( اهل اليمن ماينقضون المواثيق )

/
/
/
/
/
/
/
/
/
/
هذه القصيده ارسلتها
إلى صديقي
/ عاطف محمد
من اليمن السعيد
وانقلها لكم مع الرد

ياراكب اللي فيـه خمسـه تعاشيـق=يسبق هبوب الريـح وقـت اندفاعـه
تكفى توجـه جعـل دربـك توافيـق=يم اليمـن برسـل معـاك الوداعـه
واهل اليمـن ماينقضـون المواثيـق=اصل العرب نبع الوفـا والشجاعـه
في عرفهم مااعرف مضامه ولا ضيق=من ضمنهم عاطف وربـعه سباعـه
قلّه ترانـي عايـف البعـد ماطيـق=بعد الـذي صـوّب فـؤادي ولاعـه
فيـروس حبـه داج كـل المرافيـق=حتى عجـز عنـه جهـاز المناعـه
وتدري وش يسبب فراق العواشيـق=خصّـا ً الا طـوّل وزادة جـراعـه
كتمـه وضيقـه حرهـا بالمعاليـق=وراع الهوى كنـه يعيـش بمجاعـه

الشاعر / خالد بن عبيد بن معتوق ألأحمدي
واليكم الرد
من اخوي / عاطف محمد

يااللي صروفك كالذهب فى الصناديق=والنجم يقبس من ضياهـا شعاعـه
حيـاك يانسـل الرجـال المطاليـق=ياالاحمدي يابو الوفـاء والرفاعـه
مثلك انـا لفرقـة الزيـن ماطيـق=بس الزمن خداع ومعروف خداعـه
الدهر غدار ماسلـم منـه عشيـق=يا ما شكينـا مـن تقلـب طباعـه
فكم عـذب وكـم اضنـى مخاليـق=وشتـت شملهـم بعـد اجتمـاعـه
هـذا ولـك منـي تحايـا تفاريـق=محمله بالـورد فـي كـل ساعـه