ديوان الشاعر(بخيتان البشري)

بخيتان البشري=
نبغى لحن يمتع الجمهـور=واخبُرك شاعر تجيب جزال
سلام فيـه الوفـا محكـور=يلفي على شاعر الأبطـال
سكري بريدة=
خبري بكم فأول الطابور=يانجم ساطع على الامثال
يامرحبا والوفا مخبور=ترحيب شلته لكم موال
بخيتان البشري=
لاشك هذا الأمر مقـرور=قولك وتحميـه يارجـال
كيف النبأ والبنات سفـور=محذور من ماضي الأجيال
سكري بريدة=
وافي ولاظن يجينا قصور=نبغى توضح لنا الاقوال
القيل غاطي عليه دثور=اشرح لنا امرنا فالحال
بخيتان البشري=
انتا طبيب الهوى دكتور=وانا بجرحي مشيت أميال
ايام في ذا العنا وشهور=لاعاد مخرج ولا مدخـال
سكري بريدة=
الان بين لنا المستور=ويش الذي غير الاحوال
اصبحت من حالكم مقهور=واتحطمت للهوى امال
بخيتان البشري=
شربت كيف الهوى مبهور=وقبل ارتوي قصر الفنجال
واليوم من حالتي مذعور=ياسكري والمدى بي طال
سكري بريدة=
وش غير الحال بعد سرور=منهو الذي بينكم بطال
مدري دخلهم عليك غرور=والا تصدو لكم عذال
بخيتان البشري=
لاجيت عنده جفا وحقور=ولا رحت دمعه عليّ همال
إحساس عنده وفيّ شعور=والكل منا يشوف اهـوال
سكري بريدة=
الان واجب نروح نزور=الشيخ يقرا لنا الانفال
ذي عين حاسد عليك ادور=من بعدها يستريح البال

بخيتان =
دامك رطب سكري مرغوب=وخلاص مثلك رطب جيتك
لاشك شاعر ولك أسلـوب=ويطربني الحرف لوحيتك
سكري بريدة=
يا مرحبا راعي المكتوب=يرتاح بالي الى اطريتك
بحرفكم كم ملكت قلوب=الشاهد الله حبيتك
بخيتان =
راعي وفا ما عليك حجوب=في وسط الأعيان حطيتـك
شاعر وعند العرب محبوب=ومن صادق إحساس عزيتك
سكري بريدة=
القيل من يمكم مندوب=ناديتني ثم لبيتك
العلم من يمكم مطلوب=ليتك تبين لنا ليتك
بخيتان =
هيا أستمع حالي المقلوب=وافيدنـي بعـد وريتـك
اشكي لك الوالع المشبوب=حتى الصبر قال مليتـك
سكري بريدة=
لاباس يالصاحب الحبوب=معناك مخفيه في بيتك
ان كنت متولع برعبوب=وتداري الود اعفيتك
بخيتان =
إنته حبيّب لنا محبـوب=وكلام فالـود ماعطيتـك
لاتزيد حالي عليّ صعوب=ابحث بحالـي تمنيتـك
سكري بريدة=
ماقول فالود قلب يذوب=انشد خبرك وتحريتك
مادام تشكي علي وجوب=اسعى واوصل عتب بيتك
بخيتان البشري=
خلآ الآسى وانتحى مغصوب = ولو بشرح الوضع بكيتك
وأصبح جدار الآمل مشطوب = للشام بالعلم وديتك
سكري بريدة=
الان من شاشة الحاسوب = بيان صادر على ايتك
الود دامه بلا عذروب = وانت على نهج وفيتك
عمر الامل ما تجيه شطوب = في مثل ذا الامر خطيتك
اصبر وخل الامل مرقوب = ولا تقول للود رديتك

سلام ينصا السعودية = ولشعبها بعد قايدها
بورود والوان وردية = وبأحلا التهاني نعايدها

إنسان محروم ومحطّم=قلبه سبب ماجراله منك
جدر الأمل شوفه مهدّم=ممكن تقيمه إذا امكنك

اقفيت وإفراق بقيته = وذبلت ورود الحنين سنين
قلبي بلامآك عزيته = ياكيف تقوى تجينا اللحين

تركي البشري=
عجل علينا يا أبو محمد = و أدعو لنا بادع الأفلاك
ذهلت من روعة المشهد =والقلب في حوزة الأتراك
بخيتان البشري=
القلب لابد ما يصمد =والله يخارجك مما جاك
أصبحت في وضع لا تُحسد = ليتك توضح أمر عناك
تركي البشري=
فجأة وقدام لا نقعد = قرب لي الخد قلي هاك
و بادرني المبسم الأوحد=و أثر على عامل الإدراك
بخيتان البشري=
حسب الذي بان فالمشهد =الورد في قطفته ما عضاك
واحرص معه قبل لا تفقد= ريحة شذا الورد بالإرباك
تركي البشري=
من شاهد الطرف إستشهد =رحماك ياربنا رحماك
عادتك ناجح ولا تجهد = أوجزت والوضع لايخفاك

بخبتان البشري=
تلقاه دايم ضعيف النفس = لو كان واحد من أصحابك
يلعب معك فالخفا ويدس = وحريص فالوجه بأعجابك
ابو طلق =
تبديه الأيام لو يندس = ياحر خلك فمرقابك
واصبر على الصيد وإفرس فرس = لاصار تحت أمر مخلابك

تعبت نفسك على التهكير = بعيد اللي تريدونه
هذي رسالة لكم تذكير = ماهمنا اللي تسوونه

بخيتان =
الحب كلمة لها مدلول=مدلولها عند اهلها ود
تُبنى على الضم بالمفعول=ويُرفع بها الفاعل المُقعد
فهد عواضه=
الحب بالسلم ولااصول=احساس متبادلٍ من بعد
اقول ومخالفك بالقـول=ان جات بالمزح ولا جد
بخيتان =
يابو غلا حبـك المبـذول =لاصــار وحــده بيتـبـدد
لاصار فالود بك مجهول =وانتـه معـه دوم متنـكـد
فهد عواضه=
تكفي الرسائل مع المرسول=وكلن للاخر يبيـح السـد
دام الطهر ملبس المجمول=وعفيف بين العرب ينعـد
بخيتان =
عـاذل يـداوي آسـى معـذول=والكـل منهـم آســى يحـصـد
سيف الهوى جاهم المسلول=وحمـود يشكـي عليـه أحمـد
فهد عواضه=
بالخير ماحصد ياغير اللؤل=ياجعل ساس الجهل ينهـد
الناس فرق بفكر وعقـول=وسعيد ماهو سوات اسعـد
بخيتان =
لو هو كلامك حلو معسول=بحر الهوى فيه جزر ومد
موج الهوى حامله محمول=لو باح خافيه ما يسعد
فهد عواضه=
يااحول من صاحبي يااحول=الم شكله راسه معند
العمر حول يعاقب حول=اتراب منه وله ترد
بخيتان =
اخذ معي وعطني المعقول=إسـنــاد للـغـيـر لا تـسـنــد
راع الهوى فالبحور يجول=قلـبـه غــدا للمخـاطـر نــد

من بعد ما كنت لك دارك =واعلنت لك فالملأ ودي
ياللأسف طاح مقدارك =ما عاد لك منزلة عندي