يالزغيبي يوم راع السالفه خلاها

راعي البندق بعد ماشالها وطاها=ضاع شوفه بين حبتها وبين اهدافه
ان حرف يوم السباع الشهب سمع عواها= سجلوها في ملفه ماحما ميقافه
لا طوى ملف دعوى خمها وخطاها=مالنا في فرك خشمه يوم شفت ارعافه
يالزغيبي يوم راع السالفه خلاها=لاتغطى في لحافه لاتشيل الحافه
أضحكتني دلوه اللي ماجذبها ارشاها=الله اما لاشماته يابسات اطرافه
سالفه سياتها غطت على حسناها=مانبيها تزود لو كان الحمول اخفافه
وكان راع الذاهبه بمراحنا ضواها= قلت ياذيب السبايا تو زان اعسافه
مير اذان الذيب الابرق يالرفيق ارخاها =عالي المرقاب من رمي المعددعافه
والله انا مانبي حد العرب لقصاها=لين شفنا الناس قبل المعتدي وخلافه
لاتشرهنا عليهم زادها وعماها=وان تكلمنا علينا اللوم يالعرافه
الرجال الطيبه مهما حصل ندراها=والنوايا طيبه وقلوب بيض انضافه
تم قولي والمعاني واضحٍ مغزاها=قاله اللي لاتكلم مانوا بنكافه