يا هل ترى يمنا تأتي = والا اعتبرها سحابة صيف

بيتي وسط موج متحرك=وجيران ليه بوسط الموج
واشوف صُدقان له تدرك=عدوه راحوا لآخر فـوج

بخيتان البشري=
سلام مني عليكم قن= سلام قصة معاه تدور
الشاعر إن كان ما يتقن =النصها لايجي مشكور
حرب =
ترحيب.الامثال مايشقن=الشاعر الماهر المشهور
اعرفك دكتور وانت ايقن=رد المثل صدّره دكتـور
بخيتان البشري=
تبقى وبوجودكـم يرقـن=ومعكم يجي رسمها محكور
هيا استمع حال بي يحقـن=يالشاعر البارع المخبـور
حرب =
(غير الجزيلات مايبقـن)=وحنا ماندري عن المستور
هل انها قلـوب ماشفقـن=بعد اطّلاعي عليك اشـور
بخيتان البشري=
بيناتنا عذبها يسقن = ( لدُرها كل ابونا بحور )
بواخر الهم ماغرقن = فبحور حلمي وزادن جُور
حرب =
في ماد الامثال كم سبّقـن=ترتيبهـا فـاول الطابـور
وبواخر الهم لااصطفقـن=فموج العزيمه.غشاك النور
بخيتان البشري=
تتابعن قبل يفترقن = والبعض عايشتها مذعور
ومن بعد الأجراس ما دقن = بروي لكم من عليه الدور
حرب=
تتابعن بس مافِرّقن=انته لها صقر نسل صقور
لاتهمك عيون ماحقّن=ماانته على اصحابها مجبور
بخيتان البشري=
مداتنا بالوفـا حِرقـن=في نار نقصه وجنّا عور
توثقـن فيـه مالثقـن=قطعه وصل مننا منظور
حرب=
مداتكـم بالوفـا .وثّقـن=ياهل الوفا حافظتها صدور
لكن عشان الوصل .رفقنْ=مثلك يداري على المعمور

بخيتان =
مخصوص قطفه لكم بالذات = إكليل من عالي غصونه
سلام زايد عن الحسبات =وافي ولرجال يوفونه
سرور=
هُذبت بأخلاق كألآيات = والقاف تطربني لحونه
ترحيب غالي وله قيمات = لرجال بالحيل يغلونه
بخيتان =
يامن لكم فالمثل رسمات = لك البقا عز تحمونه
بشكي آسى تحتويه الذات = وافيدنا بعد توحونه
سرور=
ابني فرسم المثل جابات =ليا اتضح منك مضمونه
حالة ذعر فالجسد لي جات = مما تحسه وتخفونه
بخيتان=
هيا استمع مخرج النبرات = يملي لكم حال تقرونه
لي ود فكري معه فشتات = مجنون قلبي مع جنونه
سرور=
ماقصر معاك السعو لحظات = لو الفضا ضاق بي كونه
والود يجني فرح ونهات = والقلب ماعاش من دونه
بخيتان =
تكميل ياراعي الفزعات = لكن وش هو تشوفونه
من ودهم صابني حسرات = والقلب راضي يحكمونه
سرور=
ماحدن من الود في راحات = كل المخاليق يشكونه
عقلك على القلب له بصمات = ياتعذله يأطيعونه

من خوف لاينكشف امره = احترت واخترت مااحُكمها
دفنت وسط الحشا سره = في ارض الأحباب تملُكها

لحظة بها خاطري مشروح= اغنت عن سنين من عمري
ماكني إلا فقيد الروح = من قبلها واستقر أمري

مع راحة البال مارتحنا = ومع إنشغاله شقا بيكون
دنيا بها قِل راحتنا = والكل منها غدو يشكون
والخوف تأتي نهايتنا = ونبكي ولو فوقنا يبكون
إن مالقينا سعادتنا = نلقى شقا بعد مايقفون

وليف الشوق=
يابومحمد ضناني الشوق = كل يوم يزداد في حالـي
عيا معي لوقليل يـروق = ويرتاح من شوقهم بالي
بخيتان البشري=
ارفق على الحال يامخلوق = لاتروح في هجوس وجدالي
حتى معك نجتهـد يـاذوق = عطنا التفاصيـل فالحالـي
وليف الشوق=
قلبي على حبهم معشوق = مايوم عن خاطري سالي
افيدني كامل المنطـوق = اللي منه اقطع وصالـي
بخيتان البشري=
ياستاذنا الشاعر المرمـوق = نحتـاج توضيـح لتـالـي
وش بان في ودهم من عوق = بـدل لكـم كـل الأحوالـي
وليف الشوق=
الود من عندهم مسبوق = ولا يوم من يمهم مالي
كل مابعدناتزيد وثـوق = ويردني غصب لوصالي
بخيتان البشري=
دامه على عهده الموثـوق = وفالقلب والبـال لازالـي
ما لك في هذا الأمر مدروق =إنته مسيّـر فـذا الحالـي
وليف الشوق=
تركت درب الهوى باروق = وابعد ولا قيه في جالي
معاد ليه عليه شفوق = كيف البصيره ولدلالي
بخيتان البشري=
خل المسافات لك فروق = وخله من وجودكم خالي
الوضع يحتاج منك رفوق = لو كان بك المدى طالي
ولاشك من ذا العنا بتفوق = اللي تسبب فالأهوالي
هذا الذي يبعدك وتفوق = كل المصاعب وتنزالي

بخيـتـان الـبـشـري =
شتلتبـي فالهـوى شتلـة=شتلة قوية بغيـر قيـاس
ماكنـي ألا معـك شتلـة=وانتا لها فالهوى غـرّاس
قـابــل الــشــري =
هذا الهوى نقضه وفتلـه=ماله ضمانه ولا مقيـاس
يختلك يابو البخت ختلـه=لوكنت فارس شديد الباس
بخيـتـان الـبـشـري =
ياكم تمـادى بهـم قتلـه=أزمان هو مدهر فالنـاس
ومحال بين البشـر قتلـه=حيثه مشاعر ونبع إحساس