رقم (726) هاللغزصعب=محلول المحص= من عبدالله الفريدي

وش رايك بالمسواك

الرمعه الثانيه الدلو

صح السانك يا ابو خالد وشرايك بليف النخله

	المشاركة الأصلية كتبت بواسطة ابوخالد الفريدي

	يابو زياد قرب جاء دورك وانا ما اتحدى اعرفك الله يكفيني شرك لكن انت واللي يبي يفزع معك ها اللغز مرقده بالشعيب ـــــــــــــــــــــــــــــــــــ ويش رجل قبل مايعمل يغسّل=ويتميز في نشاطه عن زميله لايهاب من العميق ولايتوسل =ولايخاف من القصيره والطويله في عميله لايبور ولايتفسل =الاصيل اللي مأخوذ من الاصيله

صح لسانك يابوخالد
ومحل فخر واعتزاز ان يوجه لي شاعر بحجم ابوخالد لغز ويعنون بسمي
والحقيقة اني حسيت ان فيه شئ مهم يوم جتني رسايل موجود لأني كنت خارج الخدمة والبركة بالحاضرين وبينتم لي الدروب يالنشاما بالذات الوهبي وصبار الله يعافيهم
واستلم وعسى الله يقود السهوم

والله ان الفكر له مده مكسّل=مايشجعني على شب الفتيله
لين شفت الغازك الجزله اترسّل=منك لرجال" مواقفهم جزيله
والحبال اللي من النخله اتنسّل=تجذب الماء من عدود ومن ثميله

	المشاركة الأصلية كتبت بواسطة ذيب المضيح الاول

	الاخ : ابوخالد مسيت بالخير انت والاخوان صح السانك على بناء هالغز ويش رايك ( بشناذر ورب الدلال ) تــــــــــحـــــــــــــــــــياتــــــــي

ــــــــــــــــــــــ
حييت وتشكر اما الرمعه دورغيرها

يا بو هليل صح بدنك وسلمت ورمعاتك كلها غير صالحه
غدير فهدالوهبي مالك لوى
صبار العنزي صح بدنك وسلمت والرمعات كلها ما مشت

	المشاركة الأصلية كتبت بواسطة عبدالله الفريدي

	صح لسانك يابوخالد ومحل فخر واعتزاز ان يوجه لي شاعر بحجم ابوخالد لغز ويعنون بسمي والحقيقة اني حسيت ان فيه شئ مهم يوم جتني رسايل موجود لأني كنت خارج الخدمة والبركة بالحاضرين وبينتم لي الدروب يالنشاما بالذات الوهبي وصبار الله يعافيهم واستلم وعسى الله يقود السهوم والله ان الفكر له مده مكسّل=مايشجعني على شب الفتيله لين شفت الغازك الجزله اترسّل=منك لرجال" مواقفهم جزيله والحبال اللي من النخله اتنسّل=تجذب الماء من عدود ومن ثميله

ــــــــــــــــــــــــــــــــــــــــــ
صح لسانك يا بوزياد رد حاسم والقافيه صعبه لكن ماعليك صعب ماشاء الله
اما الرمعه خطت من جنب الحل وغبارها تقوبعه وسلم

طيب يابو خالد الرشاء اللي من جلود الابل واسمه كان ماني واهم المحصّ

يابو خالد وشرايك 0000 بالعقال 00او00 القياد 00او 00 الهجار

صح لسانك يا بو زياد هو( المحص)
الاخ سعد الحل جاء خلاص