صلفات الليال

ابيات رائعه
صح لسانك على هالقصيدة
ودام ابداعك

	المشاركة الأصلية كتبت بواسطة حمدي العوفي

	أخواني الاعزاء الأكارم السلام عليكم ورحمة الله وبركاته وبعد ... أليكم هذه القصيده وهي بعنوان (صلفات الليال) والتي نشرت يوم أمس الجمعه بتاريخ ١٥/٣/١٤٣٢ في صفحة مدارت شعبيه في جريدة الجزيره ومع الأسف الشديد لقد نشرت القصيده وقد حذف منها ثلاث أبيات غيرمتتاليه وحذف أيضا الكلمه الثانيه من عنوان القصيده وزيادة حرف في أحد الأشطر مما كان له الأثر الواضح على القصيده أتمنى أن تكون هذه الاخطاء والحذف غير مقصودة من الأخوه المحررين في صفحة مدارات سائني ذالك التغيير والتحريف الغير مبرر وأحببت أن أضع القصيده كامله أمامكم مع التنويه والتصحيح ... والسلام يامحمد ويـش أسـوي بصلفـات الليـال=كل ماصفي شـراب"ن" تجـي وتكـدره مانفـع معهـا تمنـي ولاطـولات بـال=وأن ورد حضي عليـه لـزوم تصـدره خلت العقـل يتحيـر ولاحصـل مجـال=وصارت أفكاره مع الوقت تقـل مبـدره أن مشيت الحق والصدق والسلم العـدال=مالقيـت اللـي يشجـع ويرفـع حـدره وإن تصادقت النوايـا وصدقـت القبـال=أنصدمـت بعكـس ماتـو بانـت بـدره وإن وقفت الماقف اللي يصل روس الجبال=قالو جبـال الجزيـره ماهـي متصـدره وأن بغيت الشعر يرسخ وقربـت الثقـال=أكتشفت أن القصيـد أنتهـى مـع نـدره وقتنـا قفـى ولاباقيـن بـه راس مـال=غير من ثبت بـروس المعالـي جـدره وزود فعل الطيب ومجالس قروم الرجـال=هي مقاصد مـن يبـا كـل قـوم تقـدره وشوفة البل مرتعه في مخاضير السهـال=فـي ديـارن طيبـه والحـزوم مغـدره هي وناسة من يحب الوناسـه والكمـال=وهي غناة اللي مع الفقر عايـش غـدره ورشفة الفنجال فالبر من صفـر الـدلال=تسمر الـراس المعنـى ونـوب تخـدره مانطقناهـا تخيـل ولافيـهـا خـيـال=ولاتصنعنـا سوالـف شـلـل متـقـدره والله إنا نسهـج الارض ونـدوج العبـال=يوم بعض الناس وسط البيـوت محـدره

الأخ العزيز الشاعر القدير حمدي العوفي سلمه الله


بالفعل اخي قرأته بجريدة الجزيره ولقد ساأني ماذكرته اضف انها لم تعطى حقها من الاخراج ولكن لاغروا فمن هم طاقم التحرير الان هناك لاحول ولاقوة


قصائدك جزله وحضورك دوما مشررررف ويرفع الراس


قصيده بمنتهى الروعه من حيث المبنى والمعنى وقافية لايروضها الا شاعر كبير ومروض عتيد


الف مليون مليون صح السانك

وعلا شانك


ولاعدمناك ولاعدمنا مثل هذا الحضور المشرف والمشرق دوما



تحيتي وتقديري لشخصك الكريم

الاخت الشاعره
منيره الحربي
صح بدنك والف شكر على تواجدك المميز
ومرورك الرائع



تقديري

صح لسانك واللة لا يهينك

قصيدة رائعة من شاعر رائع ومميز

ودي وتقديري لك

صح بدنك أخوي العزيز
والشاعر الكبير سعد المحمدي سعدت بمرورك وتواجدك
وشهادتك أعتز فيها واعتبرها وسام بيض الله وجهك على
كرمك ونبل أخلاقك ولاعليك زود يالغالي


تقبل أحترامي وشكري لك

صح لسانك على القصيده الجزله

وان شاء الله الخطا ماهو متعمد منهم.

الشاعرالقدير / حمدي العوفي

صح لسانك وبيض الله وجهك قصيدة رائعة , تسلم ,

تحياتي

الشاعر القدير والغالي
السهم الحربي


صح بدنك وبيض الله وجهك على المرور الجزل
وشهادتك محل فخري واعتزازي
الف الف الف شكر لك من القلب
والله لايهينك

صح لسانك شاعرنا / حمدي العوفي

والله لايهينك

الاخت الكحيله

صح بدنك


ومشكوره على المرور الكريم