اللي بيحاورني

من يمشي بغير النظام يضيع في وسط الزحام= و لا احدٍ يعدِّه قدم وجه الرّكب و الا بذنبه
و الطايره حلّق بها شجعاننا مثل الحمام= في جيش ابو متعب و سيفك تحت أمره و اطْلِبِه

المشكله بعض العرب شخصيته فيها انفصام= لا ارخيت حبلك في يديه يعود يمك يكربه
المشكله كان الصقر من عالي المشراف حام= تبي تضيع السالفه من مشرقه لا مغربه

المشكله يا حربي الاسياح في فهم النعام= يدس راسه بالتراب يظن مَحْدن ينتبه
و ان كان حام الصقر حولك فانت وضعك مش تمام= تبي تضيع السالفه من قوّ ضربة مخلبه

قال المثل يا صاحبي ضرب ن على الميت حرام = لا صار يكفي ما حصله ليش نرجع نضربه
امشي على وضح النقاء دام الذخيره بالحزام = هذا الحزام اللي ليا جاله لزومه نكربه

[marq]حربي الاسياح
الصييفي
ماقصرتم وصح الله
لسنتكم
وتقبلوا مروري[/marq]

أنته بطبعك عَيّ و اللِّي عَيّ عساه الرحام= يموت من عَيِّهْ و لو حتى ضميره أنِّبِه
خلِّك بدربك لين تشبع من ضياعك في الظلام= و حزامك اللِّي تعتزي به لا يجي من يسْلبه

توي دريت ان الرجال تعود في سن الفطام= وان الطريق الزين يا تيله ضعيف ايخربه
المعذره نبغى نهايتها بودن واحترام=واللي يدور طيب يا ابن الناس وده يكسبه

و توِّي دريت انك تحسب المسأله جبنٍ و جام= في رفعِك المنصوب، و المرفوع ترجع تنصبه
شكرا على هذي النهايه و الخبر تحت الطمام= و الطيب حاصل بس بعض الناس وده يصلبِه

حربي الاسياح تشرفنا بتواجدك وانضمامك لشعراء المحاوره وصح الله لسانك على الطاروق الكايف
وبيض الله وجهك ومسمى شاعر بالطريق اليك وتستاهل وكفو يابن راشد
وصح الله لسانك يادكتورنا ابو الوليد على الرد الرائع وابداع وجزاله من الطرفين لاهنتم ولانعدم تواجدكم الراقي

	المشاركة الأصلية كتبت بواسطة مضحي بن جمران

	حربي الاسياح تشرفنا بتواجدك وانضمامك لشعراء المحاوره وصح الله لسانك على الطاروق الكايف وبيض الله وجهك ومسمى شاعر بالطريق اليك وتستاهل وكفو يابن راشد وصح الله لسانك يادكتورنا ابو الوليد على الرد الرائع وابداع وجزاله من الطرفين لاهنتم ولانعدم تواجدكم الراقي

حياك الله يبو أحمد

و هذا جزء يسير مما عندك

وجودك و شرواك هو وقود المحاوره

و ينبوعها الذي لا ينضب


تقبل تحياتنا و تقديرنا