ديوان الشاعر ( حفيد الحجيري )

ارجوك لا عاد تطريني=وأوعدك ما جيبلك طاري
وإن عينكم جات في عيني=با صدّها غصب واِجباري

لا ... تنهي الود ... بالمَرّه=راعي شعور اللذي ... ودّك
مهدّ له ... اللحظه ... المُرّه=لا يطبّ ساكت على ... يدّك

ابو حسن=
من بعد مالاح لي بارق = سلام رده على شانك
واقول لاقاع مايوافق = الليله اللي على بالك
ابو علي=
من حرف وسط المثل شارق=ترحيب من قلب ما شانـك
حكم القدر ما مِنِـه مـارق=لو كنت فارس على حصانك
ابو حسن=
حكم القدر ماعنه دارق = ان جاني والا ليا جالك
وللوقت ماودي تسابق = حشمه لتكميل جيرانك
ابو علي=
لوّ الدقايق لها سارق=سرقتها لمدّة أيمانك
تكميلنا يشمل الطارق=وربعك وشخصك وصدقانك
ابو حسن=
وافين يا بشر من سابق = جداننا وعهد جدانك
ولا شك سبل الوفا لاحق = ولياه لاعارض ازمانك
ابو علي =
وانـتــه فــمــدّ الــوفــا غــــارق=وربعك بحركم و شطآنك
والشـك عــازب ومـتـدارق=لاشــك مــن يـمـة أخـوانـك

الحجيري=
يــابــو مـحـمــد قـلـيــل الــعـــرف=كــيـــف أتـحــمــلّ ردى عـــرفـــه
أصرف جزيل البنا له صرف=وألـــقــــى رديّ الــبـــنـــا صــــرفــــه
بن راشد=
يالشاعر اللي كتبت الحرف=وتطالـع الـنـاس مــن شـرفـه
بنـيـت بنْـيَـك وتحـتـه جـــرف=وطاحت علـى راسـك الغرفـه
الحجيري=
يالمعتـرض ليـش رمشـك رف=الـمــشــتــقــي يــشــتــقـــي طــــرفـــــه
فالجرف تحتي ما لدّ الطرف=آطــــــى وأســـاويـــه مــــــع جـــرفـــه
بن راشد=
ماللردي غير شغل الكرف=لــيـــن ان مـحــرافــه ايـحــرفــه
مادام معكم فتحت الظـرف=والله لأســـــاويـــــك بــالـــتـــرفـــه
الحجيري=
حـــرام فـيـكـم نـضـيـع زرف=والفـارس أهــم شــي زرفــه
واللي فتح لو دموعه ذرف=يـصـبـر وأتربـسـلـه الـذرفــه

حفيدالحجيري=
السيل عن ديرتـه نحّـاه = سببّ له أضرار ما تُحصا
هذا جزى اللي عَمَد ينصاه = والزود ما يقبل النقصـا
عبدالله الفريدي=
الحـر ماينـظـر لمـاطـاه = دايم وعينـه علـى الاقصـا
وسيل(ن) مايمشي على مجراه = يضيـع بالرمـل والحبصـا
حفيدالحجيري=
هذاك لو حـر مـن مربـاه = لكنّـه الحـيّـه العقـصـا
والسيل بعض الرمل ما أعضاه = ماله مع السيل أبـد فرصـا
عبدالله الفريدي=
الاسم والعلـم مايخفـاه = لكن يكابر كـذا يعصـا
يوم استقر الحجر في فاه = اصبح يدور لها منصـا
حفيدالحجيري=
ما ظنّ يخفى عريب الجاه = من دون يُفحص ويستقصا
واللي اخذ درس ما ينساه = بكره لكل العرب قصّـا

الحجيري=
يابو محمد قليل العرف=كيف أتحملّ ردى عرفه
أصرف جزيل البنا له صرف=وألقى رديّ البنا صرفه

بخيتان=
لا جاك يابو علي له عُرف=يكفيك لا بان لك عُرفه
ماعون زاده لقيته كرف=ما فاد لو يمتلي كرفه

الحجيري=
حاولت أسوّي معاه الحرف=لكنّ ما يستوي حرفه
دسم المعاني تجيله غرف=يا للأسف غثّها غرفه

بخيتان=
اقنع وهده هذاك الجرف = وكلٍ يعثره حفُر جرفه
واللي كتبها بوسط الظرف = ماكل واحد قرا ظرفه

لحن تشرفت به مع استاذي ابو علي ( حفيد الحجيري ) في شهر رمضان الفائت
.
.

ابو طلق=
سلام طعمه عسل صافي=وازهى من الورد بالوانه
طيبه من المسك مستافي=ويرد الارواح هتـّانه
ابو علي=
اطيب من التمر لاصافي=من سكريه وروثانه
ترحيب بالصاحب الوافي=اللي على ساس بنيانه
ابو طلق=
تبقى على الدوم متعافي= وتِكتب لكم عالي جنانه
نبغى مراديد خفّافي = يِثقل بها العبد ميزانه
ابو علي=
الله يعافيك ياللافي =ويِكسبك عفوه وغفرانه
معاك في كل مشرافي = قودالمثل وابدع الحانه
ابو طلق=
بعد السعد للسما نافي = وسلّم على نجوم قيفانه
نبغى فغصنين يا سنافي = حِكمة من آيات قرآنه
ابو علي=
كم طرف مبصر وهو غافي = وكم قلب غاويه شيطانه
آيات ربي دوا شافي = تروى بها قلوب ضميانه
ابو طلق=
لعلّها دوم الاجوافي = من منهل الحق رويانه
طمّعتني بطيب القافي = إسقوا من السنّة اغصانه
ابو علي=
السنّة اثبات ما ينافي = كتاب ربي في تبيانه
والمصطفى قوله انصافي =شفيعنا بإذن سبحانه
ابو طلق=
جوابكم وافي وكافي = والحرف يشكر لك إتقانه
عسى السعد فرش ولحافي = يا مِدخل السّعد لاخوانه

.
.
.

ما طبعي أستبدي الزلّه=لكنّ طبعي ما أعديّها
ولكلّ داء طبّ والعلّه=في آخر الطب نكويها

محمد عبدالله البدراني=
الطيب لأهل الوفاء مبدا = مايختلف لو يشين الوقت
والا الردي لو مدح يردا = وتردي اذا مع هواه انسقت

الحجيري=
الـــطـــيّــــبــــه بـــأهـــلــــهــــا أبــــــــــــــدا=ولا شكّ في قولكم ما بقت
وأهــل الـــردى مـــا لـهــم حـــدا=كـل مـا تشاملـت أو شـرقـت

حرب=
سلام يامضـرب الامثـال = يامن رجـال الوفـا تعـزه
يصعب على الريح هز جبال = وانته جبل.ريـح ماتهـزه
حفيدالحجيري=
ترحيب يا عالي المنزال = باِعداد منهو سكن غزه
بوجودكم بيرقي فالعال = يا من لكم فالوغى فزه
حرب=
أعجبني الفارس الخيّال = يوم النصر بيرقـه رزّه
لكنّ بألقي عليك سؤال = المشتقي وش حرق رزه
الحجيري=
فعل البطل يعجب الأبطال=هذي عوايد هل العزه
والمشتقي انذل والإذلال=يصلاه كالجمر فالجزه