( أهداء للجميع بعد موسم ألاختبارات)

اخواني ألاعزاء
كنت
قد اختبرت
هذا العام
في الصف ألأول
الثانوي
(منازل)
وكان صديقي
العزيز
ألستاذ
(حمد الحربي)
يتصل بي بعد كل أختبار
ويقول: كيف سويت
وقلت له :بعد اخر اختبار
اعلمك بالنتيجه
وبعد اخر اختبار
ارسلتله هذه الابيات
وبشركم اني تركت ورقة ألأسئله
وانشغلت بالقصيده

وش فيك دايم تنشّد ياحمد ليه=تبغى علومي وخذها مني مقره
الكيميا جاتنا فقره حسابيه=اسألها ياحمد اصعيب بالمره
ياليت عندي لهم جابات علميه=واكتب لهم ياحمد تعريف للذره
واحياءنا بعضها دروس طبيه=من سببها عيوني دوك محمره
والفيزيا كنها موجات بحريه=فرة فؤادي عليها ياحمد فره
وان قلت كيف النحو قلت الك موليه=واعرابه اللي مضيّع رفعه وجره
وان قلت كيف الجبر اقول لك زيه=صاحبك حده زمانه وضع ماسره
حتى الادب جاتنا فيه الفيه=اكمل وعللّ وبيّن سبب الحره
وعينت بالانجلش طلقات ناريه=من هولها ياحمد الروح منضره
والهاجس اللي عناني كل صبحيه=هو السبب في رسوبي كان تتشره
لامن طرالي وليف ٍجاير ٍفيّه=الجسم داخل في لجّنه والعقل بره
والوقت اشوفه معي مافيه ماويه=ماعاد نقدر نقاوم برده وحره
والحال ماهي ترى ميه على ميه=لاهزها منظر ٍ لمحمد الدره

الشاعر/ خالد بن عبيد بن معتوق ألأحمدي