جيت ولا جيت من طبعي اسلم على الكل

،،
،،
،،
،،
،،
،،
،،
،،
،،
،،
،،

جيت ولاجيت من طبعي باسلم على الكل=جيت ولاجيت فميدان الادب شالمشكله
المشكله لو ماجبت من القصايد الجزل=وانا مايبخل علي شعري باعذبه واجزله
يالايمي لاتدور مني في غير المسبكل=لجل اني وريثة من يجيدون في السبكله
واحلحل بها روس الحبال اللي ماتنحل=وفي عقدها يصعب على من يحاول حلحله
وباخطها بريشة الرسام اللي بتذهل=كل العقول في تناسق الوانها المذهله
باحساسي المرهف وتخلو من المربكل=وابا اهديها بنيه مظفر شعرها مبكله
تشمها اكليل من الورود اللي اغلبه فل=عذبة لمى بطعم العسل من وسط المنحله
ولا اقبلت كنها مزون الحياء اللي تبا تهل=بامطارها وتروي أرض الأدب المقحله
ولاني ناكر فحوله للشعر ولكنهم قل=والا البقيه غئاء كغئاء السيل مسيله
والا انا ارقى بشعري فوق الهامات وابجل= اسمي ولا امشيبه الا في دروب المرجله
هذي وصوفي يا اهل القاف ولا ابا انزل=عن ذائقة المستمع ولو بقدر الأنمله
ابياتي منها كل عاله على الشعر يخجل=تدوي كما دوي الحرب اللي لها جلجلهه