محاوره لجميع الشعراء

هام السحاب البرق فوقه يلوحي = وانا ضمنت الغيث من شوفة البرق
وقلب يود الخير دايم سموحي = يلقى وداده مع هل الغرب والشرق

رقَّت قلوبٍ خوف من برق يتلاه=رعَّاد يرزم يصحبنِّه صواقع
حده جهدها تقول يالله يالله=لا تواخذ الأمة على فعل واقع

قعدت افكر بقاف ن ماحدن جابه=قلت اكتب القاف حرف الدال ومردد
دندنت ساعة وهل الغيم صبابه=في صفحة النت والموضوع متجدد

ددان لاصكت من يمين ويسار=ودارت رحاها والوعد قد تقرر
ما يعود لو هو من تحت وابل النار=الا الأسير المنتخي قد تحرر

قعدني الرعاد من لذة النوم = يوم المصيح قام يكثر صريخه
قالوا تريح وانت صاري من اللوم = كل(ن) على ماقيل ياكل طبيخه

(خه) كلمة(ن) ما لها معنى(ن) اعرفه يالعبيدي= جبته علشان هذا مطلبك عند البدايه
دورت كلمه بها خاء(ن( و هاء(ن) في القصيدي = و ازريت احصل و كفّنته بقوسين و عبايه

( خه ) كلمه من رسول الله=لما سمع واحد يخبط القدم
واللي يبي دليل أبادله=حديث ابن وقاص منذ القدم

دمت ياليوبي نبي هذا الدليل= دام عندك عنه معلومه فهات
أعرف ان (خه تشنق) صيني(ن) نبيل= مسلم(ن) بحار قبل قرون مات

اتشرف بك .. وعند ابن كثير= يومه دعا ذا النون ربه في الظلام
والقصة هذي ضمها التفسير= فالجزء الاول من كتابه والسلام

أمة(ن) تسمع تعاليم النبي محمد= ما تضيع ودينها هو ناسخ الادياني
دينها حي(ن) سوي و دين غيره رمّد=ودام جبت العلم ياليوبي محد لك شاني