لا واهمومي من هجوسٍ غريبة

لا واهمومي من هجوسٍ غريبة=مابين قلب .. وطفل يبغى يناغيه
الطفل وده ياعرب يلتهي به=والقلب ماهو آمن الطفل يشويه
وإنا جروح القلب مني عطيبة=ما فاد من باعه ولا فاد شاريه
أسباب جرحٍ غايرٍ من طبيبه=زود عذابه وأحسب أنه يداويه
وأخاف مايدري وهذي مصيبة=وأكبر مصيبة كان يعرف بلاويه
ويلعب بقلبي لاعسى الله حسيبه=لا تاركه يدله ولا هو مهنيه
هذا وأنا ما أنكرت حسنه وطيبه=ولا أنكر على منه وصوفه تحليه
الله عطاه من الوصوف العجيبة=سبحان من بد الخلايق مسويه
لكن بلايه في الطروق التعيبة=إليا شلع بالصوت ما أقدر أجاريه
لأجل الحواضر لو بعيدة قريبة=لاصار قلب العبد همه معنيه
ويالله يا رافع سماك المهيبة=كلٍ تجيره لاشتكى حال معضيه
والعبد عبدك وأنته اللي تجيبه=(ولاخاب عبدٍ يطلب الله ويرجيه)